ಬಜೆಟ್ ಅಧಿವೇಶನ ಬುಧವಾರ ಆರಂಭಗೊಂಡಿದ್ದು, ಇಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಮಧ್ಯಂತರ ಬಜೆಟ್ ಮಂಡಿಸಲಿದ್ದಾರೆ. ಕಳೆದ ಐದು ವರ್ಷಗಳ ಬಜೆಟ್ ಅವಲೋಕಿಸಿದಾಗ, ದೇಶದ ಆರ್ಥಿಕತೆಯ ಏರುಗತಿ ಹೊಸ ಆಶಾವಾದವನ್ನು ಸೃಷ್ಟಿಸಿದೆ. ಕರೊನಾದಂಥ ಭೀಕರ ಸವಾಲನ್ನು ಯಶಸ್ವಿಯಾಗಿ ಸೋಲಿಸಿದ ಹೆಗ್ಗಳಿಕೆ ಭಾರತೀಯ ಆರ್ಥಿಕತೆಯದ್ದು. ಕೆಲವೇ ತಿಂಗಳಲ್ಲಿ ಲೋಕಸಭೆ ಚುನಾವಣೆ ನಡೆಯಲಿರುವುದರಿಂದ, ಈ ಬಜೆಟ್ನಲ್ಲಿ ದೊಡ್ಡ ಘೋಷಣೆಗಳು ಇರುವುದಿಲ್ಲವಾದರೂ, ದೇಶ ಆರ್ಥಿಕತೆಯಲ್ಲಿ ಮುಂದೆ ಸಾಗಬೇಕಾದ ಸಮರ್ಥ ಚಿತ್ರಣವನ್ನಂತೂ ಒದಗಿಸಲಿದೆ ಎಂಬ ಅಭಿಪ್ರಾಯ ತಜ್ಞರದ್ದು. ಸಾಮಾಜಿಕ ಕಲ್ಯಾಣ ಯೋಜನೆಗಳು, ಬಡವರಿಗೆ ಉಚಿತ ಆಹಾರಧಾನ್ಯದಂಥ ಅನುಕೂಲಗಳು ಮುಂದುವರಿಯಲಿವೆ.
