ಆಜಾದ್ ಇಂಜಿನಿಯರಿಂಗ್ ಸಂಸ್ಥೆಯು ಐಪಿಒ ಬಿಡುಗಡೆ ಮಾಡುವ ಮೊದಲು, ಸ್ಟಾಕ್ ವಿಭಜನೆ ಮತ್ತು ಬೋನಸ್ ವಿತರಣೆಯ ನಂತರ, ತೆಂಡೂಲ್ಕರ್ ಅವರು ಪ್ರತಿ ಷೇರಿಗೆ ರೂ 114.1 ರ ಸರಾಸರಿ ಸ್ವಾಧೀನ ವೆಚ್ಚದಲ್ಲಿ 4,38,210 ಷೇರುಗಳನ್ನು ಪಡೆದಿದ್ದರು. ಈ ಸಂಸ್ಥೆಯು ಐಪಿಒ ಬಿಡುಗಡೆ ಮಾಡಿದರೂ ತೆಂಡೂಲ್ಕರ್ ತಮ್ಮ ಪಾಲನ್ನು ಹಿಂತೆಗೆದುಕೊಳ್ಳದೆ ಇರುವುದು ಜಾಣತನದ ನಡೆಯಾಯಿತು. 740 ಕೋಟಿ ರೂಪಾಯಿ ಮೊತ್ತದ ಈ ಐಪಿಒ, ಎನ್ಎಸ್ಇಯಲ್ಲಿ 720 ರೂಪಾಯಿಯಲ್ಲಿ ಪ್ರಾರಂಭವಾಯಿತು, 524 ರೂಪಾಯಿ ಇಶ್ಯೂ ಬೆಲೆಗಿಂತ 37.4% ಪ್ರೀಮಿಯಂ ಬೆಲೆ ಪಡೆಯಿತು. ಈ ಹಿನ್ನೆಲೆಯಲ್ಲಿ ತೆಂಡೂಲ್ಕರ್ ಅವರ ಆರಂಭಿಕ 5 ಕೋಟಿ ರೂಪಾಯಿ ಹೂಡಿಕೆಯ ಮೌಲ್ಯವು ಈಗ ರೂ 31.5 ಕೋಟಿ ರೂಪಾಯಿಗೆ ಏರಿದೆ.
