ಮೈಕ್ರೋಸಾಫ್ಟ್​​ ಸರ್ವರ್​​ ಡೌನ್​; 192 ಇಂಡಿಗೋ ವಿಮಾನ ಹಾರಾಟ ರದ್ದು, ಸದ್ಯಕ್ಕಿಲ್ಲ ಮರುಪಾವತಿ ಮತ್ತು ಮರು-ಬುಕಿಂಗ್

ನವದೆಹಲಿ: ಮೈಕ್ರೋಸಾಫ್ಟ್ ಸರ್ವರ್‌ನಲ್ಲಿನ ತಾಂತ್ರಿಕ ದೋಷದಿಂದಾಗಿ ಅನೇಕ ರೀತಿಯ ಸೇವೆಗಳ ಮೇಲೆ ವ್ಯತಿರಿಕ್ತ ಪರಿಣಾಮ ಉಂಟಾಗಿದೆ. ಇದು ವಿಮಾನಯಾನ ಸಂಸ್ಥೆಗಳು ಹೆಚ್ಚು ಪರಿಣಾಮ ಬೀರಿದೆ. ಸರ್ವರ್ ಸ್ಥಗಿತಗೊಂಡಿದ್ದರಿಂದ ಪ್ರಯಾಣಿಕರ ತಪಾಸಣೆಗೆ ತೊಂದರೆ ಅನುಭವಿಸಬೇಕಾಯಿತು. ಇದಲ್ಲದೇ ವಿಮಾನದ ಕಾರ್ಯಾಚರಣೆಗೆ ಸಮಸ್ಯೆ ಎದುರಾದವು.

ಇದನ್ನು ಓದಿ: ಬಾಂಗ್ಲಾ ಹಿಂಸಾತ್ಮಕ ಪ್ರತಿಭಟನೆಯಲ್ಲಿ 39ಮಂದಿ ಮೃತ; ಹೊರಬಾರದಂತೆ ಭಾರತೀಯರಿಗೆ MEA ಮನವಿ

ಇದರಿಂದಾಗಿ ಭಾರತೀಯ ವಿಮಾನಯಾನ ಸಂಸ್ಥೆ ಇಂಡಿಗೋ 192 ವಿಮಾನಗಳನ್ನು ರದ್ದುಗೊಳಿಸಿದೆ ಮತ್ತು ಎಲ್ಲಾ ವಿಮಾನಗಳ ಪಟ್ಟಿಯನ್ನು ಹಂಚಿಕೊಂಡಿದೆ. ಮೈಕ್ರೋಸಾಫ್ಟ್‌ನ ಸರ್ವರ್‌ನಲ್ಲಿನ ದೋಷವು ತಮ್ಮ ನಿಯಂತ್ರಣದಲ್ಲಿಲ್ಲ ಎಂದು ಇಂಡಿಗೋ ಹೇಳಿದೆ. ಇದರಿಂದಾಗಿ ಅವರು ಅನೇಕ ವಿಮಾನಗಳನ್ನು ರದ್ದುಗೊಳಿಸಬೇಕಾಯಿತು. ಪ್ರಸ್ತುತ, ಮರುಪಾವತಿ ಅಥವಾ ವಿಮಾನವನ್ನು ಮರು-ಬುಕ್ ಮಾಡುವ ಆಯ್ಕೆಯು ಲಭ್ಯವಿಲ್ಲ. ಮೈಕ್ರೋಸಾಫ್ಟ್ ಸರ್ವರ್ ಸಮಸ್ಯೆಯನ್ನು ಪರಿಹರಿಸಿದ ನಂತರವೇ ಪ್ರಯಾಣಿಕರು ಮರುಪಾವತಿ ಮತ್ತು ಮರು-ಬುಕಿಂಗ್ ಆಯ್ಕೆಯನ್ನು ಪಡೆಯುತ್ತಾರೆ ಎಂದು ಕಂಪನಿ ಸ್ಪಷ್ಟಪಡಿಸಿದೆ. ಸಾಮಾಜಿಕ ಜಾಲತಾಣದ ಎಕ್ಸ್​ ಖಾತೆಯಲ್ಲಿ ಹೆಚ್ಚಿನ ಮಾಹಿತಿಗೆ https://bit.ly/4d5dUcZ. ಈ ವೆಬ್​ಸೈಟ್​ಗೆ ಭೇಟಿ ನೀಡಿ ಎಂದು ಪೋಸ್ಟ್​​ ಮಾಡಿದೆ.

ಅಲ್ಲದೆ ನಾವು ಮೈಕ್ರೋಸಾಫ್ಟ್ ಅಜೂರ್‌ನೊಂದಿಗೆ ನೆಟ್‌ವರ್ಕ್-ವ್ಯಾಪಿ ಸಮಸ್ಯೆಯನ್ನು ಎದುರಿಸುತ್ತಿದ್ದೇವೆ. ಇದು ವಿಮಾನ ನಿಲ್ದಾಣಗಳಲ್ಲಿ ವಿಳಂಬವನ್ನು ಉಂಟುಮಾಡುತ್ತಿದೆ. ಪ್ರಯಾಣಿಕರಿಗೆ ಚೆಕ್-ಇನ್ ನಿಧಾನವಾಗಬಹುದು ಮತ್ತು ಸರತಿ ಸಾಲುಗಳು ದೀರ್ಘವಾಗಿರಬಹುದು. ಇದನ್ನು ಪರಿಹರಿಸಲು ನಮ್ಮ ಡಿಜಿಟಲ್ ತಂಡವು ಮೈಕ್ರೋಸಾಫ್ಟ್​​ನೊಂದಿಗೆ ಕಾರ್ಯನಿರ್ವಹಿಸುತ್ತಿದೆ. ದಯವಿಟ್ಟು ಸಹಾಯಕ್ಕಾಗಿ ನಮ್ಮ ತಂಡವನ್ನು ಸಂಪರ್ಕಿಸಿ ಎಂದು ಹೇಳಿದೆ.(ಏಜೆನ್ಸೀಸ್​​)