HMPV Virus: 2020ರಲ್ಲಿ ಇಡೀ ಜಗತ್ತನ್ನೇ ಕಾಡಿದ್ದ ಮಹಾಮಾರಿ ಕರೊನಾ ವೈರಸ್, ಜನರ ಕೆಲಸ, ನೆಮ್ಮದಿ, ಖುಷಿಯನ್ನು ಮಾತ್ರ ಕಸಿಯದೆ, ಜೀವವನ್ನು ಬಲಿ ಪಡೆಯಿತು. ನಾಲ್ಕೈದು ವರ್ಷಗಳ ಹಿಂದೆ ನರಕ ತೋರಿಸಿದ್ದು ಎಲ್ಲರಿಗೂ ಗೊತ್ತೇ ಇದೆ. ಇಂಥದ್ದೊಂದು ಭೀಕರ ಪರಿಸ್ಥಿತಿ ಮುಂದೆಂದೂ ಬಾರದಿರಲಿ ಎಂದು ಕೈಮುಗಿದಿದ್ದ ಜನರಿಗೆ ಇದೀಗ ಚೀನಾದಲ್ಲಿ ಪತ್ತೆಯಾದ ಮತ್ತೊಂದು ಸಾಂಕ್ರಾಮಿಕ ವೈರಸ್ ಭಾರೀ ಭೀತಿಯನ್ನು ತಂದೊಡ್ಡಿದೆ.
ಇದನ್ನೂ ಓದಿ: ಬಸ್ ದರ ಏರಿಕೆ-ಭ್ರಷ್ಟಾಚಾರದ ವಿರುದ್ಧ ಪ್ರತಿಭಟನೆ, ಬಿಜೆಪಿಯಿಂದ ರಾಜ್ಯಪಾಲರಿಗೆ ಮನವಿ, ರಾಜ್ಯ ಸರ್ಕಾರದ ವಿರುದ್ಧ ಆಕ್ರೋಶ
HMPV- ಹ್ಯೂಮನ್ ಮೆಟಾಪ್ನ್ಯೂಮೋ ವೈರಸ್ ಎಂದು ಕರೆಯಲಾದ ಈ ವೈರಸ್, ಪಸ್ತುತ ಚೀನಾದಲ್ಲಿ ವ್ಯಾಪಕವಾಗಿ ಹರಡುತ್ತಿರುವುದು ಸದ್ಯ ಜನಸಾಮಾನ್ಯರ ತೀವ್ರ ಕಳವಳಕ್ಕೆ ಕಾರಣವಾಗಿದೆ. ಈ ಸೋಂಕಿನ ವೇಗದ ಹಬ್ಬುವಿಕೆಗೆ ಈಗಾಗಲೇ ಚೀನಾದ ಆಸ್ಪತ್ರೆ ಮತ್ತು ಸ್ಮಶಾನಗಳಲ್ಲಿ ಜಾಗವೇ ಸಿಗದಂತ ಸನ್ನಿವೇಶಕ್ಕೆ ದೂಡಿರುವುದು ತೀರ ಆತಂಕಕಾರಿಯಾಗಿದೆ. ಈ ಸುದ್ದಿ ಭಾರತೀಯರಿಗೆ ತಿಳಿದು ಇನ್ನೂ ಒಂದೆರೆಡು ದಿನವೂ ಸರಿಯಾಗಿ ಕಳೆದಿಲ್ಲ. ಅಷ್ಟರೊಳಗೆ ಭಾರತದಲ್ಲಿ ಒಟ್ಟು ಮೂರು ಪ್ರಕರಣಗಳು ಪತ್ತೆಯಾಗಿವೆ.
