ದ್ವಾರಕೀಶ್ಗೆ ಇಬ್ಬರು ಪತ್ನಿಯರು. ಅಂಬುಜಾ ಮೊದಲನೆಯವರು. ದ್ವಾರಕೀಶ್ 51ನೇ ವರ್ಷದಲ್ಲಿ ಶೈಲಜಾ ಎಂಬುವರ ಜತೆ ಎರಡನೇ ಮದುವೆ ಆಗುತ್ತಾರೆ. ಇದಕ್ಕೆ ಅಂಬುಜಾ ಅವರ ಸಂಪೂರ್ಣ ಒಪ್ಪಿಗೆ ಇತ್ತಂತೆ. ಈ ಬಗ್ಗೆ ಹಲವು ವೇದಿಕೆಗಳಲ್ಲಿ ಸ್ವತಃ ದ್ವಾರಕೀಶ್ ಅವರೇ ಹೇಳಿಕೊಂಡಿದ್ದಾರೆ. 'ಅಂಬುಜಾ.. ಐ ಹ್ಯಾವ್ ಲವ್ ವಿತ್ ಒನ್ ಲೇಡಿ' ಎಂದು ನನ್ನ ಪತ್ನಿಗೆ ಹೇಳಿದೆ. ಅದಕ್ಕೆ ಉತ್ತರಿಸಿದ್ದ ಅಂಬುಜಾ, 'ದ್ವಾರ್ಕಿ ನೀನು ಯಾವುದನ್ನು ಇಷ್ಟಪಡ್ತೀಯಾ ಅದನ್ನು ನಾನೂ ಇಷ್ಟಪಡ್ತೀನಿ' ಎಂದಿದ್ದನ್ನು ದ್ವಾರಕೀಶ್ ಸ್ಮರಿಸಿಕೊಂಡಿದ್ದರು. 'ಅಂಬುಜಾ ಮತ್ತು ಶೈಲಾಜಾ ಜೊತೆಜೊತೆಗೆ ಇದ್ದೇನೆ. ನನ್ನ ಜೀವನ ಹೀಗೆ ಸಾಗುತ್ತಿದೆ' ಎಂದು ಹೇಳಿಕೊಂಡಿದ್ದರು. ದ್ವಾರಕೀಶ್ರ ಆಸೆ-ಆಕಾಂಕ್ಷೆಗಳಿಗೆ ಎಂದೂ ಅಡ್ಡಿಯಾಗದ ಅಂಬುಜಾ ಇಂದು ಇಹಲೋಕ ತ್ಯಜಿಸಿದ್ದಾರೆ.
