ಪ್ರಶಸ್ತಿ ಪ್ರದಾನದ ಕಾರ್ಯಕ್ರಮದ ಬಳಿಕ ಯಕ್ಷಗಾನದ ದಿಗ್ಗಜ ಕಲಾವಿದರಿಂದ ಕೃಷ್ಣಾರ್ಜುನ ಕಾಳಗ ಹಾಗೂ ರಾಜಾ ಭದ್ರಸೇನ ಯಕ್ಷಗಾನ ಪ್ರದರ್ಶನಗೊಂಡಿತು. ಹಿಮ್ಮೇಳದಲ್ಲಿ ಭಾಗವತರಾಗಿ ರಾಘವೇಂದ್ರ ಆಚಾರ್ ಜನ್ಸಾಲೆ, ಚಂಡೆ- ಪ್ರಜ್ವಲ ಮುಂಡಾಡಿ, ಮದ್ದಳೆ- ಶಶಾಂಕ ಆಚಾರ್ಯ ಕಿರಿಮಂಜೇಶ್ವರ ಪಾಲ್ಗೊಳ್ಳಲಿದ್ದಾರೆ. ಕೃಷ್ಣಾರ್ಜುನ ಕಾಳಗದ ಮುಮ್ಮೇಳದಲ್ಲಿ ಅರ್ಜುನನಾಗಿ ಕೊಂಡದಕುಳಿ ರಾಮಚಂದ್ರ ಹೆಗಡೆ, ಕೃಷ್ಣ- ನೀಲ್ಕೋಡು ಶಂಕರ ಹೆಗಡೆ, ಸುಭದ್ರೆ- ಸುಬ್ರಹ್ಮಣ್ಯ ಹೆಗಡೆ ಯಲಗುಪ್ಪ, ದಾರುಕ- ರವೀಂದ್ರ ದೇವಾಡಿಗ, ಅಭಿಮನ್ಯು- ಚಂದ್ರಹಾಸ ಗೌಡ ಹೊಸಪಟ್ನ, ಭೀಮ-ಕೆ.ಜಿ.ಕಾರ್ತಿಕ, ರುಕ್ಮಿಣಿ- ಸುಧೀರ ಉಪ್ಪೂರು. ರಾಜಾ ಭದ್ರಸೇನ ಮುಮ್ಮೇಳದಲ್ಲಿ ಭದ್ರಸೇನನಾಗಿ ವಿದ್ಯಾಧರ ರಾವ್ ಜಲವಳ್ಳಿ, ದೃಢವರ್ಮ- ಕಾರ್ತಿಕ ಕಣ್ಣಿಮನೆ, ವತ್ಸಾಖ್ಯ- ಉದಯ ಹೆಗಡೆ ಕಡಬಾಳ, ವಿದ್ಯುಲ್ಲೋಚನ- ಪವನಕುಮಾರ್ ಸಾನ್ಮನೆ, ರತ್ನಾವತಿ- ಸಂತೋಷ ಹಿಲಿಯಾಣ ಪಾತ್ರ ನಿರ್ವಹಿಸಿದರು.
