ಸೌದಿ ಅರೇಬಿಯಾದಲ್ಲಿ ದುರಂತ ಸಾವಿಗೀಡಾದ ಕೇರಳ ಮೂಲದ ಇಬ್ಬರು ನರ್ಸ್​..!

ಟೈಫ್​: ಮಿನಿಬಸ್​ ಕಂದಕಕ್ಕೆ ಉರುಬಿದ್ದ ಪರಿಣಾಮ ಕೇರಳ ಮೂಲದ ಇಬ್ಬರು ನರ್ಸ್​ ದಾರುಣವಾಗಿ ಮೃತಪಟ್ಟಿರುವ ಘಟನೆ ಸೌದಿ ಅರೇಬಿಯಾದ ತೈಫ್​ನಲ್ಲಿ ನಡೆದಿದೆ.

ಮೃತರನ್ನು ಕೇರಳದ ವೈಕೊಮ್​ ವಂಚಿಯೂರ್​ ನಿವಾಸಿ ಅಖಿಲಾ (29) ಮತ್ತು ಕೊಲ್ಲಂ ನಿವಾಸಿ ಸುಬಿ (33) ಎಂದು ಗುರುತಿಸಲಾಗಿದೆ. ರಿಯಾದ್​ನಿಂದ ಜೆದ್ದಾಗೆ ಪ್ರಯಾಣ ಬೆಳೆಸಿದ್ದ ಮಿನಿಬಸ್​ ಚಾಲಕನ ನಿಯಂತ್ರಣ ಕಳೆದುಕೊಂಡು ರಸ್ತೆ ಪಕ್ಕದ ಕಂದಕಕ್ಕೆ ಉರುಳಿ ದುರ್ಘಟನೆ ಸಂಭವಿಸಿದೆ.

ಇದನ್ನೂ ಓದಿರಿ: ಕಾಲೇಜು ಪ್ರಿಯಕರನ ನಂಬಿ ಗಂಡನಿಂದ ವಿಚ್ಛೇದನ ಪಡೆದ ಮಹಿಳೆಗೆ ಕಾದಿತ್ತು ಬಿಗ್​ ಶಾಕ್​!

ರಿಯಾದ್​ನಲ್ಲಿ ತಮ್ಮ ಕ್ವಾರಂಟೈನ್​ ಪೂರ್ಣಗೊಳಿಸಿ ಜೆದ್ದಾದಲ್ಲಿರುವ ವಸತಿ ನಿಲಯಕ್ಕೆ ನರ್ಸ್​ಗಳು ತೆರಳುವಾಗ ಅಪಘಾತ ನಡೆದಿದೆ. ಕೇರಳದ ಇನ್ನಿಬ್ಬರು ನರ್ಸ್​ಗಳಾದ ಆ್ಯನ್ಸಿ ಮತ್ತು ಪ್ರಿಯಾಂಕಾ ಗಂಭೀರವಾಗಿ ಗಾಯಗೊಂಡಿದ್ದು, ತೈಫ್​ನ ಕಿಂಗ್​ ಫೈಸಲ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಅಪಘಾತವು ಭಾನುವಾರ ಸಂಜೆ 4.30ರ ಸುಮಾರಿಗೆ ಸಂಭವಿಸಿದೆ. ಮಿನಿಬಸ್​ ಚಾಲಕ ನಿದ್ರೆಗೆ ಜಾರಿದರಿಂದ ಈ ಅವಘಡ ಸಂಭವಿಸಿದೆ ಎಂದು ಹೇಳಲಾಗಿದೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/bbk8-change-bigg-boss-kannada-season-8-timings-public-demand-colors-kannada/

https://www.vijayavani.net/20-up-policemen-caught-without-tickets-in-train/

https://www.vijayavani.net/sadhu-kokila-directing-cinema-after-5-years/