ಒಂದು ಹಂತಕ್ಕೆ ನಗ್ನಚಿತ್ರ ಕಳುಹಿಸಿದ ಮೇಲೂ ಮತ್ತೆ ಸಂತೋಷ್ನಿಂದ ಬರುತ್ತಿದ್ದ ಒತ್ತಡ ಸಹಿಸಲಾಗದೆ ಇನ್ಮುಂದೆ ಕಳುಹಿಸಲ್ಲ ಎಂದು ವಿದ್ಯಾರ್ಥಿನಿ ಹೇಳಿದ್ದೇ ತಡ, ತನ್ನ ವರಸೆ ಬದಲಿಸಿದ್ದ. ನಗ್ನ ಫೋಟೋ ಮತ್ತು ವಿಡಿಯೋ ವೀಕ್ಷಣೆ ಮಾಡುವ ಚಟ ಬೆಳೆಸಿಕೊಂಡ ಸಂತೋಷ್, ಮತ್ತಷ್ಟು ವಿಡಿಯೋ ಕಳುಹಿಸು ಎಂದು ಪೀಡಿಸುತ್ತಿದ್ದ. ವಿಡಿಯೋ ಕಳುಹಿಸಿದ್ದರೆ ಈಗಾಗಲೇ ಕಳುಹಿಸಿರುವ ನಗ್ನಚಿತ್ರ ಮತ್ತು ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕುವುದಾಗಿ ಬೆದರಿಕೆ ಹಾಕುತ್ತಿದ್ದ. ಇದರಿಂದ ಮಾನಸಿಕವಾಗಿ ರೋಸಿ ಹೋಗಿದ್ದ ಯುವತಿ, ಸಂತೋಷ್ ಜತೆ ಮಾತನಾಡುವುದನ್ನೇ ನಿಲ್ಲಿಸಿದ್ದಳು. ಸಿಟ್ಟಿಗೆದ್ದ ಸಂತೋಷ್, ವಿದ್ಯಾರ್ಥಿನಿಯ ತಾಯಿಗೆ ಮಗಳ ನಗ್ನಚಿತ್ರ ವಿಡಿಯೋ ಕಳುಹಿಸಿ ಬೆದರಿಕೆ ಹಾಕಿದ್ದ. ಆತಂಕಗೊಂಡ ವಿದ್ಯಾರ್ಥಿನಿ ಸೈಬರ್ ಠಾಣೆಗೆ ದೂರು ನೀಡಿದ್ದಾಳೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿ ಸಂತೋಷ್ ಬಂಧನಕ್ಕೆ ಹುಡುಕಾಟ ನಡೆಸಿದ್ದಾರೆ.
