ರಜನಿ ಇದ್ದ ಬಸ್​ ಚೆಕ್​ ಮಾಡೋದೇ ಕಷ್ಟವಾಗಿತ್ತು... ಬಸ್​ನಲ್ಲಿ ಇದ್ದವರು ಗಲಾಟೆ ಮಾಡಿ ನನ್ನನ್ನು ಕೆಳಗಿಳಿಸಿದ್ರು...

ಕೊಟ್ಟೂರು(ವಿಜಯನಗರ): ಇದು ಭಾರತೀಯ ಚಿತ್ರರಂಗದ ಸೂಪರ್​ಸ್ಟಾರ್​ ರಜನಿಕಾಂತ್​ ಕುರಿತ ಇಂಟರೆಸ್ಟಿಂಗ್​ ಸ್ಟೋರಿ.

ಈ ಘಟನೆ ನಡೆದಾಗ ರಜನಿಕಾಂತ್​ ಇನ್ನೂ ಸಿನಿಮಾ ಸೇರಿರಲಿಲ್ಲ, ಇನ್ನೂ ಕಂಡಕ್ಟರ್​ ಆಗಿದ್ದರು. ಸಾರಿಗೆ ಇಲಾಖೆಯಲ್ಲಿ ಅನೇಕ ಹುದ್ದೆಗಳನ್ನು ನಿರ್ವಹಿಸಿ 2013ರಲ್ಲಿ ನಿವೃತ್ತಿಯಾಗಿರುವ ಕೊಟ್ಟೂರಿನ ಲಾಲ್​ಸಿಂಗ್​, 1979ರಲ್ಲಿ ನಡೆದ ಸ್ವಾರಸ್ಯಕರ ಘಟನೆಯೊಂದನ್ನು ನೆನಪು ಮಾಡಿಕೊಂಡಿದ್ದಾರೆ. ಇದನ್ನು ಅವರ ಬಾಯಲ್ಲೇ ಕೇಳಿ...

'ಅಂದು ನಮ್ಮ ಮೇಲಧಿಕಾರಿಗಳು ಒಂದೆರಡು ಬಸ್​ ಚೆಕ್​ ಮಾಡಿಕೊಂಡು ಬನ್ನಿ ಎಂದು ಸೂಚಿಸಿದ್ದರು. ಆಗ ಪ್ರಯಾಣಿಕರಿಂದ ತುಂಬಿದ್ದ ಮತ್ತು ಶಿವಾಜಿ ಗಾಯಕ್ವಾಡ್​ (ಈಗಿನ ರಜನಿಕಾಂತ್​) ಇದ್ದ ಬಿಎಂಟಿಸಿ ಬಸ್​ ಚೆಕಿಂಗ್​ಗೆ ಹೋಗಿದ್ದೆ. ರಜನಿಕಾಂತ್​ ಇದ್ದ ಬಸ್ಸನ್ನು ನಿಲ್ಲಿಸಿದ್ದೆ. ಇದ್ದಕ್ಕಿದ್ದಂತೆ ಕಾಲೇಜು ಹುಡುಗ-ಹುಡುಗಿಯರು ಚೆಕಿಂಗ್​ಗೆ ಅವಕಾಶ ನೀಡಲಿಲ್ಲ. "ಬಸ್​ನಲ್ಲಿ ರಷ್​ ಇದೆ. ನಾವು ಕಂಡಕ್ಟರ್​ಗೆ ಕಾಸು ಕೊಟ್ಟಿದ್ದೇವೆ. ಅವರು ಟಿಕೆಟ್​ ಕೊಡ್ತಾರೆ. ನೀವು ಚೆಕ್​ ಮಾಡೋದು ಬೇಡ'' ಎಂದು ದಬಾಯಿಸಿದ್ದರು. ಬಸ್​ನಲ್ಲಿದ್ದ ದೊಡ್ಡ ಗುಂಪು ಗಲಾಟೆ ಮಾಡಿ ನನ್ನನ್ನು ಕೆಳಗಿಳಿಸಿದರು. ಈ ಘಟನೆಯನ್ನು ಮೇಲಧಿಕಾರಿಗೆ ತಿಳಿಸಿದೆ. ಮೇಲಧಿಕಾರಿಗಳು ಸಹ "ಆ ಗಾಯಕ್ವಾವಾಡ್​ ಇದ್ದ ಬಸ್​ ಚೆಕ್​ ಮಾಡೋದೇ ದೊಡ್ಡ ತಲೆನೋವು. ಹುಡುಗ-ಹುಡುಗಿಯರು ಅವರ ಸ್ಟೈಲ್​ಗೆ ಫಿದಾ ಆಗಿದ್ದಾರೆ'' ಎಂದು ನನಗೆ ತಿಳಿಸಿದರು. ಕಂಡಕ್ಟರ್​ ಆಗಿದ್ದಾಗಲೇ ರಜನಿಕಾಂತ್​ ಮ್ಯಾನರಿಸಂಗೆ ಮನಸೋತಿದ್ದ ಕಾಲೇಜು ಹುಡುಗ-ಹುಡುಗಿಯರು ಬಸ್​ನಲ್ಲಿ ಕಾಲಿಡದಷ್ಟು ತುಂಬಿರುತ್ತಿದ್ದರು...' ಸೋಮವಾರಷ್ಟೇ ರಜನಿಕಾಂತ್​ ಅವರು ದಾದಾಸಾಹೇಬ್​ ಫಾಲ್ಕೆ ಗೌರವ ಸ್ವೀಕರಿಸಿದ ಸಂದರ್ಭ ಈ ಘಟನೆಯನ್ನು ಲಾಲ್​ಸಿಂಗ್​ ಸ್ಮರಿಸಿದರು.

https://www.vijayavani.net/a-mahila-samaja-scool-in-kolar/

https://www.vijayavani.net/a-mysore-shivaprakash-and-latha-case/

https://www.vijayavani.net/a-madikeri-trip-girlfriends-home-stay/