ಬೆಂಗಳೂರು: ಲಾಕ್ಡೌನ್ಗೂ ಮುನ್ನವೇ ಸದ್ದಿಲ್ಲದೆ ‘ವಿಂಡೋ ಸೀಟ್’ ಚಿತ್ರೀಕರಣವನ್ನು ಮುಗಿಸಿದ್ದ ನಟಿ-ನಿರೂಪಕಿ ಶೀತಲ್ ಶೆಟ್ಟಿ, ಇದೀಗ ಚಿತ್ರದ ಬಿಡುಗಡೆಗೆ ಸಜ್ಜಾಗುತ್ತಿದ್ದಾರೆ. ಈಗಾಗಲೇ ಚಿತ್ರದ ಪ್ರಚಾರ ಶುರುವಾಗಿದ್ದು, ಕಳೆದ ತಿಂಗಳು ಚಿತ್ರದ ಮೋಷನ್ ಪೋಸ್ಟರ್ ಬಿಡುಗಡೆಯಾಗಿತ್ತು. ಇದೀಗ ಚಿತ್ರದ ಮೊದಲ ಟೀಸರ್ ಬಿಡುಗಡೆಯಾಗಿದೆ.
ಇದನ್ನೂ ಓದಿ: ತಾರಾವಳಿ| ಕುಟುಂಬದ ಜತೆಗೆ ಹಬ್ಬದೂಟ: ಅಮೃತಾ ಅಯ್ಯಂಗಾರ್
ನಾಯಕನ ಜೀವನವನ್ನು ಪರಿಚಯಿಸುವ ದೃಶ್ಯಗಳಿಂದ ಪ್ರಾರಂಭವಾಗುವ ಈ ಟೀಸರ್, ಕ್ರಮೇಣ ಗಂಭೀರವಾಗುತ್ತಾ ಹೋಗುತ್ತದೆ. ಆರಂಭದಲ್ಲಿ ಇದೊಂದು ಪ್ರೇಮಕಥೆ ಇರಬಹುದು ಎಂದನಿಸಿ, ಥ್ರಿಲ್ಲರ್ ಅಂಶಗಳೊಂದಿಗೆ ಮುಕ್ತಾಯವಾಗುತ್ತದೆ. ಈಗಾಗಲೇ ಈ ಟೀಸರ್ ಯೂಟ್ಯೂಬ್ನ ಆನಂದ್ ಆಡಿಯೋ ಚಾನಲ್ನಲ್ಲಿ ಬಿಡುಗಡೆಯಾಗಿದ್ದು, ಟ್ರೆಂಡ್ ಆಗುತ್ತಿದೆ.
ವಿಶೇಷ ಏನೆಂದರೆ, ನಿರ್ಮಾಪಕ ಜಾಕ್ ಮಂಜು ನಿರ್ಮಾಣದಲ್ಲಿ ಮೂಡಿಬಂದಿರುವ ಈ ಚಿತ್ರವನ್ನು, ಕಿಚ್ಚ ಕ್ರಿಯೇಷನ್ ಅರ್ಪಿಸುತ್ತಿದೆ. ಸ್ವತಃ ಸುದೀಪ್ ಸೋಷಿಯಲ್ ಮೀಡಿಯಾದಲ್ಲಿ ‘ವಿಂಡೋ ಸೀಟ್’ ಚಿತ್ರದ ಟೀಸರ್ ಬಗ್ಗೆ ಮೆಚ್ಚುಗೆ ಮೆಚ್ಚುಗೆ ವ್ಯಕ್ತಪಡಿಸಿ ಫಸ್ಟ್ಲುಕ್ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ತಾರಾವಳಿ| ರಂಗೋಲಿಯ ಉಸ್ತುವಾರಿ ನನ್ನದು: ಶಾನ್ವಿ ಶ್ರೀವಾಸ್ತವ
‘ಆದಿಲಕ್ಷ್ಮೀ ಪುರಾಣ’ ಚಿತ್ರದ ನಂತರ ನಿರೂಪ್ ಭಂಡಾರಿ ನಾಯಕನಾಗಿ ನಟಿಸಿರುವ ಈ ಚಿತ್ರದಲ್ಲಿ ಸಂಜನಾ ಆನಂದ್ ಮತ್ತು ಅಮೃತಾ ಅಯ್ಯಂಗಾರ್ ನಾಯಕಿಯರಾಗಿದ್ದಾರೆ. ಮಿಕ್ಕಂತೆ ರವಿಶಂಕರ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸಿದ್ದಾರೆ.