ಡೆಹ್ರಾಡೂನ್: 78 ವರ್ಷದ ವೃದ್ಧೆಯೊಬ್ಬರು ತನ್ನ ಹೆಸರಲ್ಲಿದ್ದ ಬರೋಬ್ಬರಿ 50 ಲಕ್ಷ ಬೆಲೆ ಬಾಳುವ ಆಸ್ತಿಯನ್ನು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರಿಗೆ ಉಚಿತವಾಗಿ ಕೊಟ್ಟಿದ್ದಾರೆ!
ಹೌದು, ಇಂತಹ ಘಟನೆ ಉತ್ತರಾಖಂಡದ ಡೆಹ್ರಾಡೂನ್ನಲ್ಲಿ ಸಂಭವಿಸಿದೆ. ಇಲ್ಲಿನ ನಿವಾಸಿ, ನಿವೃತ್ತ ಶಿಕ್ಷಕಿ ಪುಷ್ಪಾ ಮುಂಜಿಯಾಲ್ ಎಂಬುವರು ರಾಹುಲ್ ಗಾಂಧಿ ಹೆಸರಿಗೆ ಆಸ್ತಿ ವರ್ಗಾಯಿಸಿದ್ದಾರೆ. ಇದರ ಜತೆಗೆ 10 ತೊಲೆ ಬಂಗಾರವನ್ನೂ ರಾಹುಲ್ ಗಾಂಧಿಗೆ ಕೊಟ್ಟಿದ್ದಾರೆ. ಕಾರಣ ಏನು ಗೊತ್ತಾ?
ವೃದ್ಧೆ ಪುಷ್ಪಾ ಮುಂಜಿಯಾಲ್ಗೆ ರಾಹುಲ್ ಗಾಂಧಿ ಅಂದ್ರೆ ತುಂಬಾ ಪ್ರೀತಿ, ಅಭಿಮಾನ, ಗೌರವ. ಡೆಹ್ರಾಡೂನ್ ಕೋರ್ಟ್ಗೆ ವಿಲ್ ಸಲ್ಲಿಸಿ ತನ್ನ ಆಸ್ತಿಯ ಮಾಲೀಕತ್ವವನ್ನು ರಾಹುಲ್ಗೆ ವರ್ಗಾಯಿಸಿ ‘ಮಗನಂತಿರುವ ರಾಹುಲ್ಗೆ ನನ್ನ ಆಸ್ತಿ ಸೇರಬೇಕು. ಒಳ್ಳೆಯ ಕೆಲಸಕ್ಕೆ ಬಳಕೆಯಾಗಲಿ’ ಎಂದು ಆಶೀಸಿದ್ದಾರೆ.
‘ರಾಹುಲ್ರ ಚಿಂತನೆಗಳಿಂದ ಪ್ರಭಾವಿತಳಾಗಿರುವ ನಾನು ನನ್ನ ಆಸ್ತಿಪಾಸ್ತಿಯನ್ನು ಅವರಿಗೆ ವರ್ಗಾಯಿಸಿದ್ದೇನೆ. ರಾಹುಲ್ ಅವರಂಥವರು ಹಾಗೂ ಅವರು ಅನುಸರಿಸುವಂಥ ತತ್ವಗಳು ದೇಶಕ್ಕೆ ಅತ್ಯಗತ್ಯ’ ಎಂದು ವೃದ್ಧೆ ಹೇಳಿಕೊಂಡಿದ್ದಾರೆ.
ಕಾಂಗ್ರೆಸ್‌ನ ಮಾಜಿ ರಾಜ್ಯಾಧ್ಯಕ್ಷ ಪ್ರೀತಮ್‌ ಸಿಂಗ್‌ ಅವರ ನಿವಾಸಕ್ಕೆ ತೆರಳಿದ ಪುಷ್ಪಾ ಅವರು ಆಸ್ತಿ ಪತ್ರವನ್ನು ಕೊಟ್ಟು ರಾಹುಲ್ಗೆ ಹಸ್ತಾಂತರಿಸುವಂತೆ ಹೇಳಿದರು.
ಮಿದುಳಿನ ರಕ್ತನಾಳ ಛಿದ್ರಛಿದ್ರ… ಜಿಮ್ನಲ್ಲೇ ಮೃತಪಟ್ಟ ಮಹಿಳೆಯ ಮರಣೋತ್ತರ ವರದಿಯಲ್ಲಿದೆ ಸ್ಫೋಟಕ ಮಾಹಿತಿ
ಪ್ರೀತಿಸಿ ಮದ್ವೆಯಾದ 7 ದಿನಕ್ಕೇ ಯುವತಿ ಬೀದಿಪಾಲು! 3 ದಿನದಲ್ಲಿ 2 ಬಾರಿ ಮದ್ವೆ ಆಗಿದ್ದವ ಇದ್ದಕ್ಕಿದ್ದಂತೆ ಏನಾದ?