ತಮ್ಮನನ್ನು ಸ್ನಾನದ ಕೋಣೆಯಲ್ಲಿ ಕೂಡಿಹಾಕಿ ನೇಣಿಗೆ ಕೊರಳೊಡ್ಡಿದ ಅಕ್ಕ!

ಬೆಂಗಳೂರು: 8 ವರ್ಷದ ತಮ್ಮನನ್ನು ಸ್ನಾದ ಕೊಠಡಿಯೊಳಕ್ಕೆ ನೂಕಿ ಹೊರಗಿನಿಂದ ಬಾಗಿಲು ಹಾಕಿಕೊಂಡ ಅಕ್ಕ, ನೇಣಿಗೆ ಕೊರಳೊಡ್ಡಿ ಮೃತಪಟ್ಟಿದ್ದಾಳೆ.

ಮುನೇಶ್ವರ ಬ್ಲಾಕ್‌ನ ಮಹಾಲಕ್ಷ್ಮೀ (16) ಮೃತ ದುರ್ದೈವಿ. ಗಾಂಧಿ ಬಜಾರಿನ ಬಟ್ಟೆ ಅಂಗಡಿಯಲ್ಲಿ ಮಹಾಲಕ್ಷ್ಮೀ ಕೆಲಸ ಮಾಡುತ್ತಿದ್ದಳು. ತಾಯಿ ಕಾಮಾಕ್ಷಿ ಮನೆಗೆಲಸಕ್ಕೆ ಹೋಗುತ್ತಿದ್ದರು. ತಾಯಿ ಮತ್ತು ತಮ್ಮನೊಂದಿಗೆ ವಾಸವಿದ್ದ ಬಾಲಕಿ ಮಹಾಲಕ್ಷ್ಮೀ, ಸಣ್ಣಪುಟ್ಟ ವಿಚಾರಕ್ಕೆ ಮಹಾಲಕ್ಷ್ಮೀ ಕೋಪಗೊಳ್ಳುತ್ತಿದ್ದಳು. ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ತಾಯಿ, ಮಗಳಿಗೆ ಬುದ್ಧಿ ಮಾತು ಹೇಳಿದ್ದಳು.

ಭಾನುವಾರ ಸಹ ಮನೆಯಲ್ಲಿ ಕೆಲಸ ಮಾಡುವ ವಿಚಾರವಾಗಿ ತಾಯಿ-ಮಗಳ ನಡುವೆ ಮಾತಿನ ಚಕಮಕಿ ನಡೆದಿದೆ. ಮಗಳಿಗೆ ಬೈದು ಕಾಮಾಕ್ಷಿ ಹೊರ ಹೋಗಿದ್ದರು. ಬೇಸರಗೊಂಡ ಮಹಾಲಕ್ಷ್ಮೀ, ತಮ್ಮನ್ನು ಬಲವಂತವಾಗಿ ಸ್ನಾನದ ಮನೆಯಲ್ಲಿ ಕೂಡಿ ಹಾಕಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸ್ನಾನಗೃಹದಲ್ಲಿ ಬಾಲಕನನ್ನು ಅಕ್ಕ ಕೂಡಿಹಾಕುತ್ತಿದ್ದಂತೆ ಆತ ಚೀರಾಡಿದ್ದಾನೆ. ಈ ಶಬ್ದ ಕೇಳಿ ನೆರೆ ಹೊರೆಯರು ಮನೆಗೆ ಬಂದಾಗ ಘಟನೆ ಗೊತ್ತಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

https://www.vijayavani.net/sister-life-woman-murder-accused-arrest/

https://www.vijayavani.net/mumbai-crime-bus-conductor-was-arrested/