40 ರ ಮಹಿಳೆ ಮೇಲೆ 14 ವರ್ಷದ ಬಾಲಕನಿಂದ ಅತ್ಯಾಚಾರಕ್ಕೆ ಯತ್ನ: ಸಂತ್ರಸ್ತೆ ಸಾವು!

ಚಂಡಿಗಢ: 14 ವರ್ಷದ ಬಾಲಕ ಅತ್ಯಾಚಾರಕ್ಕೆ ಯತ್ನಿಸುತ್ತಿದ್ದ ವೇಳೆ ವಿರೋಧಿಸುವಾಗ 40 ವರ್ಷದ ವಿವಾಹಿತ ಮಹಿಳೆಯೊಬ್ಬಳು ಗಂಭೀರವಾಗಿ ಗಾಯಗೊಂಡಿದ್ದು, 5 ದಿನಗಳ ಬಳಿಕ ಇದೀಗ ಶನಿವಾರ(ನ.08) ಮೃತಪಟ್ಟ ಘಟನೆ ಚಂಢಿಗಢದಲ್ಲಿ ನಡೆದಿದೆ.

ಇದನ್ನೂ ಓದಿ:ಈ ಸ್ಥಳದಲ್ಲಿ ನೀವು ಇದ್ದರೆ ಸಮಾಜದಲ್ಲಿ ನಿಮ್ಮ ಇಮೇಜ್ ಹಾಳಾಗುತ್ತದೆ! ಜೀವನದಲ್ಲಿ ಪ್ರಗತಿ ಎಂದಿಗೂ ಸಾಧ್ಯವಿಲ್ಲ… Chanakya Niti

ಆರೋಪಿ ಬಾಲಕನ್ನು ಬಂಧಿಸಲಾಗಿದೆ. ​ಈ ಘಟನೆ ನವೆಂಬರ್ 3 ರಂದು ಇಲ್ಲಿನ ಹಳ್ಳಿಯೊಂದರಲ್ಲಿ ನಡೆದಿದ್ದು, ನಂತರ ಆಕೆಯನ್ನು ಚಂಡೀಗಢದ ಸ್ನಾತಕೋತ್ತರ ವೈದ್ಯಕೀಯ ಶಿಕ್ಷಣ ಮತ್ತು ಸಂಶೋಧನಾ ಸಂಸ್ಥೆಗೆ (ಪಿಜಿಐ) ಕರೆದೊಯ್ಯಲಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.

ಘಟನೆ ಏನು?

ಪೊಲೀಸರ ಪ್ರಕಾರ, ಮಹಿಳೆ ಊರಿನ ಹೊಲದ ಪಕ್ಕದಲ್ಲಿ ಹುಲ್ಲು ಕೊಯ್ಯುತ್ತಿದ್ದಾಗ(ಕೊಯ್ಲು) ಏಕಾಏಕಿ ಬಂದ ಬಾಲಕ ಮಹಿಳೆ ಮೇಲೆ ಬಿದ್ದು, ಬಲವಂತವಾಗಿ ಲೈಂಗಿಕ ದೌರ್ಜನ್ಯ ಎಸಗಲು ಯತ್ನಿಸಿದ್ದಾನೆ. ಮಹಿಳೆ ವಿರೋಧಿಸಿದಾಗ, ಅವನು ಕೋಲು ಮತ್ತು ಕುಡುಗೋಲಿನಿಂದ ಆಕೆಯ ಮೇಲೆ ಕ್ರೂರವಾಗಿ ಹಲ್ಲೆ ನಡೆಸಿ, ಗಂಭೀರವಾಗಿ ಗಾಯಗೊಳಿಸಿದ್ದಾನೆ.

ನಂತರ ಗ್ರಾಮಸ್ಥರು ಆಕೆ ಹೊಲದಲ್ಲಿ ಬಿದ್ದಿರುವುದನ್ನು ಗಮನಿಸಿದರು, ತೀವ್ರ ರಕ್ತಸ್ರಾವದಿಂದ ಬಳಲುತ್ತಿದ್ದರು, ನಂತರ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು, ಅವರು ಆಕೆಯನ್ನು ಚಿಕಿತ್ಸೆಗಾಗಿ ಹಮೀರ್‌ಪುರ ವೈದ್ಯಕೀಯ ಕಾಲೇಜಿಗೆ ಕರೆದೊಯ್ದರು, ಅಲ್ಲಿಂದ ಆಕೆಯನ್ನು ಪಿಜಿಐ ಚಂಡೀಗಢಕ್ಕೆ ಕರೆದೊಯ್ಯಲಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.

ಅಪರಾಧ ಸ್ಥಳದಲ್ಲಿ ಮಹಿಳೆ ಹಲ್ಲೆ ಮಾಡಿರುವ ಆಯುಧ(ಕುಡುಗೋಲು), ಪೆನ್​ ಸೇರಿದಂತೆ ಇತರ ಸಾಧನಗಳು ವಶಪಡಿಸಿಕೊಂಡಿದ್ದು, ಅಪರಾಧವನ್ನು ಬಾಲಕ ಒಪ್ಪಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/her-illness-after-using-earphones-for-10-12-hours-a-day