ಬೆಂಗಳೂರು: ಹೊಸ ವರ್ಷದ ಆಚರಣೆಗಾಗಿ ‘ಡ್ಯಾಶ್’ ಎಂಬ ಹಾಡನ್ನು ಆತುರಾತುರವಾಗಿ ಮಾಡಿ ಬಿಡುಗಡೆ ಮಾಡಿದ್ದರು ಗಾಯಕ, ಸಂಗೀತ ನಿರ್ದೇಶಕ ಕಂ ನಾಯಕ ಚಂದನ್ ಶೆಟ್ಟಿ. ಆ ಹಾಡಿಗೆ ಈಗ ಜನರಿಂದ ಮೆಚ್ಚುಗೆ ಸಿಕ್ಕಿದ್ದು, ಯೂಟ್ಯೂಬ್ನಲ್ಲಿ ಒಂದು ಕೋಟಿ ವೀಕ್ಷಣೆ ಕಂಡಿದೆಯಂತೆ.
ಇದನ್ನೂ ಓದಿ: ‘ರೊಲೆಕ್ಸ್’ ಕಟ್ಟಿಕೊಂಡು ಸೋನಲ್ ಜತೆಗೆ ಚಿತ್ರೀಕರಣಕ್ಕೆ ಹೊರಟರು ಕೋಮಲ್ …
‘ಡ್ಯಾಶ್’ ಹಾಡು ಮೂಲತಃ ‘ಸೂತ್ರಧಾರಿ’ ಚಿತ್ರಕ್ಕಾಗಿ ಮಾಡಿದ್ದು, ಈ ಚಿತ್ರವನ್ನು ನವರಸನ್ ನಿರ್ಮಿಸುತ್ತಿದ್ದು, ಕಿರಣ್ ಕುಮಾರ್ ನಿರ್ದೇಶನ ಮಾಡುತ್ತಿದ್ದಾರೆ. ಚಂದನ್ ಶೆಟ್ಟಿ ಈ ಹಾಡಿಗೆ ಸಂಗೀತ ಸಂಯೋಜಿಸಿ, ಹಾಡಿರುವುದಷ್ಟೇ ಅಲ್ಲ, ಈ ಹಾಡಿನಲ್ಲೂ ಕಾಣಿಸಿಕೊಂಡಿದ್ದಾರೆ. ಇನ್ನು, ಅವರೊಂದಿಗೆ ಸಂಜನಾ ಆನಂದ್ ಸಹ ಕಾಣಿಸಿಕೊಂಡಿದ್ದಾರೆ.
‘ಡ್ಯಾಶ್’ ಹಾಡಿಗೆ 10 ಮಿಲಿಯನ್ ವ್ಯೂಸ್ ಸಿಕ್ಕಿರುವುದು ಚಂದನ್ ಶೆಟ್ಟಿಗೆ ಫುಲ್ ಖುಷಿಯಾಗಿದೆಯಂತೆ. ಈ ಸಂಭ್ರಮವನ್ನು ಕೇಕ್ ಕಟ್ ಮಾಡುವ ಮೂಲಕ ‘ಸೂತ್ರಧಾರಿ’ ಚಿತ್ರತಂಡ ಸಂಭ್ರಮಿಸಿತು. ಈ ಸಂದರ್ಭದಲ್ಲಿ ಮಾತನಾಡಿರುವ ಚಂದನ್ ಶೆಟ್ಟಿ, ಮೂರು ವಾರಗಳಲ್ಲೇ ಒಂದು ಕೋಟಿ ವೀಕ್ಷಣೆ ಆಗಿರುವುದು ಬಹಳ ಖುಷಿಯ ವಿಚಾರ ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಕಮಿಷನರ್ ಆಗಿ ಬಡ್ತಿ ಪಡೆದ ಮಾಲಾಶ್ರೀ; ‘ಕೆಂಡದ ಸೆರಗು’ ಟೀಸರ್ ರಿಲೀಸ್
ತಮ್ಮ ಮೊದಲ ಸ್ಪೆಷಲ್ ಹಾಡಿನ ಕುರಿತು ಮಾತನಾಡುವ ಸಂಜನಾ ಆನಂದ್, ‘ನಿರ್ಮಾಪಕರಿಗೆ ಹಾಡು ಚೆನ್ನಾಗಿ ಬರಬೇಕು ಸಾರ್ ಎಂದು ಮೊದಲೇ ಹೇಳಿದ್ದೆ. ಏಕೆಂದರೆ, ಇದೇ ಮೊದಲಬಾರಿ ನಾನು ಬೇರೆ ಸಿನಿಮಾವೊಂದರ ಹಾಡಿನಲ್ಲಿ ನಟಿಸುತ್ತಿದ್ದೇನೆ. ಈ ಗೀತೆಯಲ್ಲಿ ನಾನಿರುವುದು ಖುಷಿಯಾಗಿದೆ’ ಎನ್ನುತ್ತಾರೆ ಸಂಜನಾ.