ಏಕಕಾಲಕ್ಕೆ 5 ಹೆಣ್ಣು ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ; ಒಂದರ ಹಿಂದೆ ಒಂದರಂತೆ ಮಕ್ಕಳು ಜನಿಸುತ್ತಿರುವುದನ್ನು ಕಂಡು ವೈದ್ಯರಿಗೂ ಅಚ್ಚರಿ

ಬಿಹಾರ: ಒಂದು ಅಥವಾ ಎರಡು ಮಕ್ಕಳು ಒಟ್ಟಿಗೆ ಜನಿಸುವುದನ್ನು ಸಾಮಾನ್ಯವೆಂದು ಪರಿಗಣಿಸಲಾಗುತ್ತದೆ. ಅವಳಿ ಮಕ್ಕಳ ಜನನದ ಬಗ್ಗೆ ಪೋಷಕರಿಗೆ ತುಂಬಾ ಸಂತೋಷ ಮತ್ತು ಕುತೂಹಲವಿರುತ್ತದೆ. ಕಿಶನ್‌ಗಂಜ್‌ನಲ್ಲಿ ಮಹಿಳೆಯೊಬ್ಬರು ಏಕಕಾಲದಲ್ಲಿ ಐದು ಮಕ್ಕಳಿಗೆ ಜನ್ಮ ನೀಡಿದ್ದಾರೆ.

ಬಿಹಾರದ ಕಿಶನ್‌ಗಂಜ್‌ನಲ್ಲಿ ವಿಶಿಷ್ಟ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಇಲ್ಲಿ ಮಹಿಳೆಯೊಬ್ಬರು ಏಕಕಾಲಕ್ಕೆ ಐದು ಹೆಣ್ಣು ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಕೆಲವರು ಇದನ್ನು ದೇವರಿಂದ ಮಾಡಿದ ಪವಾಡ ಎಂದು ಪರಿಗಣಿಸಿದರೆ, ಇತರರು ಅದರ ಹಿಂದಿನ ವೈಜ್ಞಾನಿಕ ಕಾರಣಗಳನ್ನು ಕಂಡುಹಿಡಿಯಲು ಪ್ರಯತ್ನಿಸುತ್ತಿದ್ದಾರೆ. ಸಾಮಾನ್ಯವಾಗಿ ಮಹಿಳೆ ಕೇವಲ ಒಂದು ಮಗುವಿಗೆ ಜನ್ಮ ನೀಡುತ್ತಾಳೆ. ಆದರೆ, ಗರ್ಭಧಾರಣೆಯ ಸಮಯದಲ್ಲಿ ಬದಲಾವಣೆಯಾದರೆ, ಅವಳಿ ಮಕ್ಕಳು ಸಹ ಜನಿಸುತ್ತಾರೆ, ಆದರೆ ಏಕಕಾಲದಲ್ಲಿ ಐದು ಮಕ್ಕಳ ಜನನವು ಬಹಳ ಅಪರೂಪದ ಘಟನೆಯಾಗಿದೆ.

ಹಲವು ಬಾರಿ ಏಕಕಾಲಕ್ಕೆ ಎರಡ್ಮೂರು ಮಕ್ಕಳಿಗೆ ಜನ್ಮ ನೀಡಿದ ಪ್ರಕರಣಗಳೂ ಇವೆ, ಆದರೆ ಕಿಶನ್ ಗಂಜ್ ನ ಈ ಮಹಿಳೆ ಏಕಕಾಲಕ್ಕೆ ಐದು ಮಕ್ಕಳಿಗೆ ಜನ್ಮ ನೀಡುವ ಮೂಲಕ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದ್ದಾರೆ.

ಈ ಮಹಿಳೆ ಜಿಲ್ಲೆಯ ಠಾಕೂರ್‌ಗಂಜ್ ಬ್ಲಾಕ್‌ನ ಕನಕಪುರ ಪಂಚಾಯತ್ ವ್ಯಾಪ್ತಿಯ ಜಲ್ ಮಿಲಿಕ್ ಗ್ರಾಮದ ನಿವಾಸಿ.  ತಾಹೇರಾ ಬೇಗಂ ಎನ್ನುವ  27 ವರ್ಷ ಈಕೆ, ಹೆರಿಗೆ ನೋವಿನಿಂದ ಬಳಲುತ್ತಿದ್ದ ನಂತರ ಸಮೀಪದ ಇಸ್ಲಾಂಪುರದ ಖಾಸಗಿ ನರ್ಸಿಂಗ್ ಹೋಮ್‌ಗೆ ದಾಖಲಾಗಿದ್ದರು. ಅಲ್ಲಿ ಮಹಿಳೆ ಏಕಕಾಲಕ್ಕೆ ಐದು ಹೆಣ್ಣು ಮಕ್ಕಳಿಗೆ ಜನ್ಮ ನೀಡಿದ್ದಾಳೆ. ಒಂದರ ಹಿಂದೆ ಒಂದರಂತೆ ಹೆಣ್ಣು ಮಕ್ಕಳು ಜನಿಸುತ್ತಿರುವುದನ್ನು ಕಂಡು ವೈದ್ಯರು ಹಾಗೂ ಸಿಬ್ಬಂದಿಯೂ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಐದು ಮಕ್ಕಳಿಗೆ ಜನ್ಮ ನೀಡಿದ ಸುದ್ದಿ ಇಡೀ ಪ್ರದೇಶದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ವೈದ್ಯರ ಪ್ರಕಾರ, ಎಲ್ಲಾ ಐದು ಹುಡುಗಿಯರು ಮತ್ತು ಅವರ ತಾಯಿ ಸಂಪೂರ್ಣವಾಗಿ ಆರೋಗ್ಯವಾಗಿದ್ದಾರೆ. ಹೆಣ್ಣು ಮಗು ಜನಿಸಿದ ನಂತರ ಕುಟುಂಬ ಸದಸ್ಯರಲ್ಲಿ ಸಂತಸದ ವಾತಾವರಣವಿದೆ ಎಂದಿದ್ದಾರೆ.