1 ಲಕ್ಷವಾಯ್ತು 29 ಲಕ್ಷ ರೂಪಾಯಿ: 3ನೇ ಬಾರಿಗೆ ಉಚಿತ ಷೇರು ನೀಡುತ್ತಿದೆ ಪೆಟ್ರೋಲಿಯಂ ಕಂಪನಿ

ಮುಂಬೈ: ಷೇರು ಮಾರುಕಟ್ಟೆ ಹೂಡಿಕೆದಾರರಿಗೆ ಅಲ್ಪಾವಧಿ ಮತ್ತು ದೀರ್ಘಾವಧಿಯಲ್ಲಿ ಮಲ್ಟಿಬ್ಯಾಗರ್ ರಿಟರ್ನ್ಸ್ ನೀಡುವ ಹಿಂದೂಸ್ತಾನ್ ಪೆಟ್ರೋಲಿಯಂ ಕಂಪನಿ, 10 ವರ್ಷಗಳಲ್ಲಿ ಮೂರನೇ ಬಾರಿಗೆ ಬೋನಸ್ ಷೇರುಗಳನ್ನು ನೀಡಲು ಹೊರಟಿದೆ.

1:2 ಅನುಪಾತದಲ್ಲಿ ಅಸ್ತಿತ್ವದಲ್ಲಿರುವ ಷೇರುದಾರರಿಗೆ ಬೋನಸ್ ಷೇರುಗಳನ್ನು ಕಂಪನಿ ನೀಡಲಿದೆ. ಬೋನಸ್ ಷೇರುಗಳ ದಾಖಲೆ ದಿನಾಂಕ 21 ಜೂನ್ 2024 ಆಗಿದೆ.

ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್‌ (ಎಚ್​ಪಿಸಿಎಲ್​) ಷೇರುಗಳಲ್ಲಿ ರೂ. 1,00,000 ಹೂಡಿಕೆಯು ಕಳೆದ 10 ವರ್ಷಗಳಲ್ಲಿ ರೂ. 29 ಲಕ್ಷಕ್ಕೆ ಏರಿಕೆಯಾಗಿದೆ. ಎಚ್​ಪಿಸಿಎಲ್​ ಷೇರುಗಳ ಬೆಲೆ ಜುಲೈ 11, 2014 ರಂದು ರೂ 83.68 ರ ಮಟ್ಟದಲ್ಲಿತ್ತು. ಆಗ ಎಚ್​ಪಿಸಿಎಲ್​ ಷೇರುಗಳಲ್ಲಿ ರೂ. 100000 ಹೂಡಿಕೆ ಮಾಡಿದ್ದರೆ 1194 ಷೇರುಗಳು ಸಿಗುತ್ತಿತ್ತು. ಕಳೆದ 10 ವರ್ಷಗಳಲ್ಲಿ ಪಡೆದಿರುವ ಬೋನಸ್ ಷೇರುಗಳನ್ನು ಸೇರಿಸಿದರೆ ರೂ. 100,000 ಹೂಡಿಕೆಯಲ್ಲಿ ಖರೀದಿಸಿದ ಷೇರುಗಳ ಒಟ್ಟು ಸಂಖ್ಯೆ 5372 ಕ್ಕೆ ಏರಿಕೆಯಾಗುತ್ತಿತ್ತು. ಎಚ್​ಪಿಸಿಎಲ್​ ಷೇರುಗಳ ಬೆಲೆ ಈಗ 536 ರೂ.ಗಳ ಮಟ್ಟದಲ್ಲಿದೆ. ಇಂತಹ ಪರಿಸ್ಥಿತಿಯಲ್ಲಿ ಈ ಷೇರುಗಳ ಮೌಲ್ಯವು ಅಂದಾಜು 29 ಲಕ್ಷ ರೂ.

ಕಳೆದ ಒಂದು ವರ್ಷದಲ್ಲಿ ಹಿಂದೂಸ್ತಾನ್ ಪೆಟ್ರೋಲಿಯಂ ಕಂಪನಿಯು ನಗರಗಳಲ್ಲಿ ಅಂದಾಜು 96 ಪ್ರತಿಶತದಷ್ಟು ಬೆಳವಣಿಗೆಯಾಗಿದೆ. ಎಚ್​ಪಿಸಿಎಲ್​ ಷೇರುಗಳ ಗುರಿಯನ್ನು ಶೀಘ್ರದಲ್ಲೇ 565 ರೂಗಳಲ್ಲಿ ನೋಡಬಹುದು ಎಂದು ಅನೇಕ ಷೇರು ಮಾರುಕಟ್ಟೆ ತಜ್ಞರು ಹೇಳಿದ್ದಾರೆ.

