ನೀವು ಮರಾಠಿಯಲ್ಲಿಯೇ ಮಾತನಾಡಬೇಕು...ಯೂಟ್ಯೂಬರ್‌ಗೆ ಮಹಿಳೆ ಅವಾಜ್​​! Air India flight

ಮುಂಬೈ: ಏರ್ ಇಂಡಿಯಾ ವಿಮಾನದಲ್ಲಿ ( Air India flight ) ಮಹಿಳಾ ಸಹ-ಪ್ರಯಾಣಿಕಯೊಬ್ಬರು ಮರಾಠಿ ಮಾತನಾಡದ ಕಾರಣ ಬೆದರಿಕೆ ಹಾಕುತ್ತಿರುವ ದೃಶ್ಯಗಳನ್ನು ಯ್ಯೂಟೂಬರ್​ ಮಹಿ ಖಾನ್ ಹಂಚಿಕೊಂಡ ನಂತರ ಇದು ಎಲ್ಲೆಡೆ ಭಾರೀ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ.

ಘಟನೆ ಏನು?

ಕೊಲ್ಕಾತ್ತಾದಿಂದ ಮುಂಬೈಗೆ ಹೊರಟಿದ್ದ ಏರ್​ ಇಂಡಿಯಾ ವಿಮಾನ AI676 ರಲ್ಲಿ ಈ ಘಟನೆ ನಡೆದಿದೆ ಎಂದು ಖಾನ್​ ತಿಳಿಸಿದ್ದಾರೆ. ಈ ವೇಳೆ ಮುಂಬೈಗೆ ಪ್ರಯಾಣಿಸುತ್ತಿದ್ದ ಸಂದರ್ಭದಲ್ಲಿ ಮಹಿಳಾ ಪ್ರಯಾಣಿಕರೊಬ್ಬರು ಮರಾಠಿ ಮಾತನಾಡಬೇಕೆಂದು ಒತ್ತಾಯಿಸಿದರು. ಈ ವೇಳೆ ಖಾನ್​ ಪ್ರತಿಕ್ರಿಯಿಸಿದ್ದು, "ನಾನು ಮರಾಠಿಯಲ್ಲಿ ಮಾತನಾಡಬೇಕು ಎಂದು ನೀವು ಹೇಳುತ್ತಿದ್ದೀರಾ? ಎಂದು ಮಹಿಳೆಗೆ ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ: ಕರ್ನೂಲ್ ಬಸ್ ಅಪಘಾತ: ಮೃತರ ಕುಟುಂಬಕ್ಕೆ ಕೇಂದ್ರ ಸರ್ಕಾರದಿಂದ 2 ಲಕ್ಷ ರೂ.ಗಳ ಪರಿಹಾರ..Kurnool Bus Accident

ಅದಕ್ಕೆ ಆ ಮಹಿಳೆಯು ಉತ್ತರಿಸಲು ನಿರಾಕರಿಸಿದ್ದು, ನೀವು ಮುಂಬೈಗೆ ಹೋಗುತ್ತಿದ್ದೀರಿ, ನಿಮಗೆ ಮರಾಠಿ ತಿಳಿದಿರಬೇಕು ಎಂದಿದ್ದಾಳೆ. ಅದಕ್ಕೆ ಖಾನ್​ ನನಗೆ ಮರಾಠಿ ಬರುವುದಿಲ್ಲ ಎಂದು ಉತ್ತರಿಸಿದ್ದಾರೆ. ಈ ವಾದ ವಿವಾದವು ಉಲ್ಬಣಕ್ಕೆ ಹೋಗಿದ್ದು, ಖಾನ್​ ಕ್ಯಾಬಿನ್​ ಸಿಬ್ಬಂದಿಗೆ ಸಹಾಯಕ್ಕಾಗಿ ಕರೆ ಮಾಡಿದನೆಂದು ಹೇಳಿದ್ದಾರೆ. ಅದಕ್ಕೆ ಪ್ರತಿಕ್ರಿಯಿಸಿದ ಮಹಿಳೆಯು ನೀವು ಮುಂದೆ ಮುಂಬೈನಲ್ಲಿ ಇಳಿಯಿರಿ. ದುರ್ವರ್ತನೆ ಎಂದರೆ ಏನು ಎಂದು ನಾನು ನಿಮಗೆ ತೋರಿಸುತ್ತೇನೆ ಎಂದು ಬೆದರಿಕೆ ಹಾಕಿದ್ದಾಳೆ ಎಂದು ಅವರು ವಿವರಿಸಿದ್ದಾರೆ.

ಪೋಸ್ಟ್​ನಲ್ಲೇನಿದೆ?

ತಮ್ಮ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಖಾನ್, "ಮರಾಠಿ ಮಾತನಾಡಿ ಅಥವಾ ಮುಂಬೈ ಬಿಟ್ಟು ಹೋಗಿ. ಈ ಮಹಿಳೆ ಇಂದು ನನ್ನ ಏರ್ ಇಂಡಿಯಾ ವಿಮಾನ AI676 ನಲ್ಲಿ 'ನನಗೆ ಮರಾಠಿ ಅರ್ಥವಾಗುವುದಿಲ್ಲ' ಎಂದು ಹೇಳಿದ್ದಕ್ಕಾಗಿ ಮಹಿಳೆಯು ಬೆದರಿಕೆ ಹಾಕಿದ್ದಾಳೆ ಎಂದು ಬರೆದಿದ್ದಾರೆ.

ಇದನ್ನೂ ಓದಿ: ಉತ್ತರ ಪ್ರದೇಶ ಸರ್ಕಾರದಿಂದ Fake Cough Syrup ಪೂರೈಕೆ: ಅಖಿಲೇಶ್ ಯಾದವ್

ಈ ವಿಡಿಯೋ ಎಲ್ಲೆಡೆ ವ್ಯಾಪಕವಾಗಿ ಹರಡುತ್ತಿದ್ದಂತೆಯೇ, ಏರ್ ಇಂಡಿಯಾ ಕ್ರಮ ಕೈಗೊಳ್ಳಬೇಕೆಂದು ಅವರು ಒತ್ತಾಯಿಸಿದರು, ವಿಮಾನಯಾನ ಸಂಸ್ಥೆಯನ್ನು ಟ್ಯಾಗ್ ಮಾಡಿ ಈ ಜನರನ್ನು ನಿಷೇಧಿಸಬೇಕು. ಬೇರೆ ಭಾಷೆಯಲ್ಲಿ ಮಾತನಾಡಿದ ಕಾರಣ ಯಾವುದೇ ಪ್ರಯಾಣಿಕರು ಅಸುರಕ್ಷಿತ ಅಥವಾ ಅವಮಾನಿತರಾಗಬಾರದು ಎಂದು ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ. (ಎಜೆನ್ಸೀಸ್​)

https://www.vijayavani.net/live-liver-reaches-hn-reliance-hospital-from-nalasopara-in-just-43-minutes