ಸೆಪ್ಟೆಂಬರ್ 15ರಂದು 7 ಜನರ ನ್ಯಾಕ್ ತಂಡ ಮೈಸೂರು ವಿಶ್ವವಿದ್ಯಾನಿಲಯಕ್ಕೆ ಭೇಟಿ ನೀಡಿತ್ತು. 2014ರಿಂದ 2019 ರವರೆಗೆ ನೀಡಿದ ಡೇಟಾವನ್ನೇ ನ್ಯಾಕ್ ಕಮಿಟಿ ಪರಿಗಣಿಸಿತ್ತು. ಒಟ್ಟು ಸಾವಿರ ಅಂಕದಲ್ಲಿ 700 ಅಂಕಗಳನ್ನು ವಿವಿ ಸಲ್ಲಿಸಿದ್ದ ಡೇಟಾಗಳಿಗೂ ಹಾಗೂ 300 ಅಂಕಗಳನ್ನು ನ್ಯಾಕ್ ತಂಡದ ಪರಿಶೀಲನೆ ಬಳಿಕ ನೀಡಬೇಕಾಗಿತ್ತು. ಇದರಲ್ಲಿ ಮೈಸೂರು ವಿವಿಗೆ 3.01 ಅಂಕಗಳು ಅಂದ್ರೆ ಶೇ.75.05 ರಷ್ಟು ಅಂಕ ಪಡೆದಿದ್ದು A ಗ್ರೇಡ್ಗೆ ತೃಪ್ತಿಪಟ್ಟುಕೊಳ್ಳಬೇಕಾಯ್ತು. ಇನ್ನು 0.1 ಅಂಕ ಕಡಿಮೆ ಆಗಿದ್ದರೂ B++ ಗ್ರೇಡ್ಗೆ ಕುಸಿಯಬೇಕಿತ್ತು. ರಾಷ್ಟ್ರೀಯ ಮೌಲ್ಯಾಂಕನ ಮತ್ತು ಮಾನ್ಯತಾ ಪರಿಷತ್ನ 4ನೇ ಆವೃತ್ತಿಯಲ್ಲಿ ‘ಎ’ ಗ್ರೇಡ್ ಸಿಕ್ಕಿದೆ. ಕಳೆದ ಬಾರಿ 3.47 ಅಂಕ ಪಡೆದುಕೊಂಡಿದ್ದ ವಿವಿ, A+ ಗ್ರೇಡ್ ಪಡೆದಿತ್ತು.
