ನಿಯಂತ್ರಣ ತಪ್ಪಿ ಕಂದಕಕ್ಕೆ ಉರುಳಿದ ಲಾರಿ; 17 ಮಂದಿ ಸಾವು, 40ಕ್ಕೂ ಅಧಿಕ ಮಂದಿ ಗಂಭೀರ

ನವದೆಹಲಿ: ಯಾತ್ರಿಕರನ್ನು ಹೊತ್ತೊಯ್ಯುತ್ತಿದ್ದ ಲಾರಿಯೊಂದು ಚಾಲಕನ ನಿಯಂತ್ರಣ ತಪ್ಪಿ 17 ಮಂದಿ ಮೃತಪಟ್ಟು, 40ಕ್ಕೂ ಅಧಿಕ ಮಂದಿ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಪಾಕಿಸ್ತಾನದ ಸಿಂಧ್‌ ಮತ್ತು ಬಲೂಚಿಸ್ತಾನ್ ಪ್ರಾಂತ್ಯಗಳ ಗಡಿ ಭಾಗದಲ್ಲಿ ನಡೆದಿದೆ.

ರಂಜಾನ್​ ಹಬ್ಬದ ಪ್ರಯುಕ್ತ ಬಲೂಚಿಸ್ತಾನದ ಖುಜ್ದಾರ್ ಜಿಲ್ಲೆಯಲ್ಲಿರುವ ಸೂಫಿ ಸಂತ ಷಾ ನೂರಾನಿ ದರ್ಗಾಕ್ಕೆ ಯಾತ್ರಾರ್ಥಿಗಳು ತೆರಳುತ್ತಿದ್ದಾಗ, ಹಬ್ ಪಟ್ಟಣದ ಬಳಿಯಿರುವ ಪ್ರಪಾತಕ್ಕೆ ಚಾಲಕನ ನಿಯಂತ್ರಣ ತಪ್ಪಿ ಲಾರಿ ಉರುಳಿದ ಪರಿಣಾಮ ದುರ್ಘಟನೆ ಸಂಭವಿಸಿದೆ ಎಂದು ವರದಿಯಾಗಿದೆ

ಈ ಕುರಿತು ಪ್ರತಿಕ್ರಿಯಿಸಿರುವ ಸಚಿವ ಮೊಹ್ಸಿನ್​ ನಖ್ವಿ, ಲಾರಿಯಲ್ಲಿದ್ದ ಯಾತ್ರಿಗಳು ಸಿಂಧ್ ಪ್ರಾಂತ್ಯದ ತಟ್ಟಾ ಪಟ್ಟಣಕ್ಕೆ ಸೇರಿದವರು ಎಂದು ತಿಳಿದು ಬಂದಿದೆ. ಈದ್​ ಪ್ರಯುಕ್ತ ಶಾ ನೂರಾನಿ ದರ್ಗಾಕ್ಕೆತೆರಳುರತ್ತಿದ್ದ ವೇಳೆ ದುರ್ಘಟನೆ ಸಂಭವಿಸಿದ್ದು, ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೃತರ ಗುರುತು ಪತ್ತೆಯಾಗಿದ್ದು, ಎಲ್ಲರೂ ಒಂದೇ ಕುಟುಂಬಕ್ಕೆ ಸೇರಿದವರು ಎಂದು ತಿಳಿದು ಬಂದಿದ್ದು, ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಗಿದೆ ಎಂದು ಸಚಿವ ನಖ್ವಿ ತಿಳಿಸಿದ್ದಾರೆ.

https://www.vijayavani.net/rcb-to-come-up-with-changes-for-match-against-mumbai-indians

https://www.vijayavani.net/telangana-cm-revanth-reddy-will-jump-ship-to-bjp-brs-leader-ktrs-sensational-claim

https://www.vijayavani.net/three-killed-in-bus-car-accident-in-shivamogga-and-davangere