ರಾಹುಲ್​ ಗಾಂಧಿಯನ್ನು ಪ್ರಧಾನಿ ಮಾಡಲು ವಿಪಕ್ಷಗಳು ಪ್ರಯತ್ನಿಸಲಿವೆ ಎಂದ ತೇಜಸ್ವಿ ಯಾದವ್​​ ! | Tejashwi Yadav

Tejashwi Yadav: ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಇಂಡಿಯಾ ಮೈತ್ರಿಕೂಟದ ಎಲ್ಲ ಪಕ್ಷಗಳು ಸೇರಿ ರಾಹುಲ್ ಗಾಂಧಿ ಅವರನ್ನು ಪ್ರಧಾನಿಯನ್ನಾಗಿ ಮಾಡಲು ಪ್ರಯತ್ನಿಸುತ್ತೇವೆ ಎಂದು ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್ ಹೇಳಿಕೆ ನೀಡಿದ್ದಾರೆ.

ಬಿಹಾರದ ನವಾಡದಲ್ಲಿ ನಡೆದ 'ಮತದಾರ ಅಧಿಕಾರ್ ಯಾತ್ರೆಯ ನೇತೃತ್ವ ವಹಿಸಿ ಮಾತನಾಡುತ್ತಾ, "ಹಳೆಯ ಮತ್ತು ಹದಗೆಟ್ಟ" ಎನ್‌ಡಿಎ ಸರ್ಕಾರವನ್ನು ತೆಗೆದು ಹಾಕಿ, ರಾಹುಲ್ ಗಾಂಧಿಯನ್ನು ಪ್ರಧಾನಿಯನ್ನಾಗಿ ಮಾಡಲು ಯುವಕರು ಸಂಕಲ್ಪ ಮಾಡಿದ್ದಾರೆ ಎಂದು ತಿಳಿಸಿದರು.

ಇದನ್ನೂ ಓದಿ:ಜೈಶಂಕರ್, ವಾಂಗ್​ ಯಿ ಸಭೆ: ಯೂರಿಯಾ, ಎನ್‌ಪಿಕೆ ಮತ್ತು ಡಿಎಪಿ, ರಸಗೊಬ್ಬರ ಪೂರೈಸುವುದಾಗಿ ಚೀನಾ ಭರವಸೆ| Wang Yi

ಪ್ರಸ್ತುತ ಪರಿಸ್ಥಿತಿಯಲ್ಲಿ, ವಿರೋಧ ಪಕ್ಷಗಳು ಒಗ್ಗಟ್ಟಿನಿಂದ ಚುನಾವಣೆಗಳನ್ನು ಎದುರಿಸಬೇಕಾಗುತ್ತದೆ ಎಂದು ತೇಜಸ್ವಿ ಯಾದವ್ ಹೇಳಿದರು. ಸಾರ್ವಜನಿಕರು ಬದಲಾವಣೆಯನ್ನು ಬಯಸುತ್ತಿದ್ದಾರೆ, ಇದಕ್ಕಾಗಿ ನಾವೆಲ್ಲಾ (ಇಂಡಿಯಾ ಕೂಟ) ಒಗ್ಗೂಡುವುದು ಅವಶ್ಯಕವಾಗಿದ್ದು, ಬಿಹಾರದಲ್ಲಿ ಮತದಾರರ ಪಟ್ಟಿಯ ವಿಶೇಷ ತೀವ್ರ ಪರಿಷ್ಕರಣೆ (SIR) ಜನರ ಮತದಾನದ ಹಕ್ಕನ್ನು ಕಸಿದುಕೊಳ್ಳುವ ತಂತ್ರವಾಗಿದೆ. ಆಡಳಿತ ಪಕ್ಷದ ಪಿತೂರಿ ಯಶಸ್ವಿಯಾಗಲು ನಾವು ಬಿಡುವುದಿಲ್ಲ ಎಂದರು.

ಇದನ್ನೂ ಓದಿ:ಮಂಡ್ಯ ವಿವಿ ಇನ್ಮುಂದೆ ವಿಶ್ವಗಂಗೋತ್ರಿ: ಹೆಸರು ಘೋಷಣೆ ಮಾಡಿದ ಶಾಸಕ ರವಿಕುಮಾರ್

ನಾಯಕತ್ವಕ್ಕಾಗಿ ಪೈಪೋಟಿ

ಇಂಡಿಯಾ ಮೈತ್ರಿಕೂಟದ ನಾಯಕತ್ವದ ವಿಷಯದಲ್ಲಿ ಪೈಪೋಟಿ ಇದ್ದು, ಬಣದೊಳಗಿನ ಭಿನ್ನಾಭಿಪ್ರಾಯಗಳ ನಡುವೆಯೇ ವಿಪಕ್ಷಗಳು ಯಾರನ್ನು ಪ್ರಧಾನಿ ಅಭ್ಯರ್ಥಿ ಎಂದು ಘೋಷಿಸದೆ ಇತ್ತೀಚಿನ 2024 ರ ಲೋಕಸಭಾ ಚುನಾವಣೆಗೆ ಒಟ್ಟಾಗಿ ಸ್ಫರ್ಧಿಸಿದ್ದವು.

ಚುನಾವಣೆಗೂ ಮುನ್ನ, ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಮತ್ತು ಎಎಪಿ ಮುಖ್ಯಸ್ಥ ಅರವಿಂದ್ ಕೇಜ್ರಿವಾಲ್, ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಪರ ಒಲವು ತೋರಿದ್ದರು.(ಏಜೆನ್ಸೀಸ್)

https://www.vijayavani.net/vice-presidential-polls-india-bloc-announces-candidate