ಬೆಂಗಳೂರು: ಪ್ರೋಟೀನ್ ಭರಿತ ಶೇಕ್ಗಳು ವ್ಯಾಯಮದ ನಂತರ ದೇಹಕ್ಕೆ ಅತ್ಯಗತ್ಯ ಎಂದು ಹೇಳಲಾಗಿದೆ. ಜಿಮ್ಗೆ ಹೋಗುವವರು ಸ್ನಾಯುವಿನ ಚೇತರಿಕೆಯನ್ನು ಹೆಚ್ಚಿಸಲು ಮತ್ತು ವ್ಯಾಯಾಮದ ನಂತರದ ಸ್ನಾಯು ನೋವನ್ನು ನಿಯಂತ್ರಿಸಲು ಪ್ರೋಟೀನ್ ಶೇಕ್ಗಳನ್ನು ಸೇವಿಸುತ್ತಾರೆ. ಸ್ನಾಯುಗಳ ರಕ್ಷಣೆಗೆ ಮನೆಯಲ್ಲಿ ತಯಾರಿಸಿದ ಪ್ರೋಟೀನ್ ಶೇಕ್ಗಳು ಅತ್ಯುತ್ತಮವಾಗಿದ್ದು, ಇವುಗಳು ಸುರಕ್ಷಿತವಾಗಿರುತ್ತವೆ. ಮನೆಯಲ್ಲಿಯೇ ಈ ಕೆಳಗಿನ ಪ್ರೋಟೀನ್ ಶೇಕ್ಗಳನ್ನು ತಯಾರಿಸಬಹುದಾಗಿದೆ.
ತೆಂಗಿನಕಾಯಿ-ಬಾದಾಮಿ ಶೇಕ್:
ಬಾದಾಮಿ ಮತ್ತು ಹಾಲು ಪ್ರೋಟೀನ್ನಿಂದ ಸಮೃದ್ಧವಾಗಿದ್ದು ಫೈಬರ್ ಮತ್ತು ಆರೋಗ್ಯಕರ ಕೊಬ್ಬುಗಳಿಂದ ಕೂಡಿವೆ. ಇವುಗಳು ತೂಕವನ್ನು ಇಳಿಸಿಕೊಳ್ಳಲು ಸಹಾಯಕವಾಗಿವೆ.
ಫಿನಟ್ಸ್ ಬಟರ್ ಶೇಕ್:
ಫಿನಟ್ಸ್ ಬಟರ್ ದೇಹವನ್ನು ದೀರ್ಘಕಾಲದವರೆಗೆ ಸಂತೃಪ್ತವಾಗಿಡಲು ಸಹಾಯಕವಾಗಿದೆ. ಇದು ಹೆಚ್ಚಿನ ಪೌಷ್ಟಿಕಾಂಶದ ಮೌಲ್ಯವನ್ನು ಹೊಂದಿರುವುದರಿಂದ ಒಂದು ಚಮಚ ಫಿನಟ್ಸ್ ಬಟರ್, ಹಾಲು, ಕೆಲವು ಹಣ್ಣುಗಳನ್ನು ಬಳಸಿ ಪ್ರೋಟೀನ್ ಶೇಕ್ ಮಾಡಬಹುದು.
ಇದನ್ನೂ ಓದಿ: ಎಂಟು ಮಂದಿ ಶಾಸಕರಿಂದ ಸಚಿವರಾಗಿ ಪ್ರಮಾಣವಚನ ಸ್ವೀಕಾರ
ವಾಲ್ ನಟ್ಸ್ ಶೇಕ್:
ವಾಲ್ ನಟ್ಸ್ ಮತ್ತು ಫ್ಯಾಕ್ಸ್ ಸೀಡ್ಸ್ ಎರಡರಲ್ಲೂ ಒಮೆಗಾ-3 ಕೊಬ್ಬಿನಾಮ್ಲಗಳು, ಫೈಬರ್ ಮತ್ತು ಪ್ರೋಟೀನ್ಗಳು ಹೆಚ್ಚಿನ ಪ್ರಮಾಣದಲ್ಲಿರುವುದರಿಂದ ಇದು ಪ್ರೋಟೀನ್ ಶೇಕ್ಕೆ ಪರಿಪೂರ್ಣ ಸಂಯೋಜನೆಯಾಗಿದೆ.
ಎಗ್ ಶೇಕ್:
ಹಸಿ ಮೊಟ್ಟೆಗಳನ್ನು ತಿನ್ನುವುದರಿಂದ ಸಾಲ್ಮನೆಲ್ಲಾ ಸೋಂಕಿನ ಅಪಾಯ ಉಂಟಾಗಬಹುದಾದರೂ, ಹಸಿಮೊಟ್ಟೆ, ಆವಕಾಡೊಗಳು, ಬಾಳೆಹಣ್ಣುಗಳು ಮತ್ತು ಜೇನುತುಪ್ಪದೊಂದಿಗೆ ಪ್ರೋಟೀನ್ ಶೇಕ್ ಮಾಡಬಹುದಾಗಿದೆ.
ಸ್ಟ್ರಾಬೆರಿ ಮತ್ತು ಸೋಯಾ ಶೇಕ್:
ವಿಟಮಿನ್ ಸಿ ಹಾಗೂ ಪ್ರೋಟೀನ್ಗಳಿಂದ ತುಂಬಿರುವ ಸ್ಟ್ರಾಬೆರಿಗಳು ಹಾಗೂ ಸೋಯಾ ಸೇರಿಸಿ ರುಚಿಕರವಾದ, ಪೌಷ್ಟಿಕಾಂಶಯುತ ಪ್ರೋಟೀನ್ ಶೇಕ್ ಮಾಡಬಹುದು.
ಇದನ್ನೂ ಓದಿ: ಗಂಗಾಧರ ಅಜ್ಜನ ಹೆಸರಿನಲ್ಲಿ ಡಿಸಿಎಂ ಆಗಿ ಪ್ರಮಾಣವಚನ ಸ್ವೀಕರಿಸಿದ ಡಿ.ಕೆ.ಶಿವಕುಮಾರ್
ಪಾಲಕ್ ಮತ್ತು ಪನೀರ್ ಶೇಕ್:
ಪಾಲಕ್ ಮತ್ತು ಪನೀರ್ ಒಟ್ಟಿಗೆ ಬೆರೆಸಿದ ಪ್ರೋಟೀನ್ ಶೇಕ್ ದೇಹಕ್ಕೆ ಅಗತ್ಯವಾದ ಕಬ್ಬಿಣ, ಫೈಬರ್, ಕೊಬ್ಬು ಮತ್ತು ಕ್ಯಾಲ್ಸಿಯಂ ನೀಡುತ್ತದೆ.
ಬಾಳೆಹಣ್ಣು-ಬಾದಾಮಿ ಶೇಕ್:
ಬಾಳೆಹಣ್ಣುಗಳು ಪೊಟ್ಯಾಸಿಯಮ್ ಭರಿತವಾಗಿದ್ದು, ಬಾದಾಮಿಯು ಉತ್ತಮ ಪ್ರೋಟೀನ್, ಮತ್ತು ಕೊಬ್ಬು ಹೊಂದಿದೆ. ಇವೆರಡನ್ನು ಹಾಲು ಮತ್ತು ಮೊಸರಿನೊಂದಿಗೆ ಸೇರಿಸಿ ಪ್ರೋಟೀನ್ ಶೇಕ್ ಮಾಡಬಹುದು.(ಏಜೆನ್ಸೀಸ್)