2,10,42,08,405... 210 ಕೋಟಿ ರೂ. ವಿದ್ಯುತ್ ಬಿಲ್​ ನೋಡಿ ವ್ಯಕ್ತಿ 'ಶಾಕ್​'! ತಲೆಕೆಡಿಸಿಕೊಂಡ ಕುಟುಂಬಸ್ಥರು | Electricity Bill

Electricity Bill: ಸಾಮಾನ್ಯವಾಗಿ ಪ್ರತಿಯೊಬ್ಬರ ಮನೆಯಲ್ಲೂ ಸಾವಿರ ರೂ.ಗಿಂತ ಕಡಿಮೆ ಇರುವ ವಿದ್ಯುತ್ ಬಿಲ್​ ಬರುತ್ತದೆ. ಆದರೆ, ಕೆಲವರ ಮನೆಗಳಲ್ಲಿ ಮಾತ್ರ ಭಾರೀ ಪ್ರಮಾಣದ ಎಲೆಕ್ಟ್ರಿಕ್ ವಸ್ತುಗಳ ಬಳಕೆಯಿಂದ ಹೆಚ್ಚುವರಿ ಕರೆಂಟ್​ ಬಿಲ್​ ಬರುತ್ತದೆ. ಆದರೆ, ಇಲ್ಲೊಬ್ಬರ ನಿವಾಸದಲ್ಲಿ ಸಾವಿರ ಗಡಿದಾಟಿ ಲಕ್ಷವನ್ನು ಹಿಂದಿಕ್ಕಿ ಕೋಟಿ ರೂ.ನಲ್ಲಿ ಮುದ್ರಣಗೊಂಡ ವಿದ್ಯುತ್​ ಬಿಲ್​ ಸದ್ಯ ನೆಟ್ಟಿಗರ ಹುಬ್ಬೇರಿಸಿದೆ ಹಾಗೂ ನಿಬ್ಬೆರಗಾಗಿಸಿದೆ.

ಇದನ್ನೂ ಓದಿ: Darshan Puttannaiah | ವಾರ್ಡನ್​ಗೆ ಶಾಸಕ Darshan ಫುಲ್ ಕ್ಲಾಸ್, ವಿಡಿಯೋ ವೈರಲ್

ಲಲಿತ್ ಧಿಮಾನ್

210 ಕೋಟಿ ರೂ. ವಿದ್ಯುತ್ ಬಿಲ್​ ಪಡೆದ ವ್ಯಕ್ತಿಯನ್ನು ಹಿಮಾಚಲ ಪ್ರದೇಶದ ಹಮೀರ್‌ಪುರದ ನಿವಾಸಿ ಲಲಿತ್ ಧಿಮಾನ್ ಎಂದು ಹೇಳಲಾಗಿದೆ. ಸಣ್ಣ ಪ್ರಮಾಣದ ಕಾಂಕ್ರೀಟ್ ವ್ಯವಹಾರವನ್ನು ನೋಡಿಕೊಂಡು ಸಾಧಾರಣ ಜೀವನವನ್ನು ಸಾಗಿಸುತ್ತಿದ್ದ ಧಿಮಾನ್​, ಕೋಟಿ ರೂ. ಬಿಲ್ ನೋಡಿ ಅಕ್ಷರಶಃ ಕಂಗಾಲಾಗಿದ್ದಾರೆ. ಬಿಲ್​ನ ಒಟ್ಟು ಮೊತ್ತ 2,10,42,08,405 (210 ಕೋಟಿ ರೂ.) ಆಗಿದ್ದು, ಇಷ್ಟು ದೊಡ್ಡ ಬಿಲ್ ಬರಲು ಹಿಂದಿರುವ ಕಾರಣವೇನು ಎಂದು ಲಲಿತ್​ರ ಕುಟುಂಬಸ್ಥರು ಪ್ರಶ್ನಿಸಿದ್ದಾರೆ.

ಮೀಟರ್​ ರೀಡಿಂಗ್ ಸಮಸ್ಯೆ

ದಿಗ್ಭ್ರಮೆಗೊಳಿಸಿದ ಬಿಲ್ ಕಂಡ ತಕ್ಷಣವೇ ಅಧಿಕಾರಿಗಳನ್ನು ಸಂಪರ್ಕಿಸಿದ ಲಲಿತ್​, 210 ಕೋಟಿ ರೂ. ಮೊತ್ತದ ಬಿಲ್ ಬರುವಷ್ಟು ಕರೆಂಟ್ ನಮ್ಮ ಮನೆಯಲ್ಲಿ ಯಾರೂ ಕೂಡ ಉಪಯೋಗಿಸಲ್ಲ. ಕೋಟಿ ರೂ.ನಷ್ಟು ಬಿಲ್​ ತೋರಿಸುವ ಮೀಟರ್​ ರೀಡಿಂಗ್​ ಯಾವುದು ಎಂದೆಲ್ಲಾ ಅಧಿಕಾರಿಗಳನ್ನು ಪ್ರಶ್ನಿಸಿದ್ದಾರೆ. ಬಿಲ್​ನ ಪರಿಶೀಲಿಸಿ ಉತ್ತರಿಸಿದ ಅಧಿಕಾರಿಗಳು, ಇದು ತಾಂತ್ರಿಕ ದೋಷದಿಂದ ಬಂದಿರುವ ಬಿಲ್ ಎಂಬುದನ್ನು ಸ್ಪಷ್ಟಪಡಿಸಿ, ಸರಿಯಾದ ರೀಡಿಂಗ್ ನೋಡಿ ಹೊಸ ಬಿಲ್​ ಅನ್ನು ಹಸ್ತಾಂತರಿಸಿದ್ದಾರೆ.

ಲಲಿತ್ ಅವರ 210 ಕೋಟಿ ರೂ. ಬಿಲ್ ಸಮಸ್ಯೆಯನ್ನು ಬಗೆಹರಿಸಿದ ವಿದ್ಯುತ್ ಇಲಾಖೆಯು, ಅದರಲ್ಲಿನ ಸಂಖ್ಯೆಯನ್ನು 4,047 ರೂ.ಗೆ ಇಳಿಸಿ, ಪಾವತಿ ಮಾಡುವಂತೆ ತಿಳಿಸಿದೆ,(ಏಜೆನ್ಸೀಸ್).

https://www.vijayavani.net/kiran-kumar-questions-govt-over-freebies