ವಾಷಿಂಗ್ಟನ್: ಡಬ್ಲ್ಯೂಡಬ್ಲ್ಯೂಇ ಸ್ಟಾರ್ ಒಬ್ಬರು ಇದೀಗ ಮಂಗಳಮುಖಿಯಾಗಿ ಬದಲಾಗಿದ್ದಾರೆ. ಇಷ್ಟು ವರ್ಷ ನೆರಳಿನಲ್ಲೇ ಬಚ್ಚಿಟ್ಟುಕೊಂಡು ಬಂದಿದ್ದ ಸತ್ಯ ಇದು ಎಂದು ಮಂಗಳಮುಖಿಯಾಗಿ ಬದಲಾದ ಸ್ಟಾರ್ ತಮ್ಮ ಜೀವನದ ಸತ್ಯ ಕಥೆಯನ್ನು ಸಮಾಜದೆದುರು ಬಿಚ್ಚಿಟ್ಟುಕೊಂಡಿದ್ದಾರೆ.
2009ರಿಂದ 2012ರ ಕಾಲದಲ್ಲಿ ಡಬ್ಲ್ಯೂಡಬ್ಲ್ಯೂಇ ನೋಡಿದ್ದವರಿಗೆ ಗಬ್ಬಿ ಟಫ್ಟ್ ನೆನಪಿರುತ್ತಾರೆ. ಗೇಬ್ ಟೆಫ್ಟ್ ಎಂದೇ ಖ್ಯಾತಿ ಪಡೆದಿದ್ದ ಆತ ಟೈಲರ್ ರೆಕ್ಸ್ ಹೆಸರಿನ ರಿಂಗ್ನಿಂದ ಫೇಮಸ್ ಆಗಿದ್ದರು. 2002ರಲ್ಲಿ ಪ್ರಿಸ್ಸಿಲ್ಲಾ ಜತೆ ದಾಂಪತ್ಯ ಆರಂಭಿಸಿದ ಅವರು 2011ರಲ್ಲಿ ಮಿಯಾ ಹೆಸರಿನ ಹೆಣ್ಣು ಮಗುವಿನ ತಂದೆಯಾದರು. ಅದಾದ ನಂತರ ಕುಟುಂಬಕ್ಕೆ ಹೆಚ್ಚು ಸಮಯ ನೀಡಬೇಕೆಂದು ಹೇಳಿ 2012ರಲ್ಲಿ WWE ತ್ಯಜಿಸಿದರು.
ಇದೀಗ ಅದೇ ಗೇಬ್ ಟೆಫ್ಟ್ ಮಂಗಳಮುಖಿಯಾಗಿ ಬದಲಾಗಿದ್ದಾರೆ. ಅಂದ ಹಾಗೆ ಇದು ಇಂದು ನಿನ್ನೆಯ ಬದಲಾವಣೆ ಅಲ್ಲವಂತೆ. ಅವರು 10ನೇ ವಯಸ್ಸಿನಲ್ಲಿದ್ದಾಗಲೇ ಅವರಿಗೆ ಹೆಣ್ಣು ಮಕ್ಕಳಲ್ಲಿ ಒಲವು ಬಂದಿತ್ತಂತೆ. ಮನೆಯಲ್ಲಿ ಯಾರೂ ಇಲ್ಲದ ಸಮಯ ನೋಡಿ, ಅಮ್ಮನ ಕೋಣೆಗೆ ಹೋಗಿ ಅವರ ಉಡುಗೆ ತೊಟ್ಟುಕೊಳ್ಳುತ್ತಿದ್ದರಂತೆ. ಆ ಉಡುಗೆಯೇ ಅವರಿಗೆ ಹೆಚ್ಚು ಸೂಕ್ತ ಎನಿಸುತ್ತಿತ್ತಂತೆ. ಆದರೆ ಆ ವಿಚಾರವನ್ನು ಎಲ್ಲರಿಂದ ಬಚ್ಚಿಟ್ಟುಕೊಂಡೇ ಬಂದಿದ್ದಾರೆ.
ಇತ್ತೀಚೆಗೆ ದೃಢ ನಿರ್ಧಾರ ಮಾಡಿ ಮಂಗಳಮುಖಿಯಾಗಿ ಬದಲಾಗಿದ್ದೇನೆ ಎಂದು ಅವರು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ. ಈಗ ನಾನು ಯಾರಿಗೂ ಹೆದರುವುದಿಲ್ಲ. ನನ್ನನ್ನು ನನ್ನ ನಿಜ ರೂಪದಲ್ಲಿ ಸಮಾಜದೆದುರು ತೋರ್ಪಡಿಸುಕೊಳ್ಳುವುದಕ್ಕೆ ಯಾವುದೇ ಅಂಜಿಕೆ ಇಲ್ಲ ಎಂದು ಅವರು ಹೇಳಿದ್ದಾರೆ. ಅವರ ಹೆಂಡತಿ ಕೂಡ ಗಂಡನ ನಿರ್ಧಾರದಿಂದ ಸಂತಸ ಮತ್ತು ಹೆಮ್ಮೆಯಾಗಿರುವುದಾಗಿ ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)
ನದಿ ದಂಡೆಗೆ ಹೆಂಡತಿಯನ್ನು ಕರೆಸಿಕೊಂಡು ಸೆಕ್ಸ್ ಮಾಡಿದ; ಅದಾದ ಕೆಲವೇ ಗಂಟೆಗಳಲ್ಲಿ ಹೆಣವಾದ ಹೆಂಡತಿ!