ಅಂಕಾರಾ: ಮೂಗನ್ನು ಸಣ್ಣ ಮಾಡಿಸಿಕೊಂಡು ಚಂದ ಕಾಣಬೇಕೆಂದು ಸರ್ಜರಿ ಮಾಡಿಸಿಕೊಂಡ ಯುವತಿಯೊಬ್ಬಳು ತನ್ನ ಎರಡೂ ಕಾಲನ್ನು ಕಳೆದುಕೊಂಡಿರುವ ಘಟನೆ ಟರ್ಕಿಯಲ್ಲಿ ನಡೆದಿದೆ. ಇದೀಗ ಯುವತಿ ಆಸ್ಪತ್ರೆಯ ವಿರುದ್ಧ ನ್ಯಾಯಾಲಯದ ಮೆಟ್ಟಿಲೇರಿದ್ದು, ಪರಿಹಾರ ಕೊಡಿಸುವಂತೆ ಕೋರಿದ್ದಾಳೆ.
ಇದನ್ನೂ ಓದಿ: ಮದ್ವೆಯಾದ ಎರಡೇ ವಾರಕ್ಕೆ ಯುವತಿ ಆತ್ಮಹತ್ಯೆಗೆ ಶರಣು: ಕಣ್ಣೀರು ತರಿಸುವಂತಿದೆ ತಾಯಿಗೆ ಬರೆದ ಡೆತ್ನೋಟ್!
25 ವರ್ಷದ ಸೆವಿಂಕ್ ಸೆಕ್ಲಿಕ್ 2014ರ ಮೇ 2ರಂದು ಮೂಗಿನ ಸರ್ಜರಿ ಮಾಡಿಸಿಕೊಂಡಿದ್ದಳು. ಸ್ವಲ್ಪ ದೊಡ್ಡವಾಗಿದ್ದ ಆಕೆಯ ಮೂಗನ್ನು ಸಣ್ಣ ಮಾಡಲೆಂದು ಎರಡು ಗಂಟೆಗಳ ಕಾಲ ಸರ್ಜರಿ ಮಾಡಲಾಗಿತ್ತು. ಸರ್ಜರಿಗೆ ಒಳಗಾದ ಸೆವಿಂಕ್ರನ್ನು ವೈದ್ಯರು ಕೆಲ ದಿನಗಳ ಬಳಿಕೆ ಡಿಸ್ಚಾರ್ಜ್ ಮಾಡಿ ಮನಗೆ ಕಳುಹಿಸಿಕೊಟ್ಟಿದದರು. ಆದರೆ ಮನೆಗೆ ತೆರಳಿದ ಸೆವಿಂಕ್ಗೆ ಕಾಲುಗಳಲ್ಲಿ ನೋವು ಕಾಣಿಸಿಕೊಂಡಿದೆ. ಅದನ್ನು ತೋರಿಸಲು ಆಸ್ಪತ್ರೆಗೆ ತೆರಳಿದ್ದಾಳೆ. ಸರ್ಜರಿ ಆದ ಕಾರಣ ಈ ರೀತಿ ಆಗುತ್ತದೆ, ಏನೂ ತೊಂದರೆಯಿಲ್ಲ ಎಂದು ಹೇಳಿ ವೈದ್ಯರು ವಾಪಾಸು ಕಳುಹಿಸಿದ್ದಾರೆ.