ಭಯದ ಭೀತಿ ಬೇಡ
ಕರ್ನಾಟಕದಲ್ಲಿ ಎಚ್ಎಂಪಿವಿ ವೈರಸ್ ಸೋಂಕಿತರು ಇಬ್ಬರಿದ್ದು, ಇದು ರಾಜ್ಯದ ಜನರಲ್ಲಿ ಭಾರೀ ಆತಂಕ ಸೃಷ್ಟಿಸಿದೆ. ಈ ವಿಚಾರಕ್ಕೆ ಪ್ರತಿಕ್ರಿಯಿಸಿರುವ ವೈದ್ಯಕೀಯ ತಜ್ಞರು, ಇಲ್ಲಿ ಯಾರೂ ಸಹ ಭಯಭೀತರಾಗಬೇಡಿ ಮತ್ತು ಹೆಚ್ಚು ಚಿಂತಿಸಬೇಡಿ. ಗಾಬರಿಗೊಳ್ಳುವ ಬದಲಿಗೆ ಮುಂಜಾಗ್ರತಾ ಕ್ರಮಗಳನ್ನು ಅನುಸರಿಸಿ, ಜಾಗರೂಕರಾಗಿರಿ ಎಂದು ಸಲಹೆ ನೀಡಿದ್ದಾರೆ. ಸದ್ಯದ ಪರಿಸ್ಥಿತಿಯಲ್ಲಿ ಪ್ರತಿಯೊಬ್ಬರು ತಮ್ಮ ದೇಹದಲ್ಲಿನ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳುವುದು ಬಹಳ ಅಗತ್ಯವಿದೆ. ಹೀಗಾಗಿ ನಾವಿಲ್ಲಿ ಯಾವ 9 ಆಹಾರಗಳನ್ನು ಸೇವಿಸುವುದು ಹಾಗೂ ಯಾವ 5 ಆಹಾರಗಳನ್ನು ತ್ಯಜಿಸುವುದು ಉತ್ತಮ ಎಂಬ ಉಪಯುಕ್ತ ಮಾಹಿತಿಯನ್ನು ತಿಳಿಸಿದ್ದೀವಿ ಗಮನಿಸಿ.
ಉಸಿರಾಟದ ಸೋಂಕುಗಳ ವಿರುದ್ಧ ರೋಗನಿರೋಧಕ ಶಕ್ತಿ ಹೆಚ್ಚಿಸುವ 9 ಆಹಾರಗಳಿವು
ವಿಟಮಿನ್ ಸಿ ಭರಿತ ಹಣ್ಣುಗಳು
ಸಿಟ್ರಸ್ ಅಂಶವಿರುವ ಹಣ್ಣುಗಳಾದ ಕಿತ್ತಳೆ, ದ್ರಾಕ್ಷಿ ಮತ್ತು ನಿಂಬೆಹಣ್ಣುಗಳಲ್ಲಿ ವಿಟಮಿನ್ ಸಿ ಸಮೃದ್ಧವಾಗಿವೆ. ಇದು ದೇಹದಲ್ಲಿ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ. ಇತರ ಮೂಲಗಳಾದ ಬೆರ್ರಿಗಳು, ಕಿವಿ, ಬೆಲ್ ಮೆಣಸು ಮತ್ತು ಟೊಮ್ಯಾಟೊ ಹಣ್ಣು ಶ್ವಾಸಕೋಶದ ಅಂಗಾಂಶಗಳಲ್ಲಿನ ಆಕ್ಸಿಡೇಟಿವ್ ಒತ್ತಡವನ್ನು ಎದುರಿಸುವ ಉತ್ಕರ್ಷಣ ನಿರೋಧಕಗಳನ್ನು ಒದಗಿಸುತ್ತವೆ.
ಒಮೆಗಾ -3 ಕೊಬ್ಬಿನಾಮ್ಲಗಳು
ಕೊಬ್ಬಿನಾಂಶವಿರುವ ಮೀನು (ಸಾಲ್ಮನ್, ಮ್ಯಾಕೆರೆಲ್, ಸಾರ್ಡೀನ್ಗಳು) ಮತ್ತು ಫ್ಲಾಕ್ಸ್, ಚಿಯಾ ಬೀಜಗಳು ಮತ್ತು ಡ್ರೈಫ್ರೂಟ್ಗೆ ಸೇರಿದ ವಾಲ್ನಟ್ಸ್ಗಳಂತಹ ಆಹಾರಗಳ ಸೇವನೆ ಒಮೆಗಾ-3s ಶ್ವಾಸಕೋಶದ ಉರಿಯೂತವನ್ನು ಎದುರಿಸುತ್ತದೆ ಮತ್ತು ಉಸಿರಾಟದ ಆರೋಗ್ಯವನ್ನು ಸುಧಾರಿಸುವಲ್ಲಿ ಸಹಕರಿಸುತ್ತದೆ.
ಗ್ರೀನ್ ಟೀ
ಆ್ಯಂಟಿಆಕ್ಸಿಡೆಂಟ್ಗಳಿಂದ ತುಂಬಿರುವ ಹಸಿರು ಚಹಾವು ಉಸಿರಾಟದ ಸೋಂಕಿನ ಅಪಾಯವನ್ನು ನಿಯಂತ್ರಿಸುತ್ತದೆ ಮತ್ತು ಶ್ವಾಸಕೋಶದ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.
