ಈ ಚಿತ್ರ ಇನ್ನಷ್ಟೇ ಬಿಡುಗಡೆ ಯಾಗಬೇಕಿದ್ದು, ಅದಕ್ಕೂ ಮುನ್ನವೇ ಅವರು ‘ನಮ್ಮ ಊರಿನ ರಸಿಕರು’ ಕಥೆಗಳನ್ನು ಶಿವಮೊಗ್ಗದ ಜಿಲ್ಲೆಯ ಸುಂದರ ಪರಿಸರದಲ್ಲಿ ಚಿತ್ರೀಕರಣ ಮಾಡಿ ಮುಗಿಸಿದ್ದಾರೆ. ಈ ಕಥೆಗಳನ್ನು ಅವರು ಎರಡು ಸೀಸನ್ಗಳ ಮೂಲಕ ಹೇಳಹೊರಟಿದ್ದು, ಪ್ರತಿಯೊಂದು ಸೀಸನ್ನಲ್ಲಿ ಎಂಟು ಕಂತುಗಳಿರುತ್ತವೆ. ಈ ವೆಬ್ಸರಣಿಯಲ್ಲಿ ರಾಜೇಶ್ ನಟರಂಗ, ಲಕ್ಷ್ಮೀ ಗೋಪಾಲಸ್ವಾಮಿ, ಮಂಡ್ಯ ರಮೇಶ್, ಬಿ. ಸುರೇಶ್, ರಮೇಶ್ ಪಂಡಿತ್, ಸುನೇತ್ರಾ ಪಂಡಿತ್, ವೀಣಾ ಸುಂದರ್, ಸುಜಯ್ ಶಾಸ್ತ್ರಿ. ಶೃಂಗ, ಪಿ. ಶೇಷಾದ್ರಿ ಮುಂತಾದ ಪ್ರತಿಭಾವಂತ ಕಲಾವಿದರು ವೈವಿಧ್ಯಮಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ ಎನ್ನುವುದು ವಿಶೇಷ. ಇನ್ನು, ಅಶೋಕ್ ಕಶ್ಯಪ್ ಛಾಯಾಗ್ರಹಣ ಮಾಡಿದರೆ, ಪ್ರಕಾಶ್ ಸೊಂಟಕ್ಕೆ ಸಂಗೀತ ಸಂಯೋಜಿಸಿದ್ದಾರೆ. ಸುರೇಶ್ ಅರಸ್ ಅವರ ಸಂಕಲನ ಈ ವೆಬ್ಸರಣಿಗಿದೆ. ‘ನಮ್ಮ ಊರಿನ ರಸಿಕರು’ ವೆಬ್ಸರಣಿಯು ಸದ್ಯ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದ್ದು, ಜೂನ್ ತಿಂಗಳಿನಿಂದ ‘ಕಟ್ಟೆ’ ಓಟಿಟಿಯಲ್ಲಿ ಸ್ಟ್ರೀಮ್ ಆಗಲಿದೆ.
