ಒಂದೇ ದಿನದಲ್ಲಿ 10 ಕೋಟಿ ಷೇರುಗಳ ವಹಿವಾಟು: ಟಾಟಾ ಕಂಪನಿ ಷೇರು ಬೆಲೆ ಏರುತ್ತಿರುವುದೇಕೆ?

ಮುಂಬೈ: ಟಾಟಾ ಸ್ಟೀಲ್ ಷೇರುಗಳ ಬೆಲೆಯಲ್ಲಿ ಸೋಮವಾರ ಅಗಾಧ ಏರಿಕೆ ಕಂಡುಬಂದಿದೆ. ಕಂಪನಿಯ ಷೇರುಗಳು ಸೋಮವಾರ 5.65% ರಷ್ಟು ಏರಿಕೆ ಕಂಡಿವೆ. ಈ ಮೂಲಕ ಷೇರುಗಳ ಬೆಲೆ 149.70 ರೂ. ತಲುಪಿತು. ಕಂಪನಿಯ ಷೇರುಗಳ ಈ ಏರಿಕೆಯ ಹಿಂದೆ ಒಂದು ಕಾರಣವಿದೆ. ವಾಸ್ತವವಾಗಿ, ಚೀನಾದ ಬಲವಾದ ಕೈಗಾರಿಕಾ ಉತ್ಪಾದನೆಯ ಬೆಳವಣಿಗೆಯು ಉಕ್ಕು ಕಂಪನಿಗಳ ಷೇರುಗಳ ಬೆಲೆ ಹೆಚ್ಚಳಕ್ಕೆ ಕಾರಣವಾಗಿದೆ.

ಈ ಷೇರಿನ ಸಾರ್ವಕಾಲಿಕ ಗರಿಷ್ಠ ಬೆಲೆ 159.15 ಹಾಗೂ ಕನಿಷ್ಠ ಬೆಲೆ 3.71 ರೂಪಾಯಿ ಇದೆ.

ಚೀನಾದ ಜನವರಿ-ಫೆಬ್ರವರಿ ಕೈಗಾರಿಕಾ ಉತ್ಪಾದನೆಯು ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇಕಡಾ 7 ರಷ್ಟು ಬೆಳವಣಿಗೆ ಕಂಡಿದೆ. ಈ ಹಿನ್ನೆಲೆಯಲ್ಲಿ ಲೋಹದ ಷೇರುಗಳ ಬೆಲೆ ಏರಿಕೆಯಾಗುತ್ತಲೇ ಇದೆ. ಚೀನಾದ ಈ ಬೆಳವಣಿಗೆತಯ ಬ್ಲೂಮ್‌ಬರ್ಗ್‌ ಸಂಸ್ಥೆಯು ನೀಡಿದ್ದ ಶೇಕಡಾ 5.2 ಬೆಳವಣಿಗೆಯ ಮುನ್ಸೂಚನೆಯನ್ನು ಮೀರಿದೆ.

ಸೋಮವಾರದ ಅಂಕಿಅಂಶಗಳು ಜನವರಿ-ಫೆಬ್ರವರಿ ಅವಧಿಯಲ್ಲಿ ಚೀನಾದ ಕೈಗಾರಿಕಾ ಉತ್ಪಾದನೆಯು ವರ್ಷದಿಂದ ವರ್ಷಕ್ಕೆ ಶೇಕಡಾ 7 ರಷ್ಟು ಏರಿಕೆಯಾಗಿದೆ, ಡಿಸೆಂಬರ್‌ನಲ್ಲಿ 6.8 ರಷ್ಟು ಹೆಚ್ಚಾಗಿದೆ. 5ರಷ್ಟು ಬೆಳವಣಿಗೆಯನ್ನು ವಿಶ್ಲೇಷಕರು ನಿರೀಕ್ಷಿಸಿದ್ದರು.

ಚೀನಾದ ಈ ಬೆಳವಣಿಗೆ ಹಿನ್ನೆಲೆಯಲ್ಲಿ ಸೋಮವಾರ ಟಾಟಾ ಸ್ಟೀಲ್‌ನ ಅಂದಾಜು 10 ಕೋಟಿ ಷೇರುಗಳು ವಹಿವಾಟಾಗಿವೆ, ಇದು ಕಳೆದ ತಿಂಗಳ ಸರಾಸರಿಗಿಂತ ಎರಡು ಪಟ್ಟು ಹೆಚ್ಚು ಇದೆ. ಈ ದೊಡ್ಡ ವಹಿವಾಟಿನಲ್ಲಿ 2.3 ಕೋಟಿ ಷೇರುಗಳು ಮಾರಾಟವಾಗಿವೆ.

ಬ್ರೋಕರೇಜ್‌ನ ಅಭಿಪ್ರಾಯವೇನು?:

ಅರಿಹಂತ್ ಕ್ಯಾಪಿಟಲ್ ಮಾರ್ಕೆಟ್ಸ್ ಬ್ರೋಕರೇಜ್​ ಸಂಸ್ಥೆಯು ಮುಂದಿನ ಕೆಲವು ವಾರಗಳಲ್ಲಿ ಷೇರಿನ ಗುರಿ ಬೆಲೆಯನ್ನು ರೂ 149-154 ಕ್ಕೆ ನಿಗದಿಪಡಿಸಿದೆ. ರೂ 137 ಸ್ಟಾಪ್ ಲಾಸ್‌ಗೆ ಸೂಚಿಸಿದೆ. ಇದೇ ಸಮಯದಲ್ಲಿ, ಮತ್ತೊಂದು ಮಾರುಕಟ್ಟೆ ವಿಶ್ಲೇಷಕ ಸಂಸ್ಥೆಯು, ಟಾಟಾ ಸ್ಟೀಲ್ ಷೇರುಗಳ ಟಾರ್ಗೆಟ್​ ಪ್ರೈಸ್ ಅನ್ನು 155 ರೂ. ​ ಮತ್ತು ಸ್ಟಾಪ್ ಲಾಸ್ ಅನ್ನು 135 ರೂಪಾಯಿಗೆ ನಿಗದಿಪಡಿಸಿದೆ.

ಟಾಟಾ ಸ್ಟೀಲ್ ಡಿಸೆಂಬರ್ 31, 2023 ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ರೂ 522.14 ಕೋಟಿ ನಿವ್ವಳ ಲಾಭವನ್ನು ದಾಖಲಿಸಿದೆ, ಕಳೆದ ವರ್ಷದ ಇದೇ ತ್ರೈಮಾಸಿಕದಲ್ಲಿ ರೂ 2,501.95 ಕೋಟಿ ನಿವ್ವಳ ನಷ್ಟ ಕಂಡಿತ್ತು.

https://www.vijayavani.net/how-good-is-gold-in-the-election-year-of-2024-why-invest-in-the-yellow-metal-the-brokerage-firms-analysis-is-as-follows

https://www.vijayavani.net/anil-ambanis-company-shares-which-fell-from-rs-500-to-rs-1-now-there-is-a-huge-demand-why-is-it-a-hit-in-the-upper-circuit

https://www.vijayavani.net/huge-fall-in-small-caps-prices-a-big-buying-opportunity-for-investors