ತಿಂಡಿ ತಿನ್ನಲು ಕುಳಿತ ಕಾನೂನು ವಿದ್ಯಾರ್ಥಿ ಹಠಾತ್​ ಸಾವು! ಹುಣಸೂರಲ್ಲಿ ಘಟನೆ, ಸಾವಿನ ಕೊನೇ ಕ್ಷಣ ಸಿಸಿಟಿವಿಯಲ್ಲಿ ಸೆರೆ

ಮೈಸೂರು: ಸ್ನೇಹಿತನ ಜತೆ ತಿಂಡಿ ತಿನ್ನಲು ಕುಳಿತ ಕಾನೂನು ವಿದ್ಯಾರ್ಥಿಯೊಬ್ಬ ಹಠಾತ್‌ ಮೃತಪಟ್ಟ ಘಟನೆ ಹುಣಸೂರು ಪಟ್ಟಣದ ಹೋಟೆಲ್‌ನಲ್ಲಿ ಸಂಭವಿಸಿದೆ.

ಹುಣಸೂರು ತಾಲೂಕಿನ ನಂಜಾಪುರ ಗ್ರಾಮದ ನಿತಿನ್ ಕುಮಾರ್​ (25) ಮೃತ. ಮೈಸೂರಿನ ವಿದ್ಯಾವರ್ಧಕ ಕಾನೂನು ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿದ್ದ ನಿತಿನ್​, ಟಿಫನ್​ ತಿನ್ನಲೆಂದು ಹುಣಸೂರಿನ ಟಿಫಾನಿಸ್ ಹೋಂ ಹೋಟೆಲ್‌ಗೆ ಗೆಳೆಯನ ಜತೆ ತೆರಳಿದ್ದರು. ತಿಂಡಿಗೆ ಆರ್ಡರ್ ಮಾಡಿ ಇಬ್ಬರೂ ಊಟದ ಟೇಬಲ್​ನಲ್ಲಿ ಕೂತಿದ್ದರು. ಅಕ್ಕಪಕ್ಕ ಗ್ರಾಹಕರು ತಿಂಡಿ ತಿನ್ನುತ್ತಾ ಇದ್ದರು. ನಿತಿನ್​ ಮತ್ತು ಈತನ ಗೆಳೆಯ ಇಬ್ಬರೂ ತಿಂಡಿಗಾಗಿ ಎದುರು ನೋಡುತ್ತಾ ಪರಸ್ಪರ ಮಾತಾಡಿಕೊಂಡು ಕೂತಿದ್ದರು.

ಇನ್ನೇನು ತಿಂಡಿ ಬರಬೇಕು ಅನ್ನುವಷ್ಟರಲ್ಲಿ ನಿತಿನ್​ ಕುರ್ಚಿ ಮೇಲಿಂದ ಕುಸಿದು ಬಿದ್ದರು. ಗಾಬರಿಗೊಂಡ ಸ್ನೇಹಿತಮ ನಿತಿನ್​ನನ್ನು ಮೇಲಕ್ಕೆ ಎತ್ತಿದರು. ಈ ವೇಳೆ ಅಕ್ಕಪಕ್ಕದಲ್ಲಿದ್ದ ಗ್ರಾಹಕರೂ ನೆರವಿಗೆ ಬಂದರಾದರೂ ಅಷ್ಟರಲ್ಲಿ ಹೃದಯಾಘಾತದಿಂದ ನಿತಿನ್​ ಕೊನೆಯುಸಿರೆಳೆದರು. ಹೋಟೆಲ್​ನಲ್ಲೇ ನಿತಿನ್​ ಕುಸಿದು ಬೀಳುವ ಕೊನೇ ಕ್ಷಣದ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

https://www.vijayavani.net/a-complaint-against-owner-of-sanjay-melodis-orchestra-tumkur/

https://www.vijayavani.net/a-yadagiri-teacher-mohanareddy-patil-wedding-cheating-case/

https://www.vijayavani.net/a-love-wedding-cheeating-case-banglore/