VIDEO VIRAL | ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನೋಡ ನೋಡುತ್ತಿದ್ದಂತೆಯೇ ಪೊಲೀಸ್ ಮೇಲೆ ಕೈ ಮಾಡಿದ ಮಹಿಳೆ!

ಅಹಮದಾಬಾದ್: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2023 ರ ಶೃಂಗಸಭೆಯ ಘರ್ಷಣೆಯಲ್ಲಿ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್ ಕಣಕ್ಕಿಳಿಯಲು ಸಜ್ಜಾಗಿದೆ. ಆದರೆ, ಮಳೆಯಿಂದಾಗಿ ಪಂದ್ಯ ವಿಳಂಬವಾಗಿದ್ದು ವಿಶ್ವದ ಅತಿದೊಡ್ಡ ಕ್ರೀಡಾಂಗಣದಲ್ಲಿನ ಜನಸ್ತೋಮದ ನಡುವೆ ಆಘಾತಕಾರಿ ದೃಶ್ಯವೊಂದನ್ನು ಸೆರೆಹಿಡಿಯಲಾಗಿದೆ.

ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಅಭಿಮಾನಿಗಳು ಐಪಿಎಲ್ 2023 ರ ಫೈನಲ್‌ಗಾಗಿ ಕಾಯುತ್ತಿರುವಾಗ, ಮಹಿಳೆಯೊಬ್ಬರು ಪೊಲೀಸ್ ಅಧಿಕಾರಿಯ ಮೇಲೆ ಹಲ್ಲೆ ಮಾಡಿದ್ದು ಆ ಆಘಾತಕಾರಿ ವಿಡಿಯೋ ವೈರಲ್​ ಆಗಿದೆ.

ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ ಪುರುಷ ಪೊಲೀಸ್ ಅಧಿಕಾರಿಯನ್ನು ಮಹಿಳಾ ಅಭಿಮಾನಿಯೊಬ್ಬರು ಅವಮಾನಿಸಿದ್ದಾರೆ. ಆದರೆ, ಈ ಗಲಾಟೆಯ ಹಿಂದಿನ ಕಾರಣ ತಿಳಿದುಬಂದಿಲ್ಲ. ಈ ಮಹಿಳೆ ಎಲ್ಲಾ ಪ್ರೇಕ್ಷಕರ ಎದುರೇ ಹಲವಾರು ಬಾರಿ ಅಧಿಕಾರಿಯನ್ನು ತಳ್ಳುವುದನ್ನು ಕಾಣಬಹುದು. ಆದರೆ ಅಧಿಕಾರಿ ಅಲ್ಲಿಂದ ಹೆಚ್ಚೇನೂ ಮಾತನಾಡದೇ ತೆರಳಿದ್ದು ಜನರೂ ಸುಮ್ಮನೇ ನೋಡುತ್ತಾ ನಿಂತಿದ್ದರು.

ವಿಡಿಯೋ ವೈರಲ್ ಆದ ತಕ್ಷಣ, ಟ್ವಿಟರ್ ಬಳಕೆದಾರರು ಕಾಮೆಂಟ್‌ ಮಾಡಲು ಹೆಚ್ಚಿನ ಸಮಯ ತೆಗೆದುಕೊಳ್ಳಲಿಲ್ಲ. ಈ ಪರಿಸ್ಥಿತಿಯ ಬಗ್ಗೆ ಕಟ್ಟುನಿಟ್ಟಿನ ಕ್ರಮ ತೆಗೆದುಕೊಳ್ಳಬೇಕು ಎಂದು ಬಹಳಷ್ಟು ಟ್ವೀಟ್​ಗಳು ಹೇಳಿಕೊಂಡರೆ, ಕೆಲವರು "ಇದೇ ಮಹಿಳಾ ಸಬಲೀಕರಣವೇ?" ಎಂದು ಪ್ರಶ್ನಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/satish-jarakiholi-statement-suggests-targeting-of-rss-and-bajarang-dal

https://www.vijayavani.net/deodrant-chroming-leads-to-death-parents-starts-awareness-programme

https://www.vijayavani.net/pm-modi-on-savarkar-in-mann-ki-baat-speech-on-new-parliament-building-innaugaration-day