ಹಾಸ್ಟೆಲ್​​ನಲ್ಲಿ Air Cooler ಅಳಡಿಕೊಂಡಿದ್ದರಿಂದ 9 ವಿದ್ಯಾರ್ಥಿಗಳಿಗೆ ತಲಾ 10 ಸಾವಿರ ರೂ. ದಂಡ ವಿಧಿಸಿದ ವಿವಿ!

ವಿದ್ಯಾರ್ಥಿ ನಿಲಯದಲ್ಲಿ ಏರ್​ ಕೂಲರ್(Air Cooler)​ ಅಳವಡಿಸಿಕೊಂಡಿದ್ದ 9 ವಿದ್ಯಾರ್ಥಿಗಳಿಗೆ ತಲಾ 10 ಸಾವಿರ ದಂಡ ಹಾಕಿರುವ ಘಟನೆ ಉತ್ತರ ಪ್ರದೇಶದ ಕಾನ್ಪುರದಲ್ಲಿರುವ ಚಂದ್ರಶೇಖರ್ ಆಜಾದ್ ಕೃಷಿ ಮತ್ತು ತಂತ್ರಜ್ಞಾನ ವಿಶ್ವವಿದ್ಯಾಲಯದ (CSA) ಹಾಸ್ಟೆಲ್​ನಲ್ಲಿ ನಡೆದಿದೆ ಎಂದು ಮಂಗಳವಾರ ವರದಿಯಾಗಿದೆ.

ಇದನ್ನೂ ಓದಿ:ಶೆಫಾಲಿ ಸಾವಿನ ಬೆನ್ನಲ್ಲೇ ಅಚ್ಚರಿ ಸಂಗತಿಗಳು ಬಯಲಿಗೆ! ಏನಿದು ಗ್ಲುಟಾಥಿಯೋನ್ ಇಂಜೆಕ್ಷನ್​? | Glutathione Injections

ಹಾಸ್ಟೆಲ್‌ನಲ್ಲಿ ವಾಸಿಸುವ 9 ವಿದ್ಯಾರ್ಥಿಗಳಿಗೆ ಬಿಸಿಲಿನ ಬೇಗೆಯಲ್ಲಿ ಅನುಮತಿಯಿಲ್ಲದೆ ಕೂಲರ್‌ಗಳನ್ನು ಅಳವಡಿಕೊಂಡಿದ್ದರಿಂದ ದಂಡ ವಿಧಿಸಲಾಗಿದೆ ಎಂದು ವಿ.ವಿ ಹೇಳಿದೆ ಎಂದು ವರದಿ ಉಲ್ಲೇಖಿಸಿದೆ. ಇದೀಗ ವಿಶ್ವವಿದ್ಯಾಲಯದ ಆಡಳಿತ ಮಂಡಳಿ ತಗೆದುಕೊಂಡ ಕ್ರಮದ ಬಗ್ಗೆ ಆಕ್ರೋಶವ್ಯಕ್ತವಾಗಿದೆ.

ಇದನ್ನೂ ಓದಿ:ಕಲಬೆರಕೆ ಆಹಾರ ಕುರಿತು ವಿದ್ಯಾರ್ಥಿಗಳಿಗೆ ಜಾಗೃತಿ: ಉತ್ತಮ ಆರೋಗ್ಯಕ್ಕೆ ಗುಣಮಟ್ಟ ಆಹಾರ ಸೇವಿಸಿ

ವಾಸ್ತವವಾಗಿ, ವಿದ್ಯಾರ್ಥಿ ಹಾಸ್ಟೆಲ್​​ ಡೀನ್​ರೊಬ್ಬರು, ​ ವಿದ್ಯಾರ್ಥಿ ನಿಲಯದ ರೂಮ್​​ಗಳನ್ನು ಪರಿಶೀಲಿಸಿದಾಗ ಕೆಲ ರೂಮ್​ ಗಳಲ್ಲಿ ವಿವಿ ಅನುಮತಿ ಇಲ್ಲದೆ, ಏರ್​ ಕೂಲರ್​ಗಳನ್ನು ಆಳವಡಿಸಿಕೊಂಡಿರುವುದು ಕಂಡು ಬಂದಿದೆ. ಈ ಹಿನ್ನೆಲೆ ವಿಶ್ವವಿದ್ಯಾನಿಲಯ ಆಡಳಿತವು ಕಠಿಣ ನಿಲುವನ್ನು ತೆಗೆದುಕೊಂಡು ಎಲ್ಲಾ ಒಂಬತ್ತು ವಿದ್ಯಾರ್ಥಿಗಳಿಗೆ ತಲಾ 10,000 ರೂ.ಗಳ ಆರ್ಥಿಕ ದಂಡವನ್ನು ವಿಧಿಸಿದೆ ಎಂದು ಆಡಳಿತ ಮಂಡಳಿ ಹೇಳಿದೆ.

ವಿವಿ ಅನುಮತಿ ಕಡ್ಡಾಯ

ಹಾಸ್ಟೆಲ್​​ ನಿಯಮಗಳ ಪ್ರಕಾರ, ಹಾಸ್ಟೆಲ್​​ನಲ್ಲಿ ಕೂಲರ್​ಗಳನ್ನು ಅಳವಡಿಸಲು ಪೂರ್ವಾನುಮತಿ ಪಡೆಯುವುದು ಕಡ್ಡಾಯವಾಗಿದೆ. ಇದಕ್ಕಾಗಿ 5000 ಶುಲ್ಕ ಪಾವತಿಸಬೇಕಾಗಿದೆ. ಈ ಅನುಮತಿ ಪ್ರತಿವರ್ಷ ಮಾ.1ರಿಂದ ನ.15ರವರೆಗೆ ಮಾತ್ರ ಮಾನ್ಯವಾಗಿರುತ್ತದೆ. ಇದನ್ನು ಉಲ್ಲಂಘನೆ ಮಾಡಿದಕ್ಕೆ ದಂಡ ವಿಧಿಸಲಾಗಿದೆ ಎಂದು ಹಾಸ್ಟೆಲ್​ ಡೀನ್​ ಮುಖೇಶ್​ ಕುಮಾರ್ ಸಮರ್ಥನೆ ಮಾಡಿಕೊಂಡಿದ್ದಾರೆ.(ಏಜೆನ್ಸೀಸ್​)

https://www.vijayavani.net/phatthongtharam-suspended-from-the-post-of-prime-minister-of-thailand

https://www.vijayavani.net/massive-explosion-at-fireworks-factory-six-killed-many-injured