2000 ಇಸವಿಯಿಂದಲೂ ಯುವರಾಜ್ ಸಿಂಗ್ - ಹರ್ಭಜನ್ ಸಿಂಗ್ ಆತ್ಮೀಯ ಸ್ನೇಹಿತರು ಎಂಬುದರಲ್ಲಿ ಎರಡು ಮಾತಿಲ್ಲ. ಒಬ್ಬರಿಗೊಬ್ಬರು ಕಾಲೆಳೆಯುತ್ತಾ, ತಮಾಷೆ ಮಾಡುತ್ತಾ ಹರಟುತ್ತಾರೆ. ಪಂಜಾಬ್, ಟೀಮ್ ಇಂಡಿಯಾ ಪರ ಒಟ್ಟಿಗೆ ಆಡಿರುವ ಈ ಜೋಡಿ ದೇಶೀಯ ಕ್ರಿಕೆಟ್ ವಲಯದಲ್ಲಿ ಆತ್ಮೀಯ ಸ್ನೇಹಿತರು ಎಂದೇ ಗುರಿತಿಸಿಕೊಂಡಿದೆ. 40ನೇ ಹುಟ್ಟಹಬ್ಬ ಆಚರಿಸಿಕೊಳ್ಳುತ್ತಿರುವ ಹರ್ಭಜನ್ಗೆ ವಿಶಿಷ್ಠವಾಗಿ ಗೆಳೆಯ ಯುವರಾಜ್ ಸಿಂಗ್ ವಿಶ್ ಮಾಡಿದ್ದಾರೆ. 40 ಅಥವಾ 47ನೇ ವರ್ಷದ ಹುಟ್ಟುಹಬ್ಬ ಎಂದಿರುವ ಯುವಿ, ಒಟ್ಟಿಗೆ ಆಡಿದ ದಿನಗಳನ್ನು ಮೆಲುಕು ಹಾಕಿದ್ದಾರೆ. ಒಬ್ಬರ ಕಾಲನ್ನು ಮತ್ತೊಬ್ಬರು ಎಳೆಯುತ್ತಾ, ಕೆಲವೊಮ್ಮೆ ಪ್ಯಾಂಟ್ ಕೂಡ, ನಿಮ್ಮ ಬಗ್ಗೆ ಹೆಮ್ಮೆಯಿದೆ ಪಾಜಿ. ಹ್ಯಾವ್ ಎ ಗ್ರೇಟ್ ಡೇ, ಲವ್ ಯೂ ಪಾಜಿ ಎಂದು ಬಜ್ಜಿಗೆ ಶುಭಕೋರಿದ್ದಾರೆ. ಜತೆಗೆ ವಿಡಿಯೋವೊಂದನ್ನು ಪ್ರಕಟಿಸಿದ್ದಾರೆ.
