‘ಬಾಹುಬಲಿ’ ಎಂಬ ಚಿತ್ರ ಮಾಡಿದ್ದೇ ಮಾಡಿದ್ದು, ಪ್ರಭಾಸ್ ಅವರ ಸಂಭಾವನೆ, ಅವರ ಚಿತ್ರಗಳ ಗಾತ್ರ ಎಲ್ಲವೂ ದೊಡ್ಡದಾಗಿಬಿಟ್ಟಿದೆ.’ಬಾಹುಬಲಿ’ ಚಿತ್ರವನ್ನು ಮೀರಿಸುವುದಕ್ಕೆ ಸಾಧ್ಯವಾಗುತ್ತದೋ ಇಲ್ಲವೋ ಗೊತ್ತಿಲ್ಲ. ಆ ಲೆವೆಲ್ಗಾದರೂ ರೀಚ್ ಆಗಬೇಕು ಎಂದು ಹಲವರು ಪ್ರಯತ್ನಿಸುತ್ತಿರುವಂತಿದೆ.
ಇದನ್ನೂ ಓದಿ: ಶವಗಾರದಲ್ಲಿ ಸುಶಾಂತ್ ಮೃತದೇಹ ನೋಡಿ ಗೆಳತಿ ರಿಯಾ ಆಡಿದ ಕೊನೆಯ ಮಾತಿದು!
ಅದೇ ಕಾರಣಕ್ಕೆ, ಪ್ರಭಾಸ್ ಅವರ ಚಿತ್ರಗಳ ಬಜೆಟ್ ಏರುತ್ತಲೇ ಇದೆ. ಕೆಲವೇ ವರ್ಷಗಳ ಹಿಂದೆ ಕೆಲವೇ ಕೋಟಿಗಳಲ್ಲಿ ನಿರ್ಮಾಣವಾಗುತ್ತಿದ್ದ ಪ್ರಭಾಸ್ ಅವರ ಚಿತ್ರಗಳು, ಈಗ ನೂರಾರು ಕೋಟಿಗಳ ವೆಚ್ಚದಲ್ಲಿ ನಿರ್ಮಾಣವಾಗುತ್ತಿವೆ ಎಂಬುದು ಗಮನಾರ್ಹ.
ಪ್ರಭಾಸ್ ಕೈಯಲ್ಲಿ ಇದೀಗ ಮೂರು ಚಿತ್ರಗಳಿದ್ದು, ಈ ಮೂರು ಚಿತ್ರಗಳ ಒಟ್ಟಾರೆ ಬಜೆಟ್ ಎಷ್ಟಿರಬಹುದು ಎಂಬ ಲೆಕ್ಕಾಚಾರ ಇದೀಗ ಬರೀ ಟಾಲಿವುಡ್, ಬಾಲಿವುಡ್ ಅಂತಲ್ಲ ಪ್ಯಾನ್ ಇಂಡಿಯಾ ಲೆವೆಲ್ಗೇ ಚರ್ಚೆಯಾಗುತ್ತಿದೆ. ಅದರಂತೆ, ಪ್ರಭಾಸ್ ಅಭಿನಯದ ಮೂರು ಚಿತ್ರಗಳ ಒಟ್ಟಾರೆ ಬಜೆಟ್ ಎಷ್ಟು ಗೊತ್ತಾ? 950 ಕೋಟಿ ಎಂದು ಹೇಳಲಾಗುತ್ತಿದೆ.
ಎಲ್ಲಕ್ಕಿಂತ ಮೊದಲು ಪ್ರಭಾಸ್ ಇದೀಗ ‘ರಾಧೇ ಶ್ಯಾಮ್’ ಎಂಬ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈಗಾಗಲೇ ಚಿತ್ರದ ಚಿತ್ರೀಕರಣ ಅರ್ಧ ಆಗಿದ್ದು, ಬಿಡುಗಡೆಯಾಗುವ ಹೊತ್ತಿಗೆ ಬಜೆಟ್ 300 ಕೋಟಿಯಾಗುತ್ತದೆ ಎಂದು ಹೇಳಲಾಗುತ್ತಿದೆ. ಆ ನಂತರ, ವೈಜಯಂತಿ ಮೂವೀಸ್ ನಿರ್ಮಾಣದ ಚಿತ್ರವೊಂದನ್ನು ಪ್ರಭಾಸ್ ಒಪ್ಪಿಕೊಂಡಿದ್ದು, ಆ ಚಿತ್ರದ ಬಜೆಟ್ 400 ಕೋಟಿಯಷ್ಟಾಗಲಿದೆಯಂತೆ. ಈ ಚಿತ್ರದಲ್ಲಿ ಅವರಿಗೆ ದೀಪಿಕಾ ಪಡುಕೋಣೆ ನಾಯಕಿಯಾಗಿ ನಟಿಸುತ್ತಿದ್ದಾರೆ.
ಇದನ್ನೂ ಓದಿ: ಸುಶಾಂತ್ ಸಾವಿಗೂ ಮುಂಚೆ ರಿಯಾ-ಮಹೇಶ್ ಭಟ್ ನಡುವೆ ನಡೆದ ವಾಟ್ಸ್ಆ್ಯಪ್ ಚಾಟ್ ಬಹಿರಂಗ!
ಇವೆರೆಡರ ಜತೆಗೆ, ಪ್ರಭಾಸ್ ಇತ್ತೀಚೆಗಷ್ಟೇ ‘ಆದಿಪುರುಷ್’ ಎಂಬ ಇನ್ನೊಂದು ಹೊಸ ಚಿತ್ರವನ್ನು ಒಪ್ಪಿಕೊಂಡಿದ್ದು, ರಾಮಾಯಣವನ್ನಾಧರಿಸಿದ ಈ ಚಿತ್ರದ ಬಜೆಟ್ 250 ಕೋಟಿಯಷ್ಟಾಗುತ್ತದೆ ಎಂದು ಹೇಳಲಾಗುತ್ತಿದೆ. ಒಟ್ಟಾರೆ ಈ ಮೂರೂ ಚಿತ್ರಗಳಿಂದ 950 ಕೋಟಿಯಷ್ಟು ಹೂಡಿಕೆಯಾಗುತ್ತಿದೆ ಎನ್ನುವುದು ವಿಶೇಷ.
ಹಾಗಾದ್ರೆ ನಮ್ ಮಕ್ಳು ಕನಸು ಕಾಣಬಾರ್ದಾ? ಸುನೀಲ್ ಶೆಟ್ಟಿ ಪ್ರಶ್ನೆ