ಕೋವಿಡ್​ಗೆ ಸಿಪಿಐ ಮುಖಂಡ ಸೀತಾರಾಮ್​ ಯೆಚೂರಿ ಹಿರಿಯ ಪುತ್ರ ಬಲಿ

ದೆಹಲಿ: ಸಿಪಿಐ(ಎಂ)ನ ಪ್ರಧಾನ ಕಾರ್ಯದರ್ಶಿ ಸೀತಾರಾಮ್​ ಯೆಚೂರಿ ಅವರ ಹಿರಿಯ ಪುತ್ರ ಆಶೀಶ್​(34) ಕರೊನಾ ಸೋಂಕಿಗೆ ಬಲಿಯಾಗಿದ್ದಾರೆ.

ಪತ್ರಕರ್ತರಾಗಿದ್ದ ಆಶೀಶ್​ಗೆ ಎರಡು ವಾರದ ಹಿಂದೆ ಕರೊನಾ ಸೋಂಕು ದೃಢಪಟ್ಟಿತ್ತು. ಅಂದಿನಿಂದ ಗುರುಗ್ರಾಮದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿತ್ತು. ಇಂದು ಬೆಳಗ್ಗೆ ಚಿಕಿತ್ಸೆ ಫಲಿಸದೆ ಕೊನೆಯುಸಿರೆಳೆದಿದ್ದಾರೆ. ಇವರು ಬದುಕಿದ್ದರೆ ಜುಲೈ 9ಕ್ಕೆ 35ನೇ ವರ್ಷ ಬರ್ತ್​ ಡೇ ಸಂಭ್ರಮದಲ್ಲಿರಬೇಕಿತ್ತು. ಚೆನ್ನೈನ ಏಷಿಯನ್​ ಜರ್ನಲಿಸಂ ಕಾಲೇಜಿನಲ್ಲಿ ಆಶೀಶ್​ ವಿದ್ಯಾಭ್ಯಾಸ ಮಾಡಿದ್ದರು.

ಪುತ್ರನ ಸಾವಿನ ಬಗ್ಗೆ ಟ್ವೀಟ್​ ಮೂಲಕ ತಿಳಿಸಿರುವ ಸೀತಾರಾಮ್ ಯೆಚೂರಿ, ಕೋವಿಡ್​ನಿಂದ ನನ್ನ ಹಿರಿಯ ಮಗ ಆಶಿಶ್ ಯೆಚೂರಿಯನ್ನು ಇಂದು ಬೆಳಗ್ಗೆ ಕಳೆದುಕೊಂಡೆ. ನಮಗೆ ಭರವಸೆ ನೀಡಿದ ಹಾಗೂ ಮಗನಿಗೆ ಚಿಕಿತ್ಸೆ ನೀಡಿದ ಎಲ್ಲರಿಗೂ ನಾನು ಧನ್ಯವಾದಗಳು ಎಂದಿದ್ದಾರೆ.

ಆಶೀಶ್​ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಹಲವರು ರಾಜಕೀಯ ಮುಖಂಡರು ಸಂತಾಪ ಸೂಚಿಸಿದ್ದಾರೆ. "ಸೀತಾರಾಮ್ ಯೆಚೂರಿ ಜೀ ಮತ್ತು ಅವರ ಕುಟುಂಬಕ್ಕೆ ಆಶೀಶ್​ ಅಗಲಿಕೆಯ ನೋವು ಭರಿಸುವ ಶಕ್ತಿಯನ್ನ ಭಗವಂತ ನೀಡಲಿ' ಎಂದು ಪ್ರಧಾನಿ ಟ್ವೀಟ್​ ಮಾಡಿದ್ದಾರೆ.

https://www.vijayavani.net/a-oxygen-leakage-in-nashik-hospital/

https://www.vijayavani.net/a-kolara-fancy-store-young-lady-case/

https://www.vijayavani.net/a-corona-negetive-for-bsy/