ಬೆಂಗಳೂರು: ‘ಬಿಗ್ ಬಾಸ್ ಒಟಿಟಿ ಕನ್ನಡ’ದ ಮೊದಲ ಸೀಸನ್ನಲ್ಲಿ ಸೋನು ಶ್ರೀನಿವಾಸ ಗೌಡ ಕೂಡ ಇದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಫೇಮಸ್ ಆಗಿರುವ ಹಾಗೂ ಒಂದಲ್ಲ ಒಂದು ವಿವಾದಗಳಿಂದ ಸದಾ ಟ್ರೋಲಿಗರ ಕೆಂಗಣ್ಣಿಗೆ ಗುರಿಯಾಗುವ ಸೋನು, ಬಿಗ್ಬಾಸ್ ಒಟಿಟಿ ಕನ್ನಡದ ಎರಡನೇ ಸ್ಪರ್ಧಿಯಾಗಿ ದೊಡ್ಮನೆಯನ್ನ ಪ್ರವೇಶಿಸಿದ್ದಾರೆ. ಒಟ್ಟು 16 ಸ್ಪರ್ಧಿಗಳಿದ್ದು ಅಸಲಿ ಆಟ ಶುರುವಾಗಿದೆ. ಬಿಗ್ಬಾಸ್ಗೆ ಸೋನು ಆಯ್ಕೆ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವಿರೋಧ ವ್ಯಕ್ತವಾಗಿತ್ತು. ಟಿಕ್ಟಾಕ್ ಸ್ಟಾರ್ ಸೋನು ಅವರ ಖಾಸಗಿ ವಿಡಿಯೋ ವೈರಲ್ ಆಗಿ ಜಾಲತಾಣದಲ್ಲಿ ಅಲ್ಲೋಲ-ಕಲ್ಲೋಲವನ್ನೇ ಸೃಷ್ಟಿಸಿತ್ತು. ಇದೇ ವಿಚಾರ ಈಗಲೂ ಚರ್ಚೆಯಾಗುತ್ತಲೇ ಇದೆ. ಆ ಘಟನೆ ಕುರಿತು ಬಿಗ್ ಬಾಸ್ ಮನೆಯಲ್ಲಿ ಅಳುತ್ತಲೇ ಮಾತನಾಡಿರುವ ಸೋನು, ಹೇಗೆ ಲೀಕ್ ಆಯ್ತೆಂದು ಎಳೆಎಳೆಯಾಗಿ ಬಿಚ್ಚಿಟ್ಟಿದ್ದಾರೆ.
ಬಿಗ್ಬಾಸ್ ಮನೆಗೆ ಸೋನು ಆಯ್ಕೆಯಾಗಿದ್ದಾರೆ ಎಂಬ ವಿಷಯ ಕೇಳುತ್ತಿದ್ದಂತೆ ಬಹುತೇಕ ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದರು. ಆಯ್ಕೆ ತಂಡಕ್ಕೆ ದೊಡ್ಡ ನಮಸ್ಕಾರ ಎಂದೂ ಮೂದಲಿಸಿದ್ದರು. ಅಶ್ಲೀಲವಾಗಿ ನಡೆದುಕೊಳ್ಳುವ ಸೋನುಳನ್ನು ಬಿಗ್ಬಾಸ್ ಮನೆಯೊಳಗೆ ಕಳುಹಿಸಿ ಕಾರ್ಯಕ್ರಮ ಜನಪ್ರಿಯತೆಯನ್ನು ಮಣ್ಣುಪಾಲು ಮಾಡಿಕೊಂಡಿರಿ ಎಂದು ಅಸಮಾಧಾನ ಹೊರಹಾಕಿದ್ದರು. ಬಿಗ್ಬಾಸ್ಗೆ ಅವಳು ಅರ್ಹ ಸ್ಪರ್ಧಿಯಲ್ಲ. ನಿಜವಾಗಿಯೂ ತುಂಬಾ ನಿರಾಶದಾಯಕ ಆಯ್ಕೆ ಎಂದು ಕಮೆಂಟ್ ಮಾಡಿದ್ದರು. ಇನ್ನೊಂದಿಷ್ಟು ಮಂದಿ ಸೋನು ಪರ ಬ್ಯಾಟ್ ಬೀಸಿದ್ದರು. ಸೋನು ವಿವಾದಗಳು ಏನೇ ಇರಬಹುದು. ಆದರೆ, ಬಿಗ್ಬಾಸ್ನಲ್ಲಿ ಒಳ್ಳೆಯ ಮನರಂಜನೆಯನ್ನು ನೀಡುತ್ತಾಳೆ ಎಂಬ ಭರವಸೆ ಇದೆ. ಅವಳಿಗೂ ಒಂದು ವೇದಿಕೆ ಅಥವಾ ಅವಕಾಶ ಕಲ್ಪಿಸಿ ಕೊಡುವುದರಲ್ಲಿ ತಪ್ಪೇನಿಲ್ಲ ಎಂದಿದ್ದರು.