ಬೆಳ್ಳುಳ್ಳಿ
ಮಾಂಸದ ಅಡುಗೆಗಳಲ್ಲಿ ಹೆಚ್ಚು ಕಾಣಿಸಿಕೊಳ್ಳುವ ಬೆಳ್ಳುಳ್ಳಿಯಲ್ಲಿ ಆಂಟಿಮೈಕ್ರೊಬಿಯಲ್ ಮತ್ತು ಉರಿಯೂತದ ಗುಣಲಕ್ಷಣಗಳಿವೆ. ಇದು ಉಸಿರಾಟದ ಸೋಂಕುಗಳ ವಿರುದ್ಧ ಹೋರಾಡುತ್ತದೆ. ಇದರ ಉತ್ಕರ್ಷಣ ನಿರೋಧಕಗಳು ಒಟ್ಟಾರೆ ರೋಗನಿರೋಧಕ ಆರೋಗ್ಯ ಮತ್ತು ಶ್ವಾಸಕೋಶದ ಕೆಲಸವನ್ನು ಸುಗಮಗೊಳಿಸುತ್ತದೆ.
ಅರಿಶಿನ
ಮನೆ ಮದ್ದು ಎಂದೇ ಗುರುತಿಸಿಕೊಂಡಿರುವ ಅರಿಶಿನದಲ್ಲಿ ಸಕ್ರಿಯವಾಗಿರುವ ಕರ್ಕ್ಯುಮಿನ್ ಶಕ್ತಿಯುತವಾದ ಉರಿಯೂತದ ಮತ್ತು ಉತ್ಕರ್ಷಣ ನಿರೋಧಕ ಪರಿಣಾಮಗಳನ್ನು ನೀಡುತ್ತದೆ. ಇದು ಶ್ವಾಸನಾಳದ ಉರಿಯೂತವನ್ನು ಕಡಿಮೆ ಮಾಡುತ್ತದೆ ಮತ್ತು ಉಸಿರಾಟದ ಸಮಸ್ಯೆಯನ್ನು ತೊಡೆದು ಹಾಕುತ್ತದೆ.
ಶುಂಠಿ
ಶುಂಠಿ ಉರಿಯೂತದ ಮತ್ತು ಆಂಟಿಮೈಕ್ರೊಬಿಯಲ್ ಗುಣಲಕ್ಷಣಗಳಿಗೆ ಹೆಸರುವಾಸಿ. ಶುಂಠಿ ಸೇವನೆ ಉಸಿರಾಟದ ರೋಗಲಕ್ಷಣಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ವಾಯುಮಾರ್ಗಗಳನ್ನು ಶಮನಗೊಳಿಸುವಲ್ಲಿ ಸಹಾಯಕಾರಿ.
ಸೊಪ್ಪಿನ ಪಲ್ಯ/ ಸಾಂಬಾರು
ಪಾಲಕ್, ಕೇಲ್ ಮತ್ತು ಸ್ವಿಸ್ ಚಾರ್ಡ್‌ನಂತಹ ತರಕಾರಿಗಳು ವಿಟಮಿನ್ ಸಿ ಮತ್ತು ಇ ಮತ್ತು ಬೀಟಾ-ಕ್ಯಾರೋಟಿನ್‌ನಲ್ಲಿ ಸಮೃದ್ಧವಾಗಿವೆ. ಈ ಪೋಷಕಾಂಶಗಳು ಶ್ವಾಸಕೋಶದ ಅಂಗಾಂಶವನ್ನು ರಕ್ಷಿಸಲು ಮತ್ತು ಉಸಿರಾಟದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಹೆಚ್ಚು ಸಹಾಯ ಮಾಡುತ್ತದೆ.
ಡ್ರ್ಯೈಫ್ರೂಟ್ ಬೀಜಗಳು
ಬಾದಾಮಿ, ಸೂರ್ಯಕಾಂತಿ ಬೀಜಗಳು ಮತ್ತು ಹೆಜಲ್ನಟ್ಗಳು ವಿಟಮಿನ್ ಇನಿಂದ ಹೇರಳವಾಗಿವೆ. ಇದು ಶ್ವಾಸಕೋಶದ ಜೀವಕೋಶಗಳನ್ನು ಆಕ್ಸಿಡೇಟಿವ್ ಹಾನಿಯಿಂದ ರಕ್ಷಿಸುತ್ತದೆ. ಮತ್ತು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರ ಜತೆಗೆ ಆರೋಗ್ಯಕರ ಕೊಬ್ಬು ಮತ್ತು ಪ್ರೋಟೀನ್ ಅನ್ನು ಸಹ ಒದಗಿಸುತ್ತದೆ.
