ಬೆಂಗಳೂರು : ಜೀವನದಲ್ಲಿ ಒಂದು ಸ್ವಂತ ಮನೆಯನ್ನು ನಿರ್ಮಿಸಬೇಕೆಂಬ ಬಯಕೆ ಪ್ರತಿಯೊಬ್ಬ ವ್ಯಕ್ತಿಯಲ್ಲೂ ಇರುತ್ತದೆ. ಆದರೆ ಇಂದಿನ ದುಬಾರಿ ಬದುಕಿನಲ್ಲಿ ಎಲ್ಲರ ಕನಸುಗಳು, ಬಯಕೆಗಳು ಅಷ್ಟು ಸುಲಭವಾಗಿ ಈಡೇರಿಸಿಕೊಳ್ಳುವುದಕ್ಕೆ ಸಾಧ್ಯವಿಲ್ಲ. ಅಷ್ಟಾಗಿಯೂ ಶ್ರಮಪಟ್ಟು ನಿರ್ಮಿಸಿದ ಮನೆಯ ಅಂಧವನ್ನು ಬೇರೆಲ್ಲರಿಗಿಂತ ಆಕರ್ಷಕವಾಗಿ ಕಾಣುವಂತೆ ಮಾಡಬೇಕೆಂಬ ಇಚ್ಛೆ ಇರುತ್ತದೆ. ಅಂತಹ ಮನೆಯ ಅಂಧ ಮತ್ತು ಆಕರ್ಷಣೆ ಹೆಚ್ಚಿಸುವಲ್ಲಿ ಕರೆ ಘಂಟೆ (ಕಾಲಿಂಗ್ ಬೆಲ್) ಕೂಡಾ ಒಂದು ಪ್ರಮುಖ ವಸ್ತು.
ಮನೆಯ ಒಳಾಂಗಣ ವಿನ್ಯಾಸ, ರ್ನಿಚರ್ ಇತ್ಯಾದಿ ವಸ್ತುಗಳು ಮನೆಯೊಳಗೆ ಬಂದ ನಂತರ ಕಣ್ಣಿಗೆ ಆಕರ್ಷಣೆಯಾಗಿರುತ್ತವೆ. ಆದರೆ ಕಾಲಿಂಗ್ ಬೆಲ್ ಮನೆ ಹೊರಗಿನಿಂದಲೇ ವಿಶಿಷ್ ವಿನ್ಯಾಸದಿಂದ ದೃಷ್ಟಿಗೆ ಹಾಗು ಅದರ ಶಬ್ದದಿಂದ ಕಿವಿಗೆ ಕೂಡಾ ಆಕರ್ಷಕವಾಗಿರುತ್ತದೆ. ಸಾಮಾನ್ಯವಾಗಿ ಹಿಂದಿನ ಕಾಲದಲ್ಲಿ ಕಾಲಿಂಗ್ ಬೆಲ್ಗಳು ಒಂದೇ ತರನಾದ ಒಂದರ್ಥದಲ್ಲಿ ಕರ್ಕಶವಾದ ಶಬ್ಧದಿಂದ ಕೂಡಿದ್ದವು. ಆದರೆ ಆಧುನಿಕ ಆವಿಷ್ಕಾರಗಳು ನಡೆದಂತೆ ಕಾಲಿಂಗ್ ಬೆಲ್ಗಳ ವಿನ್ಯಾಸಗಳು, ಸಂಯೋಜಿತ ಶಬ್ದಗಳು ಕೂಡಾ ಬಹಳ ಆಕರ್ಷಕವಾಗಿವೆ. ಇಂಪಾದ ಶಬ್ದಗಳ ಜೊತೆಗೆ ವಿವಿಧ ಶ್ಲೋಕ, ಮಂತ್ರ, ಹಾಡು, ಕೆಲವು ೋಷಣೆಗಳನ್ನು ಕಾಲಿಂಗ್ ಬೆಲ್ಗಳು ಹೊಂದಿವೆ. ಹಾಗೂ ಇನ್ನೂ ಮುಂದುವೆರೆದು ಅತ್ಯಾಧುನಿಕ ಕಾಲಿಂಗ್ ಬೆಲ್ಗಳಲ್ಲಿ ಸಿಸಿ ಕ್ಯಾಮೆರಾಗಳು ಅಳವಡಿಸಲ್ಪಟ್ಟಿದ್ದು, ಹೊರಗಿನಿಂದ ಬಂದ ವ್ಯಕ್ತಿ ಕಾಲಿಂಗ್ ಬೆಲ್ ಒತ್ತಿದಾಗ ಮನೆಯೊಳಗಿದ್ದವರಿಗೆ ಹೊರಗೆ ಬಂದಿರುವ ವ್ಯಕ್ತಿಯ ಚಿತ್ರ ತಿಳಿಯುತ್ತದೆ. ಅದನ್ನು ಆಧರಿಸಿ ಮನೆಯ ಬಾಗಿಲನ್ನು ತೆರೆಯಲು ಅನುಕೂಲವಾಗುತ್ತದೆ. ಕೆಲವು ಸಂದರ್ಭಗಳಲ್ಲಿ ಅಪರಿಚಿತ ವ್ಯಕ್ತಿಗಳು ಬಂದಾಗ ಎಚ್ಚರಿಕೆಯಿಂದ ನಡೆದುಕೊಳ್ಳಲು ಈ ಅತ್ಯಾಧುನಿಕ ಕಾಲಿಂಗ್ ಬೆಲ್ಗಳು ಸಹಕಾರಿಯಾಗಿರುತ್ತವೆ.
