ಮುಂಬೈ: ಮುಖದ ಮೇಲಿನ ಮೊಡವೆಯಿಂದ ಒಂದು ದೊಡ್ಡ ಅವಕಾಶ ತಪ್ಪಿ ಹೋಗಿತ್ತು ಎಂದು ಬಾಲಿವುಡ್ ನಟಿ, ಮಾಡೆಲ್ ಮನ್ನಾರಾ ಚೋಪ್ರಾ ಹೇಳಿದ್ದಾರೆ.
ಇದನ್ನೂ ಓದಿ: ರಷ್ಯಾ ಕ್ಷಿಪಣಿ ದಾಳಿ: ಉಕ್ರೇನ್ನಲ್ಲಿ ಐವರು ಸಾವು- ಹ್ಯಾರಿ ಪಾಟರ್ ಕೋಟೆ ನಾಶ!
ಕೆಲವು ಸಿನಿಮಾಗಳಲ್ಲಿ ನಟಿಸಿ, ರಿಯಾಲಿಟಿ ಶೋಗಳಲ್ಲಿ ಸ್ಪರ್ಧಿಸುತ್ತಿರುವ ನಟಿ ಮನ್ನಾರ್ ಚೋಪ್ರಾ ಜನರ ಗಮನ ಸೆಳೆದಿದ್ದಾರೆ. ಅಷ್ಟೇ ಅಲ್ಲದೆ ಆಕೆ ಹಲವು ಜಾಹೀರಾತುಗಳಲ್ಲೂ ಕಾಣಿಸಿಕೊಂಡಿದ್ದಾರೆ. ಆದರೆ ನಟಿ ಒಂದೇ ಒಂದು ಮೊಡವೆಯಿಂದ ದೊಡ್ಡ ಅವಕಾಶವೊಂದನ್ನು ಕಳೆದುಕೊಂಡಿದ್ದರು.
ಈ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿದ ನಟಿ ಮನ್ನಾರ್ ಚೋಪ್ರಾ, ಜಾಹೀರಾತುಗಳಲ್ಲಿ ನಟಿಸಲು ಹಲವು ಸುತ್ತುಗಳ ಆಡಿಷನ್ ನೀಡಿದ್ದೆ. ಕೊನೇ ಹಂತದವರೆಗೂ ಆಯ್ಕೆಯಾಗಿದ್ದೆ. ಆದರೆ ಇನ್ನೇನು ಶೂಟಿಂಗ್ ಮಾಡಬೇಕು ಎನ್ನುವಷ್ಟರಲ್ಲಿ ನನ್ನ ಹಣೆಯ ಮೇಲೆ ಮೊಡವೆ ಆಗಿತ್ತು. ಈ ಮೊಡವೆ ಶೂಟಿಂಗ್ ಗೆ ಹೋದಾಗ ಜಾಸ್ತಿ ಆಗಿತ್ತು.
ಅದನ್ನು ಮರೆಮಾಚಲು ಎಷ್ಟೇ ಪ್ರಯತ್ನಿಸಿದರೂ ಸಾಧ್ಯವಾಗಲಿಲ್ಲ. ಹೀಗಾಗಿ ಮನೆಗೆ ವಾಪಸ್ ಹೋಗುವಂತೆ ಸಂಸ್ಥೆಯವರು ಹೇಳಿದ್ದರು. ಅದು ನನ್ನ ಜೀವನದಲ್ಲಿ ಆದ ಮೊದಲ ರಿಜೆಕ್ಷನ್ ಎಂದು ಅವರು ತಿಳಿಸಿದ್ದಾರೆ.