ಪ್ರೋಬಯೊಟಿಕ್ ಭರಿತ ಆಹಾರಗಳು
ಉದಾ: ಮೊಸರು ಮತ್ತು ಕೆಫೀರ್
ಪ್ರೋಬಯಾಟಿಕ್‌ಗಳು ಆರೋಗ್ಯಕರ ಕರುಳಿನ ಸೂಕ್ಷ್ಮಜೀವಿಯನ್ನು ಉತ್ತೇಜಿಸುತ್ತದೆ ಹಾಗೂ ಇದು ಬಲವಾದ ಪ್ರತಿರಕ್ಷೆಗೆ ಉತ್ತಮವಾದ ಆಹಾರವಾಗಿದೆ.
ಈ 5 ಆಹಾರದಿಂದ ದೂರವಿರುವುದು ಬೆಸ್ಟ್
1. ಸಕ್ಕರೆ ಭರಿತ ಆಹಾರ
ಸಿಹಿತಿಂಡಿಗಳು, ಸಕ್ಕರೆ ಪಾನೀಯಗಳು ಮತ್ತು ಸಂಸ್ಕರಿಸಿದ ತಿಂಡಿಗಳಂತಹ ಹೆಚ್ಚಿನ ಸಕ್ಕರೆ ಅಂಶವಿರುವ ಆಹಾರಗಳು ನಿಮ್ಮ ದೇಹದಲ್ಲಿನ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ದುರ್ಬಲಗೊಳಿಸಬಹುದು ಮತ್ತು ನಿಮ್ಮ ದೇಹವು ಸೋಂಕಿನ ವಿರುದ್ಧ ಹೋರಾಡಲು ನಿಶಕ್ತಿ ಆಗುವಂತೆ ಮಾಡುತ್ತದೆ.
2. ಮಸಾಲೆಯುಕ್ತ ಆಹಾರಗಳು
ಮಸಾಲೆಯುಕ್ತ ಆಹಾರಗಳು ಗಂಟಲಿನ ಕಿರಿಕಿರಿ ಮತ್ತು ಕೆಮ್ಮು ಸಮಸ್ಯೆಯನ್ನು ಉಲ್ಬಣಗೊಳಿಸಬಹುದು. ಆರೋಗ್ಯ ಹದಗೆಡಿಸಬಹುದು. ಇದು ಹೊಟ್ಟೆಯಲ್ಲಿ ತೊಂದರೆಗಳನ್ನು ಉಂಟುಮಾಡಬಹುದು.
3. ಕೊಬ್ಬಿನ ಆಹಾರಗಳು (ಆಯಿಲ್ ಫ್ರೈ)
ಕರಿದ ತಿಂಡಿಗಳು ಮತ್ತು ಜಿಡ್ಡಿನ ತ್ವರಿತ ಆಹಾರಗಳು ಅನಾರೋಗ್ಯಕರ ಕೊಬ್ಬುಗಳಲ್ಲಿ ಅಧಿಕವಾಗಿದ್ದು, ಇವು ಜೀರ್ಣಕಾರಿ ಅಸ್ವಸ್ಥತೆ ಮತ್ತು ಉರಿಯೂತವನ್ನು ಉಂಟುಮಾಡಬಹುದು. ಇದರಿಂದ ಸೋಂಕಿನ ವಿರುದ್ಧ ನಿಮ್ಮ ಚೇತರಿಕೆ ಮತ್ತಷ್ಟು ನಿಧಾನಗೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.
4. ಮದ್ಯ ಸೇವನೆ
ಮದ್ಯಪಾನ ಸೇವನೆ ದೇಹವನ್ನು ನಿರ್ಜಲೀಕರಣಗೊಳಿಸುತ್ತದೆ. ಇದು ನಿಮ್ಮ ದೇಹವನ್ನು ಗುಣಪಡಿಸಲು ಜಲಸಂಚಯನದ ಅಗತ್ಯವಿರುವಾಗ ಪ್ರತಿರೋಧಕವಾಗಿ ಕಾಡುತ್ತದೆ.
5. ಡೈರಿ ಉತ್ಪನ್ನ
ಉಸಿರಾಟದ ಸಮಸ್ಯೆ, ಅನಾರೋಗ್ಯದ ಸಮಯದಲ್ಲಿ ಡೈರಿ ಉತ್ಪನ್ನಗಳ ಸೇವನೆಯನ್ನು ಕಡಿತಗೊಳಿಸುವುದು ಉತ್ತಮ ಸಲಹೆ.