ಕರೊನಾ ಲಸಿಕೆ ನನಗೇಕ್ರಿ? ಎಂದ ಮಲ್ಲಿಕಾರ್ಜುನ ಖರ್ಗೆ, ಬೇಡ ಎನ್ನಲು ಅವರು ನೀಡಿದ ಕಾರಣ!

ನವದೆಹಲಿ: ದೇಶ್ಯಾದ್ಯಂತ ಮಹಾಮಾರಿ ಕರೊನಾವೈರಸ್ ವಿರುದ್ಧ ಲಸಿಕೆ ಅಭಿಯಾನ ನಡೆಯುತ್ತಿದೆ. ಸ್ವತಃ ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು ನವದೆಹಲಿಯ ಏಮ್ಸ್​ನಲ್ಲಿ ಲಸಿಕೆ ಹಾಕಿಸಿಕೊಂಡರು.

ಆದರೆ, ರಾಜ್ಯಸಭೆ ಪ್ರತಿಪಕ್ಷದ ನಾಯಕ ಮಲ್ಲಿಕಾರ್ಜುನ ಖರ್ಗೆ ಅವರು ಲಸಿಕೆ ಬಗ್ಗೆ ಮೂಗು ಮುರಿದಿದ್ದಾರೆ. ಕರೊನಾ ಲಸಿಕೆಯನ್ನು ಯುವಕರಿಗೆ ಹಾಕಿ. ನನಗೀಗ 70 ವಯಸ್ಸು. ನಮ್ಮಂತವರಿಗೆ ಏಕೆ? ನಾನು ಬಹಳ ಎಂದರೆ ಇನ್ನೊಂದು 15 ವರ್ಷ ಬದುಕಿರುತ್ತೇನೆ. ಯುವಕರಿಗೆ ಲಸಿಕೆ ಹಾಕಿಸುವುದು ತುಂಬಾ ಮಹತ್ವ, ಅವರು ಬಾಳಿ ಬದುಕಬೇಕಾದವರು ಎಂದು ಖರ್ಗೆ ಹೇಳಿದ್ದಾರೆ.

ಕೆಲ ನಾಯಕರು ಲಸಿಕೆ ಹಾಕಿಸಿಕೊಳ್ಳಲು ವಿರೋಧ ವ್ಯಕ್ತಪಡಿಸುತ್ತಿದ್ದರೆ ಸ್ವತಃ ಮೋದಿ ಅವರೇ ಇಂದು ಲಸಿಕೆ ಹಾಕಿಸಿಕೊಳ್ಳುವ ಮೂಲಕ ಇತರರಿಗೆ ಮಾದರಿಯಾಗಿದ್ದಾರೆ. ಮಲ್ಲಿಕಾರ್ಜುನ ಖರ್ಗೆ ಅವರು ಇತ್ತೀಚೆಗಷ್ಟೇ ರಾಜ್ಯಸಭೆಯ ಪ್ರತಿಪಕ್ಷದ ನಾಯಕನಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ.

https://www.vijayavani.net/bringing-petroleum-products-under-gst-says-chief-economic-advisor-k-v-subramanian/