VIDEO| ತ್ರಿವರ್ಣ ಧ್ವಜ ಹಿಡಿದು ನಡಿಗೆ ಮೂಲಕ ಜಾಗೃತಿ ಮೂಡಿಸಿದ ವೃದ್ಧೆ

ಅಸ್ಸಾಂ: ಕಳೆದ ಕೆಲ ವರ್ಷಗಳಿಂದ ಯುವಪೀಳಿಗೆಯೂ ಹೆಚ್ಚಾಗಿ ಮೊಬೈಲ್​ ಚಟಕ್ಕೆ ಹೆಚ್ಚಾಗಿ ಅಡಿಕ್ಟ್​ ಆಗುತ್ತಿದ್ದು, ಆರೋಗ್ಯ ಸಮಸ್ಯೆಗಳ ಹೆಚ್ಚಳಕ್ಕೆ ಕಾರಣವಾಗಿದೆ. ಆರೋಗ್ಯಕರ ಜೀವನಶೈಲಿಯನ್ನು ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ 75 ವರ್ಷದ ವೃದ್ಧೆಯೊಬ್ಬರು ಸ್ವಾತಂತ್ರ್ಯ ದಿನಾಚರಣೆಯ ಪ್ರಯುಕ್ತ 10 ಕಿಲೋಮೀಟರ್​ ನಡಿಗೆಯನ್ನು ಹಮ್ಮಿಕೊಂಡಿದ್ದರು.

ಅಸ್ಸಾಂನ ದಿಬ್ರುಗಢದ ನಿವಾಸಿ ಹೀರಾ ಬೋರಾ(75) ಅವರು ಯುವ ಪೀಳಿಗೆಯಲ್ಲಿ ಆರೋಗ್ಯದ ಮಹತ್ವವನ್ನು ಸಾರಲು ನಡಿಗೆಯನ್ನು ಹಮ್ಮಿಕೊಂಡಿದ್ದರು. ಇವರ ಕಾರ್ಯಕ್ಕೆ ಎಲ್ಲೆಡೆಯಿಂದ ವ್ಯಾಪಕ ಮೆಚ್ಚುಗೆ ವ್ಯಕ್ತಪಡಿಸಲಾಗುತ್ತಿದೆ.

ವಿಡಿಯೋ ವೈರಲ್​

ಇಳಿವಯಸ್ಸಿನಲ್ಲೂ ನಡಿಗೆ ಹಮ್ಮಿಕೊಂಡಿರುವ ಕುರಿತು ಪ್ರತಿಕ್ರಿಯಿಸಿರುವ ವೃದ್ಧೆ ಹೀರಾ ಬೋರಾ ಇಂದಿನ ಯುವ ಪೀಳಿಗೆ ಹೆಚ್ಚಿನ ಸಮಯವನ್ನು ಮೊಬೈಲ್​ನಲ್ಲಿ ಕಳೆಯುತ್ತಿದ್ದಾರೆ. ಇದು ಅವರ ಆರೋಗ್ಯ ಹಾಗೂ ವ್ಯಕ್ತಿರಿಕ್ತ ಜೀವನದ ಮೇಲೆ ಪರಿಣಾಮ ಬೀರುತ್ತಿದೆ. ಈ ನಿಟ್ಟಿನಲ್ಲಿ ನಾನು ಯುವ ಪೀಳಿಗೆಯಲ್ಲಿ ಆರೋಗ್ಯದ ಮಹತ್ವವನ್ನು ತಿಳಿಸಲು ಅದರ ಬಗ್ಗೆ ಜಾಗೃತಿಯನ್ನು ಮೂಡಿಸಲು 10 ಕಿಲೋಮೀಟರ್​ಗಳ ನಡಿಗೆಯನ್ನು ಹಮ್ಮಿಕೊಂಡಿದ್ದಾಗಿ ತಿಳಿಸಿದ್ದಾರೆ.

ಇದನ್ನೂ ಓದಿ: ಜಾತಿ ನಿಂದನೆ ಪ್ರಕರಣ; ನಟ ಉಪೇಂದ್ರಗೆ ರಿಲೀಫ್​ ನೀಡಿದ ಹೈಕೋರ್ಟ್​

ಬಿಗಿ ಪೊಲೀಸ್​ ಭದ್ರತೆಯಲ್ಲಿ ನಡಿಗೆ ಆರಂಭಿಸಿದ ವೃದ್ಧೆ ಬ್ರಹ್ಮಪುತ್ರ ನದಿಗೆ ಅಡ್ಡಲಾಗಿ ನಿರ್ಮಿಸಿರುವ ಬೋಗಿಬೀಲ್​ ಸೇತುವೆ ಮೂಲಕ ಹಾದು ಹೋಗಿ ತಮ್ಮ ನಡಿಗೆಯನ್ನು ಅಂತ್ಯಗೊಳಸಿದ್ದಾರೆ. ಇವರ ನಡಿಗೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ವೃದ್ಧೆಯ ಕಾರ್ಯಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಉತ್ತಮ ಸಂದೇಶವನ್ನು ಸಾರಲು ವಯಸ್ಸು ಯಾವುದೇ ಕಾರಣಕ್ಕೂ ಅಡ್ಡಿಯಾಗುವುದಿಲ್ಲ. ಈ ರೀತಿ ಕಾರ್ಯಗಳಿಂದ ಹೀರಾ ಬೋರಾ ಅವರು ಕೋಟ್ಯಂತರ ಜನರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ ಎಂದು ಹಲವರು ಹೇಳಿದ್ದಾರೆ. 10 ಕಿಲೋಮೀಟರ್​ ನಡಿಗೆಗಾಗಿ ಅಷ್ಟೊಂದು ಪೊಲೀಸ್​ ಭದ್ರತೆ ಯಾಕೆ ಎಂದು ಕೆಲವರು ಪ್ರಶ್ನಿಸಿದ್ದಾರೆ.

https://www.vijayavani.net/court-grants-bail-to-ajith-kumar-rai-in-corruption-case

https://www.vijayavani.net/woman-spots-thief-lurking-in-a-dark-corner-then-this-happens