ಯುಸಿಎಸ್​ಎಲ್​ನ 'ವಿಲ್ಸನ್​ ಇಕೊ-3' ನೌಕೆ ಅನಾವರಣ

ಉಡುಪಿ ಕಿರೀಟದಲ್ಲಿದೆ ಮುತ್ತಿನಂತಹ ಉದ್ಯಮ

ಜಿಲ್ಲಾಧಿಕಾರಿ ಸ್ವರೂಪಾ ಟಿ.ಕೆ. ಬಣ್ಣನೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಮೇಕ್​ ಇನ್​ ಇಂಡಿಯಾ, ಆತ್ಮ ನಿರ್ಭರ ಭಾರತ ಯೋಜನೆಗಳು ಹೊಸ ಹೊಸ ಕೈಗಾರಿಕೆ ಹಾಗೂ ಉದ್ಯಮಗಳ ಭಾರತಕ್ಕೆ ಪೂರಕವಾಗಿದೆ. ಅವುಗಳನ್ನು ಪರಿಸರ ರಕ್ಷಣೆಯೊಂದಿಗೆ ಉದ್ಯೋಗ ಸೃಷ್ಟಿಗೂ ಆದ್ಯತೆ ನೀಡಬೇಕು. ಉಡುಪಿಯ ಕಿರೀಟದಲ್ಲಿ ಮುತ್ತಿನಂತಹ ಉದ್ಯಮಗಳಿದ್ದು ಸೂಕ್ಷ್ಮ ಪರಿಸರ, ಜನರ ನೆಲೆಗಳನ್ನು ಮನಗಂಡು ಅಗತ್ಯ ಕೈಗಾರಿಕೆ ಸ್ಥಾಪನೆಯಾಗಿ ಸ್ಥಳೀಯರಿಗೆ ಉದ್ಯೋಗ ಲಭಿಸುವಂತಾಗಬೇಕು ಎಂದು ಜಿಲ್ಲಾಧಿಕಾರಿ ಸ್ವರೂಪಾ ಟಿ.ಕೆ. ಆಶಯ ವ್ಯಕ್ತಪಡಿಸಿದರು.

ಮಲ್ಪೆಯಲ್ಲಿರುವ ಉಡುಪಿ ಕೊಚ್ಚಿನ್​ ಶಿಪ್​ ಯಾರ್ಡ್​ ಲಿಮಿಟೆಡ್​ (ಯುಸಿಎಸ್​ಎಲ್​)ನ ಆವರಣದಲ್ಲಿ ನಾರ್ವೆಯ ಮೆಸರ್ಸ್​ ವಿಲ್ಸನ್​ ಎಎಸ್​ಎ ಸಂಸ್ಥೆಗಾಗಿ ನಿರ್ಮಿಸಿದ ವಿಲ್ಸನ್​ ಇಕೊ-3 ನೌಕೆಯನ್ನು ಸೆಪ್ಟೆಂಬರ್​ 6ರಂದು ಸಂಜೆ ಅನಾವರಣಗೊಳಿಸಿ ಮಾತನಾಡಿದರು.

ವಿವಿಧ ಧಾರ್ಮಿಕ ವಿಧಿ-ವಿಧಾನದೊಂದಿಗೆ ನೌಕೆಯನ್ನು ಅನಾವರಣ ಮಾಡಲಾಯಿತು. ವಿಲ್ಸನ್​ ಎಎಸ್​ಎ (ಡ್ರೆೃ ಲಾಕ್ಸ್​ ಆ್ಯಂಡ್​ ಪ್ರಾಜೆಕ್ಟ್​)ನ ಫ್ಲೀಟ್​ ಮೆನೇಜರ್​ ಗೇರ್​ ಓವ್​ ಕ್ವಲ್ಹೆಮ್​, ಸೈಟ್​ ಮೆನೇಜರ್​ ಸರ್ಗೆ ಬೊಗ್ದಾಶೊ, ಯುಸಿಎಸ್​ಎಲ್​ನ ಎಜಿಎಂ (ಡಿಸೈನ್​) ವಿ.ಲಲಿತಾದೇವಿ, ಎಜಿಎಂ ಗೋಕುಲ್​ ಪಿ.ಎನ್​., ಎಜಿಎಂ ಅಂಬಲ್​ ವಾನನ್​, ಮೆನೇಜರ್​ ಸಂತೋಷ ಎಚ್​.ಬಿ., ಪ್ರಜ್ವಲ್​ ಡಿ. ಸುವರ್ಣ, ವಿನಯಕುಮಾರ್​ ಎಂ. ಉಪಸ್ಥಿತರಿದ್ದರು.

ಇದೇ ಸಂದರ್ಭದಲ್ಲಿ ಕೋಸ್ಟಲ್​ ವೇವ್ಸ್​ ಎಂಬ ಕಿರು ಪುಸ್ತಕ ಬಿಡುಗಡೆ ಮಾಡಲಾಯಿತು.

89.43ಮೀ. ಉದ್ದದ ಹಡಗು