ಮುಂಬೈ: ಎರಡು ವರ್ಷಗಳ ಹಿಂದೆ ಐದು ವರ್ಷದ ಬಾಲಕನ ಮೇಲೆ ಲೈಂಗಿಕ ಕಿರುಕುಳ ನೀಡಿದ್ದ 58 ವರ್ಷದ ವ್ಯಕ್ತಿಗೆ ಇದೀಗ ನ್ಯಾಯಾಲಯ ಶಿಕ್ಷೆ ವಿಧಿಸಿದೆ. 10 ವರ್ಷಗಳ ಜೈಲುಶಿಕ್ಷೆಯನ್ನು ಅಪರಾಧಿಗೆ ನೀಡಲಾಗಿದೆ.
2018ರ ಏಪ್ರಿಲ್ 4ರಂದು ಮುಂಬೈನಲ್ಲಿ ಒಬ್ಬ ಬಾಲಕ ತನ್ನ ಮನೆಯ ಹೊರಗೆ ಆಟವಾಡುತ್ತಿದ್ದ. ಆ ಸಮಯಕ್ಕೆ ಅಲ್ಲಿಗೆ ಬಂದ ಬಾಲಕನ ನೆರೆ ಮನೆಯ ವ್ಯಕ್ತಿ, ಮೊಹಮ್ಮದ್ ಖಾತಿರ್ ಶೇಖ್ ಬಾಲಕನಿಗೆ 2 ರೂಪಾಯಿ ಕೊಟ್ಟು, ಗುಡಿಸಲೊಂದಕ್ಕೆ ಕರೆದುಕೊಂಡು ಹೋಗಿದ್ದಾನೆ. ಅಲ್ಲಿ ಬಾಲಕನನ್ನು ಮಲಗಿಸಿ, ಅವನ ಒಳಉಡುಪನ್ನು ತೆಗೆದಿದ್ದಾನೆ. ನಂತರ ಆತನ ಗುಪ್ತಾಂಗವನ್ನು ಮುಟ್ಟಿ ಹಸ್ತಮೈಥುನ ಮಾಡಿಕೊಂಡಿದ್ದಾನೆ. ಈ ದೃಶ್ಯವನ್ನು ಕಂಡು ಭಯಗೊಂಡ ಬಾಲಕ ಮನೆಗೆ ಓಡಿಬಂದಿದ್ದಾನೆ. ಏನಾಯಿತೆಂದು ಅಮ್ಮ ಕೇಳಿದರೆ ಅದಕ್ಕೆ ಉತ್ತರಿಸದೆ, ಸೀದಾ ಕೋಣೆಗೆ ಹೋಗಿ ಕುಳಿತಿದ್ದಾನೆ. ತನ್ನ ಒಳಉಡುಪನ್ನು ತೆಗೆದು ಭಯದಿಂದ ಕುಳಿತಿದ್ದಾನೆ. ಇದನ್ನು ಕಂಡು ಗಾಬರಿಗೊಂಡ ತಾಯಿ ಮತ್ತೊಮ್ಮೆ ಪ್ರಶ್ನಿಸಿದಾಗ ನಡೆದ ದೃಶ್ಯವನ್ನು ವಿವರಿಸಿದ್ದಾನೆ.
ಮಗನಿಗೆ ಈ ರೀತಿ ಕಿರುಕುಳವಾಗಿರುವುದನ್ನು ಕೇಳಿದಾಕ್ಷಣ ತಾಯಿ ಸೀದಾ ಆರೋಪಿಯ ಮನೆಗೆ ತೆರಳಿ ಪ್ರಶ್ನಿಸಿದ್ದಾಳೆ. ಆಗ ತನ್ನ ತಪ್ಪನ್ನು ಒಪ್ಪಿಕೊಂಡ ಆತ, ಇದು ನಾನು ಮಾಡಿದ್ದಲ್ಲ, ನನ್ನ ಕೈಲಿ ಯಾವುದೋ ದೆವ್ವ ಮಾಡಿಸಿದ್ದು ಎಂದು ನಾಟಕವಾಡಿದ್ದಾನೆ. ಈ ಕುರಿತಾಗಿ ಬಾಲಕನ ಕುಟುಂಬ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದು, ಇದೀಗ ಪ್ರಕರಣದ ತೀರ್ಪನ್ನು ನ್ಯಾಯಾಲಯ ನೀಡಿದೆ.
ಅಪರಾಧಿ ಎಂದು ಸಾಬೀತಾಗಿರುವ ಖಾತಿರ್ ಶೇಖ್ಗೆ ಮದುವೆಯಾಗಿ ಐವರು ಹೆಣ್ಣು ಮಕ್ಕಳಿದ್ದಾರೆ. ಅದರಲ್ಲಿ ಮೂವರ ಮದುವೆಯಾಗಿದೆ. ಉಳಿದ ಇಬ್ಬರು ಹೆಣ್ಣು ಮಕ್ಕಳೊಂದಿಗೆ ಆತನ ಹೆಂಡತಿ ಬೇರೆ ಊರಲ್ಲಿ ಜೀವನ ನಡೆಸುತ್ತಿದ್ದಾಳೆ. ಆತನ ತಮ್ಮ ಕುರುಡನಾಗಿದ್ದು, ಅವನ ಜವಾಬ್ದಾರಿಯನ್ನೂ ಕುಟುಂಬವೇ ಹೊತ್ತಿದೆ. ಬಡ ಕುಟುಂಬವು ಖಾತಿರ್ನನ್ನೇ ನಂಬಿರುವುದರಿಂದಾಗಿ ನ್ಯಾಯಾಲಯ ಶಿಕ್ಷೆಯಲ್ಲಿ ವಿನಾಯಿತಿ ನೀಡಿದೆ. (ಏಜೆನ್ಸೀಸ್)
ಜ್ವಾಲಾಮುಖಿಯ ಭಯದಲ್ಲೇ ಬದುಕುತ್ತಿವೆ ಇಲ್ಲಿನ ಕುಟುಂಬಗಳು! ಅತ್ಯಂತ ಭಯ ತರಿಸುವ ಈ ದ್ವೀಪ ಯಾವುದು ಗೊತ್ತೇ?