ಭಗೀರಥ ಮಹರ್ಷಿ, ಛಲ ಮತ್ತು ದೃಢ ಸಂಕಲ್ಪದ ಪ್ರತೀಕ

ಯಲಬುರ್ಗಾ: ಛಲ ಮತ್ತು ದೃಢ ಸಂಕಲ್ಪದ ಪ್ರತೀಕವಾದ ಭಗೀರಥ ಮಹರ್ಷಿ ಆದರ್ಶವನ್ನು ಎಲ್ಲರೂ ಜೀವನದಲ್ಲಿ ಮೈಗೂಡಿಸಿಕೊಳ್ಳಬೇಕು ಎಂದು ತಹಸೀಲ್ದಾರ್ ವಿಠಲ್ ಚೌಗಲೆ ಹೇಳಿದರು.

ಪಟ್ಟಣದಲ್ಲಿ ಭಗೀರಥ ಸಮುದಾಯ ಮತ್ತು ತಾಲೂಕು ಆಡಳಿತ ಗುರುವಾರ ಹಮ್ಮಿಕೊಂಡಿದ್ದ ಭಗೀರಥ ಮಹರ್ಷಿ ಜಯಂತಿ ನಿಮಿತ್ತ ವೃತ್ತಕ್ಕೆ ಮಾಲಾರ್ಪಣೆ ಮಾಡಿ ಮಾತನಾಡಿದರು.

ಇದನ್ನೂ ಓದಿ: ಆಯುಧ ಬದಲು ಆದರ್ಶ ಮಾತಾಡಲಿ

ಸಮಾಜ ಸುಧಾರಣೆಗೆ ಶ್ರಮಿಸಿದ ಮಹಾತ್ಮರನ್ನು ಗೌರವದಿಂದ ಕಾಣಬೇಕು. ಮನುಷ್ಯನಿಗೆ ಯಾವುದೂ ಅಸಾಧ್ಯವಲ್ಲ ಎನ್ನುವುದಕ್ಕೆ ಭಗೀರಥ ಮಹರ್ಷಿ ಸಾಕ್ಷಿಯಾಗಿದ್ದಾರೆ. ಮನುಕುಲದ ಒಳಿತಿಗಾಗಿ ಸತತ ತಪಸ್ಸಿನ ಮೂಲಕ ಭೂಮಿಗೆ ಗಂಗೆಯನ್ನು ಕರೆ ತರುವಲ್ಲಿನ ಅವರ ಶ್ರಮ ಎಂದಿಗೂ ಮರೆಯುವಂತಿಲ್ಲ. ಇಂತಹ ಶರಣರ ಆದರ್ಶವನ್ನು ಜೀವನದಲ್ಲಿ ಅಳವಡಿಸಿಕೊಂಡಾಗ ಸಾರ್ಥಕತೆ ಸಾಧ್ಯ ಎಂದರು.

ಭಗೀರಥ ಸಮುದಾಯದ ತಾಲೂಕು ಅಧ್ಯಕ್ಷ ಈರಪ್ಪ ದಸ್ತಾನಿ, ತಾಪಂ ಇಒ ಸಂತೋಷ್ ಪಾಟೀಲ್, ಪ್ರಮುಖರಾದ ಬಸವರಾಜ ಪೂಜಾರ್, ವೈ.ಬಿ.ಮೇಟಿ, ಶರಣಪ್ಪ ಉಪ್ಪಾರ್, ಹನುಮಂತಪ್ಪ ಕೆರಳ್ಳಿ, ಮೈಲಾರಪ್ಪ ಚಾಮಲಾಪುರ, ಯಲ್ಲಪ್ಪ ಮಡಿಕೇರಿ, ಕರಿಯಪ್ಪ ಗುರಿಕಾರ, ಆನಂದ ಮುದಕಪ್ಪ, ರಾಮನಗೌಡ, ಶಿವಕುಮಾರ ಇತರರಿದ್ದರು.