ಪ್ರೇಮಿಗಳ ದಿನ ರೆಸ್ಟೋರೆಂಟ್​ನಲ್ಲಿ ಬಾಯ್​ಫ್ರೆಂಡ್​ ಜತೆ ಸಿಕ್ಕಿಬಿದ್ದ ಮಗಳು! ನಂತರ ನಡೆದಿದ್ದು ಹೈಡ್ರಾಮ

ನವದೆಹಲಿ: ಫೆ.14ರ ಪ್ರೇಮಿಗಳ ದಿನವನ್ನು ಅನೇಕ ಪ್ರೇಮ ಪಕ್ಷಿಗಳು ಅದ್ಧೂರಿಯಾಗಿ ಆಚರಣೆ ಮಾಡಿದ್ದಾರೆ. ಪರಸ್ಪರ ಉಡುಗೊರೆ ವಿನಿಮಯ ಹಾಗೂ ಡೇಟಿಂಗ್​, ಮೀಟಿಂಗ್ ಅಂತಾ ಇಡೀ ದಿನವನ್ನು ಎಂಜಾಯ್​ ಮಾಡಿದ್ದಾರೆ. ಕೆಲವರು ಪಾಲಕರ ಕಣ್ತಪ್ಪಿಸಿ ಕದ್ದುಮುಚ್ಚಿ ತಮ್ಮ ಬಾಯ್​ಫ್ರೆಂಡ್​ ಅಥವಾ ಗರ್ಲ್​ಫ್ರೆಂಡ್​ ಭೇಟಿಯಾಗಿದ್ದಾರೆ. ಆದರೆ, ಇಲ್ಲೊಂದು ಪ್ರಕರಣದಲ್ಲಿ ಯುವತಿಯೊಬ್ಬಳು ಪ್ರೇಮಿಗಳ ದಿನದಂದು ತನ್ನ ಬಾಯ್​ಫ್ರೆಂಡ್​ ಜೊತೆ ಇರುವಾಗ ತಾಯಿಯ ಕೈಗೆ ರೆಡ್​ಹ್ಯಾಂಡ್​ ಆಗಿ ಸಿಕ್ಕಿಬಿದ್ದಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.

ಪ್ರೇಮಿಗಳು ದಿನ ಎಲ್ಲರಿಗೂ ಒಂದೇ ರೀತಿ ಇರಲ್ಲ. ಕೆಲವರಿಗೆ ಪ್ರೇಮಿಗಳ ದಿನವೂ ಕೂಡ ಕಹಿ ದಿನವಾಗಿ ತಿರುವು ಪಡೆದುಕೊಳ್ಳುತ್ತದೆ ಎಂಬುದಕ್ಕೆ ಈ ವಿಡಿಯೋನೆ ಸಾಕ್ಷಿ. ಬಾಯ್​ಫ್ರೆಂಡ್​ ಜೊತೆ ಯುವತಿಯೊಬ್ಬಳು ರೆಸ್ಟೋರೆಂಟ್​ನಲ್ಲಿ ಇರುವಾಗ ತಾಯಿಯ ಕೈಗೆ ರೆಡ್​ಹ್ಯಾಂಡ್​ ಆಗಿ ಸಿಕ್ಕಿಬಿದ್ದಿದ್ದಾಳೆ.

ಮಗಳನ್ನು ಯುವಕನೊಂದಿಗೆ ನೋಡಿದ ತಾಯಿ ಕೋಪದಿಂದ ಕಾಲಲ್ಲಿದ್ದ ಚಪ್ಪಲಿಯನ್ನು ಕಳೆದುಕೊಂಡು ಯುವಕನಿಗೆ ಹಿಗ್ಗಾಮುಗ್ಗಾ ಬಾರಿಸುತ್ತಾಳೆ. ಈ ವೇಳೆ ಡೈನಿಂಗ್​ ಟೇಬಲ್​ನ ಕುರ್ಚಿಯಲ್ಲಿ ಬಾಯ್​ಫ್ರೆಂಡ್​ ಎದುರಿಗೆ ಕುಳಿತಿದ್ದ ಯುವತಿ ಎದ್ದು ತನ್ನ ತಾಯಿಯನ್ನು ತಡೆಯಲು ಯತ್ನಿಸುತ್ತಾಳೆ. ಆದರೆ, ಸುಮ್ಮನಾಗದ ತಾಯಿ ಮಗಳಿಗೂ ಚಪ್ಪಲಿ ಸೇವೆಯನ್ನು ಮಾಡಿರುವುದು ವಿಡಿಯೋದಲ್ಲಿದೆ.

ತನ್ನ ಗರ್ಲ್​ಫ್ರೆಂಡ್​ಗೆ ಹೊಡೆಯಬೇಡಿ ಎಂದು ಯುವಕ ಆಕೆಯ ತಾಯಿಯನ್ನು ಕೇಳಿಕೊಳ್ಳುತ್ತಾನೆ. ಆದರೆ, ಯಾರ ಮಾತನ್ನು ಕೇಳುವ ವ್ಯವಧಾನ ಇರದ ಮಹಿಳೆ ಮನಸೋ ಇಚ್ಛೆ ಇಬ್ಬರಿಗೂ ಥಳಿಸುತ್ತಾಳೆ.

ವಿಡಿಯೋವನ್ನು ಘರ್​ ಕೆ ಕಲೇಶ್​ ಹೆಸರಿನ ಟ್ವಿಟರ್​ ಬಳಕೆದಾರ ಶೇರ್​ ಮಾಡಿಕೊಂಡಿದ್ದು, 3 ಲಕ್ಷಕ್ಕೂ ಅಧಿಕ ವೀಕ್ಷಣೆಯನ್ನು ಪಡೆದುಕೊಂಡಿದೆ. ವಿಡಿಯೋ ನೋಡಿದ ನೆಟ್ಟಿಗರು ಬಗೆ ಬಗೆಯ ಕಾಮೆಂಟ್​ ಹರಿಬಿಡುತ್ತಿದ್ದಾರೆ. ಈ ವಿಡಿಯೋ ನೋಡಿ ನಿಮಗೆ ಏನು ಅನಿಸಿತು ಎಂಬುದನ್ನು ಕಾಮೆಂಟ್​ ಮೂಲಕ ತಿಳಿಸಿ. (ಏಜೆನ್ಸೀಸ್​)

https://www.vijayavani.net/pranav-departs-with-shahanas-face-on-chest-he-was-an-inspiration-to-many/

https://www.vijayavani.net/chinese-man-hides-rs-12-crore-lottery-buys-flat-for-his-ex-wife/

https://www.vijayavani.net/shah-rukh-khans-manager-owns-rs-50-crores-assets-her-salary-is-this-many-crores/