ವೃತ್ತಿ ಕುರಿತು ಅವಹೇಳನ ಮಾಡಿದ ಯುವಕನಿಗೆ ಬರ್ಬರ ಇರಿತ!

ನವದೆಹಲಿ: ಕ್ಷುಲ್ಲಕ ಕಾರಣಕ್ಕೆ ಯುವಕನೋರ್ವನನ್ನು ಬರ್ಬರವಾಗಿ ಇರಿದು ಹತ್ಯೆಗೆ ಯತ್ನಿಸಿರುವ ಘಟನೆ ಈಶಾನ್ಯ ದೆಹಲಿಯ ದಯಾಳ್​ಪುರದಲ್ಲಿ ನಡೆದಿದೆ.

ಗಾಯಾಳು ಯುವಕನನ್ನು ಸೋನು(19) ಹಾಗೂ ರಾಹುಲ್​(19) ಎಂದು ಗುರುತಿಸಲಾಗಿದ್ದು, ಆರೋಪಿ ಮೊಹಮ್ಮದ್​ ಜೈದ್(20)​ ತಲೆಮಾರಿಸಿಕೊಂಡಿದ್ಧಾನೆ ಎಂದು ಪೊಲೀಸರು ತಿಳಿಸಿದ್ಧಾರೆ.

ಘಟನೆಯ ಹಿನ್ನಲೆ?

ಈಶಾನ್ಯ ದೆಹಲಿಯ ಬ್ರಿಜ್​ಪುರಿ ನಿವಾಸಿ ಸೋನು ತಮ್ಮ ಸಂಬಂಧಿಕರೊಬ್ಬರ ಜೊತೆ ಶಿಬ್ಬಾನ್​ ಸ್ಕೂಲ್​ ಬಳಿ ಇರುವ ಅಂಗಡಿಯೊಂದಲ್ಲಿ ಐಸ್​​ಕ್ರೀಂ ಸೇವಿಸಲು ತನ್ನ ಸಂಬಂಧಿ ರಾಹುಲ್ ಜೊತೆ ತೆರಳಿದ್ದರು. ಈ ವೇಳೆ ರಾಹುಲ್​ ಹಾಗೂ ಆರೋಪಿ ಮೊಹಮ್ಮದ್​ ಜೈದ್​ ನಡುವೆ ಕ್ಷುಲ್ಲಕ ಕಾರಣಕ್ಕೆ ಗಲಾಟೆಯಾಗಿದೆ.

ಈ ವೇಳೆ ಆರೋಪಿ ಜೈದ್​ ರಾಹುಲ್​ಗೆ ಚಾಕುವಿನಿಂದ ಸೊಂಟದ ಕೆಲಭಾಗಕ್ಕೆ ಇರಿದಿದ್ಧಾನೆ. ಜಗಳ ಬಿಡಿಸಲು ಹೋದ ಸೋನುವಿನ ಕೈಗೆ ಆರೋಪಿ ಇರಿದು ಪರಾರಿಯಾಗಿದ್ದಾನೆ. ರಕ್ತ ಮಡುವಿನಲ್ಲಿ ಬಿದ್ದಿದ್ದ ಗಾಯಾಳುಗಳನ್ನು ಸ್ಥಳೀಯರು ಆಸ್ಪತ್ರೆಗೆ ದಾಖಲಿಸಿ ಪೊಲೀಸರಿಗೆ ಮಾಹಿತಿ ನೀಡಿದ್ಧಾರೆ.

ಇದನ್ನೂ ಓದಿ: ನಟಿ ಖುಷ್ಬೂ ಸುಂದರ್​ಗೆ ಅನಾರೋಗ್ಯ; ಆಸ್ಪತ್ರೆಗೆ ದಾಖಲು

ಇಗೋ ಕ್ಲ್ಯಾಶ್​

ಘಟನೆಯ ಕುರಿತು ಪ್ರತಿಕ್ರಿಯಿಸಿರುವ ಪೊಲೀಸ್​ ಅಧಿಕಾರಿಯೊಬ್ಬರು ಆರೋಪಿ ಜೈದ್​ನ ತಂದೆ ವೃತ್ತಿಯಲ್ಲಿ ಕಾರ್ಪೆಂಟರ್ ಆಗಿದ್ದು, ಗಾಯಾಳು ರಾಹುಲ್​ನ ತಂದೆ ಐಸ್​ಕ್ರೀಂ ಅಂಗಡಿಯೊಂದನ್ನು ನಡೆಸುತ್ತಿದ್ಧಾರೆ. ಇಬ್ಬರ ನಡುವೆ ಇಗೋ ಕ್ಲ್ಯಾಶ್​ ಇದ್ದ ಕಾರಣ ತಾವು ಮಾಡುತ್ತಿದ್ದ ವೃತ್ತಿಯ ಕುರಿತು ಮಾತಿಗೆ ಮಾತು ಬೆಳೆದು ಪರಿಸ್ಥಿತಿ ವಿಕೋಪಕ್ಕೆ ತಿರುಗಿ ಜೈದ್​ ಚಾಕುವಿನಿಮದ ಬರ್ಬರವಾಗಿ ಇರಿದು ಪರಾರಿಯಾಗಿದ್ದಾನೆ.

ಗಂಭೀರವಾಗಿ ಗಾಯಗೊಂಡಿರುವವರನ್ನು ತೀವರ್ರ ನಿಗಾ ಘಟಕದಲ್ಲಿ ಇರಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಆರೋಪಿ ಜೈದ್​ ವಿರುದ್ಧ ಐಪಿಸಿ ಸೆಕ್ಷನ್​ 307(ಕೊಲೆ ಯತ್ನ), 324ರ ಅಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ. ಮುಂಜಾಗ್ರತ ಕ್ರಮವಾಗಿ ಬ್ರಿಜ್​ಪುರಿ ಪ್ರದೇಶದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಪೊಲೀಸರನ್ನು ನಿಯೋಜಿಸಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ಧಾರೆ.

https://www.vijayavani.net/ashwathnarayan-slams-congress-over-guarantees

https://www.vijayavani.net/tourists-boatmen-fight-atop-boats-i