ದೂರು ಕೊಟ್ಟರೂ ತೆರವು ಮಾಡದ ಪಾಲಿಕೆ: ಕೌಡಲಹಳ್ಳಿ ಭಾಗದಲ್ಲಿ ರಸ್ತೆಯ ಇಕ್ಕೆಲಗಳಲ್ಲಿ ಬೆಳೆದ ಮರಗಳ ಕೊಂಬೆಗಳು ಒಣಗಿದ್ದು, ತೆರವು ಮಾಡುವಂತೆ ಪಾಲಿಕೆಯ ವಾರ್ಡ್ ಕಚೇರಿ ಮತ್ತು ನಿಯಂತ್ರಣ ಕೊಠಡಿಗೆ ಸ್ಥಳೀಯರು ದೂರು ನೀಡಿದ್ದರು. ಪಾಲಿಕೆ ಸಿಬ್ಬಂದಿ ನಿರ್ಲಕ್ಷ್ಯಿಸಿದ್ದರು. ಪ್ರಿಶಾ ಮೇಲೆ ಕೊಂಬೆ ಬಿದ್ದು ಅಪಘಾತವಾದಾಗ ಈ ಘಟನೆಗೆ ಬಿಬಿಎಂಪಿಯೇ ಕಾರಣ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದರು. ಜತೆಗೆ, ಪಾಲಿಕೆ ಅಕಾರಿಗಳ ವಿರುದ್ಧ ರಾಮಮೂರ್ತಿ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಸತತ ಚಿಕಿತ್ಸೆ ಹಾಗೂ ಆರೈಕೆಯ ನಡುವೆಯೂ ಕೋಮಾದಿಂದ ಚೇತರಿಸಿಕೊಳ್ಳದೆ ಬಾಲಕಿ ಮೃತಪಟ್ಟಿದ್ದು, ಸ್ಥಳೀಯರಲ್ಲಿ ನೀರವ ಮೌನ ಮಡುಗಟ್ಟಿದೆ.
