ನೀಟ್​ ಸೀಟು ಹಂಚಿಕೆ ತಾತ್ಕಾಲಿಕ ವೇಳಾಪಟ್ಟಿ ಪ್ರಕಟ

ಬೆಂಗಳೂರು: ಪಿಜಿ ನೀಟ್​-2022ರ ಅಖಿಲ ಭಾರತೀಯ ಕೋಟಾ ವೈದ್ಯಕೀಯ ಮತ್ತು ದಂತ ವೈದ್ಯಕೀಯ ಕೋರ್ಸ್​ಗಳ ಸೀಟು ಹಂಚಿಕೆಯ ತಾತ್ಕಾಲಿಕ ವೇಳಾಪಟ್ಟಿಯನ್ನು ಭಾರತೀಯ ವೈದ್ಯಕೀಯ ಪರಿಷತ್ತು ಪ್ರಕಟಿಸಿದೆ.

ಮೊದಲನೇ ಸುತ್ತಿನ ಸೀಟು ಹಂಚಿಕೆ ಪ್ರಕ್ರಿಯೆ ಆ.30ರಿಂದ ಸೆ.13ರವರೆಗೆ, 2ನೇ ಸುತ್ತಿನ ಸೀಟು ಹಂಚಿಕೆ ಸೆ.17ರಿಂದ ಅ.1ರವರೆಗೆ ಮತ್ತು ಮಾಪ್​ಅಪ್​ ಸುತ್ತಿನ ಹಂಚಿಕೆ ಅ.4ರಿಂದ 18ರವರೆಗೆ ನಡೆಯಲಿದೆ ಎಂದು ತಿಳಿಸಿದೆ.

ಮೊದಲನೇ ಸುತ್ತಿನಲ್ಲಿ ಆ.30ರಂದು ಕಾಲೇಜುಗಳ ಸೀಟ್​ ಮ್ಯಾಟ್ರಿಕ್ಸ್​ ಬಿಡುಗಡೆ ಮಾಡಲಾಗುತ್ತದೆ. ಸೆ.1ರಿಂದ 4ರ ವರೆಗೆ ನೋಂದಣಿ, ಸೆ.2ರಿಂದ 5ರವರೆಗೆ ಸೀಟುಗಳ ಆಯ್ಕೆ, ಸೆ.5ರಂದು ಸಂಬಂಧಪಟ್ಟ ವಿಶ್ವವಿದ್ಯಾಲಯ/ಶಿಕ್ಷಣ ಸಂಸ್ಥೆಗಳಿಂದ ಪರಿಶೀಲನೆ, ಸೆ.6-7ರಂದು ಸೀಟು ಹಂಚಿಕೆ ಪ್ರಕ್ರಿಯೆ, ಸೆ.8ರಂದು ಫಲಿತಾಂಶ ಪ್ರಕಟಿಸಲಾಗುತ್ತದೆ ಮತ್ತು ಸೆ.9ರಿಂದ 13ರೊಳಗೆ ಕಾಲೇಜಿಗೆ ಪ್ರವೇಶ ಪಡೆದುಕೊಳ್ಳಲು ಸಮಯ ನೀಡಿದೆ.

ಅದೇ ರೀತಿ 2ನೇ ಸುತ್ತಿನ ಪ್ರಕ್ರಿಯೆ ಸೆ.17-18ರಂದು ಸೀಟು ಮ್ಯಾಟ್ರಿಕ್ಸ್​ ಬಿಡುಗಡೆ ಮಾಡಲಾಗುತ್ತದೆ. ವಿದ್ಯಾರ್ಥಿಗಳು ಸೆ.19ರಿಂದ 21ರವರೆಗೆ ನೋಂದಣಿ, 22ರವರೆಗೆ ಸೀಟು ಆಯ್ಕೆ, ಸೆ.23 ಮತ್ತು 24ರಂದು ಸೀಟು ಹಂಚಿಕೆ ಪ್ರಕ್ರಿಯೆ, ಸೆ.25ರಂದು ಫಲಿತಾಂಶ ಪ್ರಕಟವಾಗಲಿದ್ದು, ಸೆ.26ರಿಂದ ಅ.1ರ ವರೆಗೆ ಕಾಲೇಜು ಪ್ರವೇಶ ಪಡೆದುಕೊಳ್ಳಲು ಸಮಯ ನೀಡಲಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

https://www.vijayavani.net/a-newly-married-woman-death-case-in-nanjanagudu/

https://www.vijayavani.net/a-private-video-leaked-sonu-explained-in-bigg-boss-house/