ವಿದ್ಯಾರ್ಥಿಯ ತಾಯಿಯನ್ನ ಪೀಡಿಸಿ ತರಗತಿಯಲ್ಲೇ ಮಸಾಜ್​ ಮಾಡಿಸಿಕೊಂಡ ಮುಖ್ಯಶಿಕ್ಷಕ!

ಬೆಂಗಳೂರು: ಮಗನನ್ನು ಅಡ್ಮಿಷನ್​ ಮಾಡಲು ಬಂದು ಮಹಿಳೆಯೊಬ್ಬರ ಬಳಿ ಮುಖ್ಯಶಿಕ್ಷಕ ಶಾಲೆಯಲ್ಲೇ ಶರ್ಟ್​ ಬಿಚ್ಚಿ ಮಸಾಜ್ ಮಾಡಿಸಿಕೊಂಡಿರುವ ವಿಡಿಯೋ ವೈರಲ್​ ಆಗಿದೆ.

ಇಂತಹ ಘಟನೆ ಬೆಂಗಳೂರಿನ ಕೋದಂಡರಾಮಪುರದ ಬಿಬಿಎಂಪಿ ಶಾಲೆಯಲ್ಲಿ ಸಂಭವಿಸಿದೆ. ವಿದ್ಯಾದೇಗುಲದಲ್ಲಿ ಅನುಚಿತವಾಗಿ ವರ್ತಿಸಿದ ಆ ಶಿಕ್ಷಕನ ಹೆಸರು ಲೋಕೇಶಪ್ಪ.

ಮಹಿಳೆಯೊಬ್ಬರು ಮಗನ್ನು ಶಾಲೆಗೆ ಸೇರಿಸಲು ಬಂದಿದ್ದರು. ಈ ವೇಳೆ ನೀವು ಏನು ಕೆಲ್ಸ ಮಾಡ್ತಿರೋದು? ಎಂದು ಶಿಕ್ಷಕ ಕೇಳಿದ್ದು, ಬ್ಯೂಟಿ ಪಾರ್ಲರ್ ನಡೆಸುತ್ತಿರುವುದಾಗಿ ಬಾಲಕನ ತಾಯಿ ತಿಳಿಸಿದ್ದಾರೆ. 'ಹಾಗಾದ್ರೆ ನನಗೂ ಮಸಾಜ್​ ಮಾಡಿ ಎಂದು ಮುಖ್ಯಶಿಕ್ಷಕ ಲೋಕೇಶಪ್ಪ ಕೇಳಿದ್ದು, ಮುಜುಗರಕ್ಕೀಡಾಗಿ ಮಹಿಳೆ ನಿರಾಕರಿಸಿದ್ದಾರೆ. ಆದರೂ ಒತ್ತಾಯ ಮಾಡಿದ ಮುಖ್ಯಶಿಕ್ಷಕ ಸಿಬ್ಬಂದಿಯನ್ನು ಹೊರಗೆ ಕಳುಹಿಸಿ ಶಾಲೆಯ ಕೋಣೆಯೊಂದರಲ್ಲಿ ಶರ್ಟ್​ ಬಿಚ್ಚಿ ಮಲಗಿದ್ದಾನೆ. ಅನಿವಾರ್ಯವಾಗಿ ಆ ಮಹಿಳೆ ಮಸಾಜ್ ಮಾಡಿ ಮುಜುಗರದಿಂದಲೇ ಹೊರ ಹೋಗಿದ್ದಾರೆ.

ಮಸಾಜ್ ಮಾಡಿಸಿಕೊಳ್ಳುತ್ತಿರುವ ದೃಶ್ಯ ಮೊಬೈಲ್​ನಲ್ಲಿ ಸೆರೆಯಾಗಿದ್ದು, ವೈರಲ್​ ಆಗಿದೆ. ಮುಖ್ಯಶಿಕ್ಷಕನ ಅನುಚಿತ ವರ್ತನೆ ವಿರುದ್ಧ ಸಿಬ್ಬಂದಿ ಸೊಲ್ಲೆತ್ತದೆ ಮೌನ ವಹಿಸಿದ್ದಾರೆ. ಈ ಶಾಲೆಯಲ್ಲಿ ಬಹುತೇಕ ಹೊರಗುತ್ತಿಗೆ ಶಿಕ್ಷಕರೇ ಇದ್ದಾರೆ. ಮುಖ್ಯಶಿಕ್ಷಕನ ನಡೆಯನ್ನ ಪ್ರಶ್ನಿಸಿದ್ರೆ ಕೆಲಸಕ್ಕೆ ಕುತ್ತು ಬಂದೀತು ಎಂಬ ಭಯಕ್ಕೆ ಸುಮ್ಮನಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಈ ಹಿಂದಿನ ಶಾಲೆಗಳಲ್ಲೂ ಲೋಕೇಶಪ್ಪ ಇಂತದ್ದೇ ಅನುಚಿತ ವರ್ತನೆ ಮಾಡಿದ್ದರು ಎಂಬ ಆರೋಪ ಕೇಳಿಬಂದಿದೆ. ಸೆಕ್ಯೂರಿಟಿ ಮಗಳೊಂದಿಗೂ ಕಾಮಚೇಷ್ಟೆ ಮಾಡಲು ಹೋಗಿದ್ದನಂತೆ. ಹಾಲುಣಿಸುತ್ತಿದ್ದ ಮಹಿಳೆಯೊಬ್ಬರ ಅಂಗಾಂಗ ಮುಟ್ಟಿ ಕಾಮಚೇಷ್ಟೆ ಮಾಡಿದ್ದ ಎನ್ನುವ ಆರೋಪವೂ ಕೇಳಿಬಂದಿದೆ.

ಶಾಲೆಯಲ್ಲಿ ಮಸಾಜ್​ ಮಾಡಿಸಿಕೊಂಡ ಪ್ರಕರಣ ಸಂಬಂಧ ಆರೋಪಿ ಲೋಕೇಶಪ್ಪನಿಗೆ ಬಿಬಿಎಂಪಿ ಶಿಕ್ಷಣ ವಿಭಾಗದ ವಿಶೇಷ ಆಯುಕ್ತರು ನೋಟಿಸ್​ ಜಾರಿ ಮಾಡಿದ್ದಾರೆ. ಪ್ರೌಢಶಾಲೆಯ ಸರ್ಕಾರಿ ಕಟ್ಟಡವನ್ನು ಖಾಸಗಿ ಕೆಲಸಕ್ಕೆ ಬಳಸಿಕೊಂಡ ಹಾಗೂ ಸರ್ಕಾರಿ ಕೆಲಸದ ಸಮಯದಲ್ಲಿ ಕರ್ತವ್ಯ ಲೋಪ ಎಸಗಿದ ಹಿನ್ನೆಲೆ ಕರ್ನಾಟಕ ನಾಗರೀಕ ನಿಯಮಾವಳಿಗಳನ್ವಯ ಈ ತಕ್ಷಣದಿಂದ ಜಾರಿಗೆ ಬರುವಂತೆ ಇಲಾಖಾ ವಿಚಾರಣೆ ನಿರೀಕ್ಷಿಸಿ, ಸೇವೆಯಿಂದ ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.

https://www.vijayavani.net/a-belur-lovers-case/

https://www.vijayavani.net/a-a-tumkur-lodge-kyatsandra-condom-police-raid-accuseds-arrest/

https://www.vijayavani.net/a-a-hallegere-shankar-family-death-case-deathnote-secret/