ಸೋನು ಆಯ್ಕೆ ವಿರುದ್ಧ ನೆಟ್ಟಿಗರು ಗರಂ ಆಗಲು ಕಾರಣ ಆ ವಿಡಿಯೋ ಲೀಕ್ ಆಗಿದ್ದ ಘಟನೆ. ಕೆಲ ತಿಂಗಳ ಹಿಂದೆ ಸೋನು ಅವರ ಖಾಸಗಿ ವಿಡಿಯೋ ಲೀಕ್ ಆಗಿತ್ತು. ಇದು ಟ್ರೋಲಿಗರಿಗೆ ಆಹಾರವೂ ಆಗಿತ್ತು. ‘ಇದಕ್ಕೆ ಕಾರಣ ಬಾಯ್ ಫ್ರೆಂಡ್’. ಇಲ್ಲಿ ಯಾರೂ ಸಾಚಾ ಅಲ್ಲ, ಎಲ್ಲರೂ ಇದನ್ನು ಮಾಡಿಕೊಂಡಿರುತ್ತಾರೆ. ಆದರೆ ನನ್ನದು ಹೊರಗೆ ಬಂತು’ ಎಂದು ಸೋನು ಕಣ್ಣೀರು ಹಾಕಿದ್ದಾರೆ.
ಕಹಿ ಘಟನೆಯನ್ನು ನೆನಪಿಸಿಕೊಂಡು ಕಣ್ಣೀರು ಹಾಕಿದ ಸೋನು, ನನಗೆ ಒಬ್ಬ ಬಾಯ್ ಫ್ರೆಂಡ್ ಇದ್ದ. ಆತ ನಮ್ಮ ಜಾತಿಯವನು. ಆತ ಮೊದಲಿಂದಲೂ ನನಗೆ ಗೊತ್ತಿದ್ದವ. ಮದುವೆ ಆಗಲು ನಿರ್ಧರಿಸಿದ್ದೆವು. ಈ ವಿಚಾರವನ್ನು ನಾನು ನನ್ನ ಅಮ್ಮನಿಗೂ ಹೇಳಿದ್ದೆ. ಒಮ್ಮೆ ವಿಡಿಯೋ ಕಾಲ್ ಮಾಡು ಅಂದ. ಹೇಗೂ ಮದ್ವೆ ಆಗುವ ಹುಡುಗ ಅಲ್ವಾ ಅಂತ ಕಾಲ್ ಮಾಡಿ ಹಾಗೆ ಮಾಡಿದೆ. ಅದನ್ನು ಆತ ನನಗೆ ಗೊತ್ತಿಲ್ಲದಂತೆ ರೆಕಾರ್ಡ್ ಮಾಡಿಕೊಂಡಿದ್ದ. ವಾರದ ಬಳಿಕ ಆತನ ವರ್ತನೆ ಬದಲಾಗಿತ್ತು. ರೂಡ್ ಆಗಿ ನಡೆದುಕೊಳ್ಳಲು ಶುರು ಮಾಡಿದ್ದ. ಆ ವಿಡಿಯೋ ಇಟ್ಟುಕೊಂಡು ಬ್ಲ್ಯಾಕ್ ಮೇಲ್ ಮಾಡುತ್ತಿದ್ದ. ಕೂಡಲೇ ನಾನು ಅಮ್ಮನ ಬಳಿ ಎಲ್ಲವನ್ನೂ ಹೇಳಿಕೊಂಡು ಕ್ಷಮೆ ಕೇಳಿದ್ದೆ…’ ಎನ್ನುತ್ತಲೇ ಸೋನು ಬಿಕ್ಕಿಬಿಕ್ಕಿ ಅತ್ತಿದ್ದಾರೆ.
ಅಳುತ್ತಲೇ ಮಾತು ಮುಂದುವರಿಸಿದ ಸೋನು, ‘ಒಂದೂವರೆ ವರ್ಷದ ಬಳಿಕ ಆತ ನನಗೆ ಮೆಸೇಜ್ ಮಾಡಿ ಹೆದರಿಸಿದ್ದ. ವಿಡಿಯೋ ಲೀಕ್ ಮಾಡ್ತೀನಿ ಎಂದು ಧಮ್ಕಿ ಹಾಕಿದ್ದ. ನನಗೆ ಆಘಾತವಾಯ್ತು. ಖಿನ್ನತೆಗೆ ಒಳಗಾದೆ. ವಿಡಿಯೋ ಲೀಕ್ ಆದ ಮೇಲೆ ನಾನು ನಮ್ಮೂರಿಗೆ ಕಾಲಿಟ್ಟಿಲ್ಲ. ನಾನು ಆತನ ಮೇಲಿಟ್ಟಿದ್ದ ನಂಬಿಕೆಗೆ ಮೋಸ ಆಯ್ತು. ನಾನು ಇದುವರೆಗೂ ಯಾವ ಹುಡಗ ಕೈ ಹಿಡಿದೂ ಮಾತನಾಡಿಸಿಲ್ಲ. ಆದರೆ, ಆತನ ಸಹವಾಸ ಮಾಡಿ ಅಮ್ಮನ ಮಾನ-ಮರ್ಯಾದೆ ತೆಗೆದೆ ಎಂಬ ಫೀಲ್ ಕಾಡುತ್ತಲೇ ಇದೆ’ ಎಂದು ಮಾತು ನಿಲ್ಲಿಸಿದ್ದಾರೆ. ಅಷ್ಟರಲ್ಲಿ ಸೋನು ಅವರನ್ನ ದೊಡ್ಮನೆಯ ಸದಸ್ಯರು ಸಂತೈಸಿದ್ದಾರೆ.
ಬಿಗ್ಬಾಸ್ ಮನೆಗೆ ಸೋನು ಶ್ರೀನಿವಾಸ್ ಗೌಡ ಎಂಟ್ರಿ ಬೆನ್ನಲ್ಲೇ ಜಾಲತಾಣದಲ್ಲಿ ಅಲ್ಲೋಲ-ಕಲ್ಲೋಲ