ಹಿಂದೂಸ್ತಾನ್ ಪೆಟ್ರೋಲಿಯಂನ ಷೇರುದಾರರು ಪ್ರತಿ ಎರಡು ಷೇರುಗಳಿಗೆ ಒಂದು ಬೋನಸ್ ಷೇರನ್ನು ಪಡೆಯಲಿದ್ದಾರೆ. ಮಹಾರತ್ನ ಕಂಪನಿಯಾದ ಹಿಂದೂಸ್ತಾನ್ ಪೆಟ್ರೋಲಿಯಂ ಲಿಮಿಟೆಡ್ ಹೂಡಿಕೆದಾರರಿಗೆ ಬೋನಸ್ ಷೇರುಗಳನ್ನು ಉಡುಗೊರೆಯಾಗಿ ನೀಡುವ ಮೂಲಕ ಶ್ರೀಮಂತರನ್ನಾಗಿ ಮಾಡಲು ಹೊರಟಿದೆ. ಶುಕ್ರವಾರ, ಜೂನ್ 14 ರಂದು, ಹಿಂದೂಸ್ತಾನ್ ಪೆಟ್ರೋಲಿಯಂ ಷೇರುಗಳ ಬೆಲೆ 536.25 ರೂ. ಇದೆ.

ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ ಭಾರತದ ಪ್ರಮುಖ ತೈಲ ಮಾರುಕಟ್ಟೆ ಕಂಪನಿಯಾಗಿದ್ದು, 76,000 ಕೋಟಿ ರೂಪಾಯಿಗಳ ಮಾರುಕಟ್ಟೆ ಬಂಡವಾಳ ಹೊಂದಿದೆ. ಇದರ ಷೇರುಗಳು 52 ವಾರಗಳ ಗರಿಷ್ಠ ಬೆಲೆ595 ರೂ. ಮತ್ತು ಕನಿಷ್ಠ ಬೆಲೆ ರೂ. 239 ಇದೆ. ಎಚ್​ಪಿಸಿಎಲ್​ ಷೇರುಗಳ ಬೆಲೆ ಕಳೆದ ಕೆಲವು ದಿನಗಳಿಂದ ದುರ್ಬಲವಾಗಿದ್ದು, ಒಂದು ತಿಂಗಳಲ್ಲಿ ಹೂಡಿಕೆದಾರರಿಗೆ ಕೇವಲ 6% ಆದಾಯವನ್ನು ನೀಡಿದರೆ, ಕಳೆದ 6 ತಿಂಗಳಲ್ಲಿ ರೂ. 380 ರ ಮಟ್ಟದಿಂದ 42% ಲಾಭ ನೀಡಿವೆ.

ಈ ವರ್ಷ ಇಲ್ಲಿಯವರೆಗೆ, ಹಿಂದೂಸ್ತಾನ್ ಪೆಟ್ರೋಲಿಯಂ ಷೇರುಗಳ ಬೆಲೆ 34 ಪ್ರತಿಶತದಷ್ಟು ಲಾಭವನ್ನು ನೀಡಿವೆ. ಹಿಂದೂಸ್ತಾನ್ ಪೆಟ್ರೋಲಿಯಂ ಷೇರುಗಳ ಬೆಲೆ ಹೂಡಿಕೆದಾರರಿಗೆ ಕಳೆದ 5 ವರ್ಷಗಳಲ್ಲಿ 291 ರೂ.ನಿಂದ 84 ಪ್ರತಿಶತದಷ್ಟು ಲಾಭವನ್ನು ನೀಡಿವೆ. ಜನವರಿ 1, 1999 ರಂದು ರೂ 34.64 ರ ಕನಿಷ್ಠ ಮಟ್ಟದಿಂದ, ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್‌ನ ಷೇರುಗಳ ಬೆಲೆ ಹೂಡಿಕೆದಾರರಿಗೆ 1450 ಪ್ರತಿಶತದಷ್ಟು ಬಂಪರ್ ಲಾಭವನ್ನು ನೀಡಿವೆ.

https://www.vijayavani.net/drone-company-shares-fall-a-great-opportunity-to-buy-for-110-profits-experts-say

https://www.vijayavani.net/stock-up-rs-7-to-1305-18102-bumper-profit-from-it-company-for-investors

https://www.vijayavani.net/countrys-first-mine-manager-at-hindustan-zinc-more-than-600-women-employees