ಕೆಲ ದಿನಗಳಲ್ಲಿ ಸೆವಿಂಕ್ನ ಕಾಲಗಳು ಕಪ್ಪಾಗಲಾರಂಭಿಸಿವೆ. ಪೂರ್ತಿ ಕಪ್ಪಾದ ಕಾಲುಗಳಲ್ಲಿ ನಡೆಯಲಾಗದೆ ಆಕೆ ಆಸ್ಪತ್ರೆ ಸೇರಿದ್ದಾಳೆ. ಆಗ ಪರಿಶೀಲಿಸಿದ ವೈದ್ಯರು ರಕ್ತದಲ್ಲಿ ಬ್ಲಡ್ ಪಾಯಿಸನ್ ಆಗಿರುವ ಕಾರಣ ಈ ರೀತಿ ಆಗಿರುವುದಾಗಿ ತಿಳಿಸಿದ್ದಾರೆ. ಎರಡೂ ಕಾಲುಗಳನ್ನು ಮೊಣಕಾಲಿನ ಕೆಳಗೆ ಕತ್ತರಿಸದಿದ್ದರೆ ಆಕೆಯ ಜೀವಕ್ಕೇ ಅಪಾಯ ಎಂದು ಹೇಳಿದ್ದಾರೆ. ಅದಾದ ನಂತರ ಮತ್ತೊಂದು ಶಸ್ತ್ರಚಿಕಿತ್ಸೆ ಮಾಡಿ ಆಕೆಯ ಕಾಲುಗಳನ್ನು ಕತ್ತರಿಸಲಾಗಿದೆ.
ಇದನ್ನೂ ಓದಿ: ಬಿಜೆಪಿ ಹಿರಿಯ ಸಂಸದ ರಾಜೀನಾಮೆ; ನನ್ನ ತಪ್ಪಿಂದ ಪಕ್ಷಕ್ಕೆ ತೊಂದರೆಯಾಗಬಾರದೆಂದ ಮಾಜಿ ಕೇಂದ್ರ ಸಚಿವ
ಕಾಲುಗಳನ್ನು ಕಳೆದುಕೊಂಡಿರುವ ಸೆವಿಂಕ್ ಇದೀಗ ಆಸ್ಪತ್ರೆಯ ವಿರುದ್ಧ ನ್ಯಾಯಾಲಯದ ಮೆಟ್ಟಿಲೇರಿದ್ದಾಳೆ. 1 ಕೋಟಿ ರೂಪಾಯಿ ಪರಿಹಾರ ಹಣ ನೀಡಬೇಕು ಎಂದು ಕೋರಿದ್ದಾಳೆ. ಆದರೆ ಯುವತಿಯ ಆರೋಪವನ್ನು ತಳ್ಳಿ ಹಾಕಿರುವ ಆಸ್ಪತ್ರೆ, ಯುವತಿ ಮೂಗಿನ ಶಸ್ತ್ರಚಿಕಿತ್ಸೆಯಾದ ಕೆಲವೇ ದಿನಗಳಲ್ಲಿ ಚಿಕನ್ ತಿಂದ ಕಾರಣ ಈ ರೀತಿ ಸಮಸ್ಯೆಯಾಗಿತ್ತು ಎಂದು ಹೇಳಿದೆ. ಇದರ ಸಂಪೂರ್ಣ ವಿಚಾರಣೆ ಮಾಡಲು ನ್ಯಾಯಾಲಯ ಆದೇಶಿಸಿದ್ದು, ನಂತರ ತೀರ್ಪು ನೀಡುವುದಾಗಿ ತಿಳಿಸಿದೆ. (ಏಜೆನ್ಸೀಸ್)
ಡಾಕ್ಟರ್ ಕನಸು ಕಟ್ಟಿದ್ದ ಯುವತಿ ಆತ್ಮಹತ್ಯೆ; ಶೇ. 96 ಅಂಕ ತೆಗೆದರೂ ಸಿಗಲಿಲ್ಲ ಸರ್ಕಾರಿ ಸೀಟು!
ಸರ್ಪೈಸ್ ನೀಡಲು ಮನೆಗೆ ಬಂದ ಗಂಡನಿಗೆ ಕಾದಿತ್ತು ಬಿಗ್ ಶಾಕ್! ಹೆಂಡತಿಯ ಇನ್ನೊಂದು ರೂಪ ನೋಡಿದ ಗಂಡ ಮಾಡಿದ್ದೇನು?