ಈರಣ್ಣ ತನ್ನ ಮೊದಲ ಪತ್ನಿಯನ್ನು ಹತ್ಯೆ ಮಾಡಿ ಸೆರೆವಾಸ ಅನುಭವಿಸಿದ್ದ. ಬಿಡುಗಡೆಯ ನಂತರ ಮಹದೇವಮ್ಮ(28) ಎಂಬಾಕೆಯನ್ನ 2ನೇ ಮದುವೆಯಾಗಿದ್ದ. ಈಕೆ ಸದ್ಯ ತುಂಬು ಗರ್ಭಿಣಿ. ಬುಧವಾರ ರಾತ್ರಿ ಮನೆಗೆ ಬಂದ ಈರಣ್ಣ, ಎದುರು ಮನೆ ಯುವಕ ರವಿಯಿಂದ ನೀನು ಗರ್ಭಿಣಿ ಆಗಿದ್ದೀಯಾ. ನಿಮ್ಮಿಬ್ಬರ ನಡುವೆ ಅಕ್ರಮ ಸಂಬಂಧ ಇದೆ. ನಿನ್ನ ಹೊಟ್ಟೆಯಲ್ಲಿ ಇರುವ ಮಗುವಿನ ತಂದೆ ನಾನಲ್ಲ, ಎದುರು ಮನೆಯ ರವಿ... ಎಂದು ದು ಜಗಳ ತೆಗೆದಿದ್ದಾನೆ. ಊಟ ಮಾಡುತ್ತಿದ್ದ ಪತ್ನಿಯ ಮೇಲೆ ಮಚ್ಚಿನಿಂದ ಹಲ್ಲೆ ಮಾಡಿದ್ದು, ಇದನ್ನು ತಡೆಯಲು ಬಂದ ಅತ್ತೆ ಗೌರಮ್ಮನ ಮೇಲೂ ಹಲ್ಲೆ ಮಾಡಿದ್ದಾನೆ. ನಂತರ ಮಚ್ಚು ಹಿಡಿದುಕೊಂಡೇ ಎದುರು ಮನೆಗೆ ಹೋಗಿ ರವಿಗಾಗಿ ಹುಡುಕಾಟ ನಡೆಸಿದ್ದಾನೆ. ಆ ವೇಳೆ ರವಿ ಮನೆಯಲ್ಲಿ ಇರಲಿಲ್ಲ. ರವಿಯ ತಂದೆ ಮಾದಯ್ಯ ಮತ್ತು ತಾಯಿ ನಿಂಗಮ್ಮ ಬಳಿ ಜಗಳಕ್ಕೆ ಇಳಿದ ಅವರನ್ನು ಮಚ್ಚಿನಿಂದ ಹಲ್ಲೆ ನಡೆಸಿದ್ದಾನೆ. ಮಚ್ಚಿನೇಟಿಗೆ ನಿಂಗಮ್ಮ(50) ಸ್ಥಳದಲ್ಲೇ ಸಾವಿಗೀಡಾದರೆ, ಆಸ್ಪತ್ರೆಗೆ ಸಾಗಿಸುವ ಮಾರ್ಗಮಧ್ಯೆ ಮಾದಯ್ಯ(70) ಉಸಿರುಚೆಲ್ಲಿದ್ದಾರೆ. ನೆರೆ ಹೊರೆಯವರಾದ ಸುರೇಶ್, ಮಹದೇವಮ್ಮ ಅವರ ಮೇಲೂ ಹಲ್ಲೆ ನಡೆಸಿ ಗಾಯಗೊಳಿಸಿದ್ದಾನೆ.
