ಹೈದರಾಬಾದ್: ಯಶ್ ಅಭಿನಯದ ‘ಕೆಜಿಎಫ್ 2’ ಚಿತ್ರ ಬಿಡುಗಡೆಯಾಗಿ ಎಂಟೂವರೆ ತಿಂಗಳುಗಳಾಗಿವೆ. ಈ ಎಂಟೂವರೆ ತಿಂಗಳಲ್ಲಿ ಯಶ್ ಮುಂದಿನ ನಡೆಯೇನು ಎಂಬ ವಿಷಯವಾಗಿ ಸಾಕಷ್ಟು ಚರ್ಚೆಗಳಾಗಿವೆ. ಆದರೆ, ಇದುವರೆಗೂ ಇದಕ್ಕೆ ಉತ್ತರ ಮಾತ್ರ ಸಿಕ್ಕಿಲ್ಲ.
ಇದನ್ನೂ ಓದಿ: ಹೊಸ ವರ್ಷದ ಮೊದಲ ಶುಕ್ರವಾರ ಎಂಟು ಚಿತ್ರಗಳ ಬಿಡುಗಡೆ …
ಹೀಗಿರುವಾಗಲೇ, ತೆಲುಗಿನ ಬಿಗ್ಶಾಟ್ ನಿರ್ಮಾಪಕ ‘ದಿಲ್’ ರಾಜು ನಿರ್ಮಾಣದ ಚಿತ್ರವೊಂದರಲ್ಲಿ ಯಶ್ ನಟಿಸುವ ಸಾಧ್ಯತೆ ಇದೆ ಎಂಬ ಮಾತೊಂದು ಇದೀಗ ಕೇಳಿಬರುತ್ತಿದೆ. ಇತ್ತೀಚೆಗೆ, ಅವರಿಬ್ಬರ ಭೇಟಿಯಾಗಿದ್ದು, ಈ ಸಂದರ್ಭದಲ್ಲಿ ಯಶ್ಗೆ ರಾಜು ದೊಡ್ಡ ಅಡ್ವಾನ್ಸ್ ಕೊಟ್ಟಿದ್ದಾರೆ ಎಂಬ ಮಾತಿದೆ.
2003ರಲ್ಲಿ ಬಿಡುಗಡೆಯಾದ ‘ದಿಲ್’ ಚಿತ್ರದ ಮೂಲಕ ನಿರ್ಮಾಪಕರಾದ ರಾಜು, ಇದುವರೆಗೂ ಹಲವು ಚಿತ್ರಗಳನ್ನು ನಿರ್ಮಿಸಿದ್ದಾರೆ. ತೆಲುಗಿನ ಸ್ಟಾರ್ ನಟರ ಚಿತ್ರಗಳನ್ನು ನಿರ್ಮಿಸಿರುವ ಅವರು, ‘ಜೆರ್ಸಿ’ ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೂ ಕಾಲಿಟ್ಟಿದ್ದಾರೆ. ವಿಜಯ್ ಅಭಿನಯದ ‘ವಾರಸುಡು’ ಮೂಲಕ ತಮಿಳಿಗೂ ಎಂಟ್ರಿ ಕೊಟ್ಟಿರುವ ಅವರು, ದೊಡ್ಡ ಬಜೆಟ್ನ ಪ್ಯಾನ್ ಇಂಡಿಯಾ ಚಿತ್ರವೊಂದು ನಿರ್ಮಿಸುವ ಯೋಚನೆಯಲ್ಲಿದ್ದಾರಂತೆ. ಈ ಚಿತ್ರಕ್ಕೆ ಯಶ್ರಂತಹ ಪ್ಯಾನ್ ಇಂಡಿಯಾ ನಟ ಸರಿ ಎಂಬ ತೀರ್ಮಾನಕ್ಕೆ ಬಂದಿರುವ ಅವರು, ಯಶ್ ಅವರನ್ನು ಸಂಪರ್ಕಿಸಿ ಮಾತುಕತೆ ನಡೆಸಿದ್ದಾರಂತೆ. ಆದರೆ, ಈ ಕುರಿತು ಯಶ್ ಆಗಲೀ, ‘ದಿಲ್’ ರಾಜು ಆಗಲೀ ಎಲ್ಲೂ ಮಾತನಾಡಿಲ್ಲ.
ಇದನ್ನೂ ಓದಿ: ನೆಗೆಟಿವಿಟಿ ಬಂದಾಗ ಸ್ವೀಕರಿಸಬೇಕು; ರಶ್ಮಿಕಾಗೆ ಕಿಚ್ಚನ ಸಲಹೆ …
ಇನ್ನು, ಸರಿಯಾಗಿ ನಾಲ್ಕು ದಿನಗಳಿಗೆ ಅಂದರೆ, ಜನವರಿ 8ಕ್ಕೆ ಯಶ್ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಈ ಸಂದರ್ಭದಲ್ಲಾದರೂ ಯಶ್ ಅಭಿನಯದ ಹೊಸ ಚಿತ್ರದ ಮಾಹಿತಿ ಸಿಗಬಹುದಾ ಎಂದು ಅವರ ಅಭಿಮಾನಿಗಳು ಕಾತುರದಿಂದ ಎದುರು ನೋಡುತ್ತಿದ್ದಾರೆ.
ಜಾಸ್ತಿ ಮಾತಾಡಬೇಡಿ, ಜನ ಕಲ್ಲು ಹೊಡೆಯಬಹುದು … ನಾಸಿರುದ್ದೀನ್ ಷಾಗೆ ಪತ್ನಿ ಎಚ್ಚರಿಕೆ