ಹಂಗೆರಿಯಿಂದ ಟೋಕಿಯೊಗೆ ನೇರವಾಗಿ ತೆರಳಿದ ವಿನೇಶ್ ಪೋಗಟ್ ಅಲ್ಲಿ ಕೋಚ್ ವೊಲ್ಲೆರ್ ಅಕೊಸ್ ಅವರಿಂದ ತರಬೇತಿ ಪಡೆದಿದ್ದರು. ಬಳಿಕ ಕ್ರೀಡಾಗ್ರಾಮದಲ್ಲಿ ಉಳಿಯದೆ, ಭಾರತದ ಮತ್ತೋರ್ವ ಸದಸ್ಯನಿಂದ ತರಬೇತಿ ಪಡೆದಿದ್ದರು. ತಂಡದ ಅಧಿಕೃತ ಪ್ರಾಯೋಜಕ ಸಂಸ್ಥೆಯ ಜೆರ್ಸಿ ಧರಿಸದೆ ನೈಕಿ ಜೆರ್ಸಿ ತೊಟ್ಟು ಸ್ಪರ್ಧಿಸಿದ್ದರು. ಇದು ಕೂಡ ಡಬ್ಲ್ಯುಎಫ್ ಐ ಕೆಂಗಣ್ಣಿಗೆ ಗುರಿಯಾಗಿತ್ತು. ಇದಕ್ಕೂ ಸೂಕ್ಷ್ಮವಾಗಿ ಗಮನಿಸಿದ ಡಬ್ಲ್ಯುಎಫ್ ಐ, ಇಂಥ ಅಶಿಸ್ತನ್ನು ಯಾವುದೇ ಕಾರಣಕ್ಕೂ ಸಹಿಸುವುದಿಲ್ಲ. ತಾತ್ಕಾಲಿಕವಾಗಿ ವಿನೇಶ್ ಅವರನ್ನು ಅಮಾನತುಗೊಳಿಸಲಾಗಿದೆ. ರೆಸ್ಲಿಂಗ್ ಚಟುವಟಿಕೆಗಳಿಂದ ದೂರ ಇರಲು ಸೂಚಿಸಲಾಗಿದೆ. ಅಲ್ಲದೆ, ಡಬ್ಲ್ಯುಎಫ್ ಐ ಅಂತಿಮ ತೀರ್ಮಾನ ಕೈಗೊಳ್ಳುವವರೆಗೂ ರಾಷ್ಟ್ರೀಯ ಅಥವಾ ದೇಶೀಯ ಟೂರ್ನಿಗಳಲ್ಲೂ ವಿನೇಶ್ ಸ್ಪರ್ಧಿಸುವಂತಿಲ್ಲ ಎಂದು ಡಬ್ಲ್ಯುಎಫ್ ಐ ಮೂಲಗಳು ತಿಳಿಸಿವೆ.
