ಅಂದಹಾಗೆ, ಹಿಮಾಂಶಿ ಗುರುಗ್ರಾಮದವರು. ಪಿಎಚ್ಡಿ ಪದವೀಧರೆ. ಕೆಲವು ವಾರಗಳ ಹಿಂದೆ ಅಂದ್ರೆ ಏಪ್ರಿಲ್ 16 ರಂದು ನೌಕಾಪಡೆಯ ಅಧಿಕಾರಿ ವಿನಯ್ ನರ್ವಾಲ್ ಅವರನ್ನು ವಿವಾಹವಾದರು. ಏಪ್ರಿಲ್ 19ರಂದು ನಡೆದ ಆರತಕ್ಷತೆಯ ನಂತರ, ಹನಿಮೂನ್ಗಾಗಿ ಕಾಶ್ಮೀರದ ಪಹಲ್ಗಾಮ್ಗೆ ಹೋದರು. ಏಪ್ರಿಲ್ 22 ರಂದು, ಹಿಮಾಂಶಿ ಅವರು ತಮ್ಮ ಪತಿಯೊಂದಿಗೆ ಪಹಲ್ಗಾಮ್ನ ಬೈಸರನ್ ಹುಲ್ಲುಗಾವಲಿನಲ್ಲಿ ಉತ್ತಮ ಸಮಯವನ್ನು ಕಳೆಯುತ್ತಿದ್ದಾಗ, ಬಂದೂಕುಧಾರಿಗಳು ಬಂದೂಕುಗಳಿಂದ ಗುಂಡು ಹಾರಿಸಿದರು. ವಿನಯ್ ನರ್ವಾಲ್ಗೆ ಗುಂಡುಗಳು ತಗುಲಿ ಸ್ಥಳದಲ್ಲೇ ಸಾವಿಗೀಡಾದರು. ಹಿಮಾಂಶಿ ತನ್ನ ಗಂಡನ ದೇಹದ ಬಳಿ ಕುಸಿದು ಬಿದ್ದು, ಕಣ್ಣೀರು ಹಾಕಿದರು. ಇದಕ್ಕೆ ಸಂಬಂಧಿಸಿದ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ಹರಿಯಾಣದಲ್ಲಿ ಮಿಲಿಟರಿ ಗೌರವಗಳೊಂದಿಗೆ ವಿನಯ್ ನರ್ವಾಲ್ ಅವರ ಅಂತ್ಯಕ್ರಿಯೆ ನಡೆಯಿತು. ಮುಖ್ಯಮಂತ್ರಿ ನಯಾಬ್ ಸಿಂಗ್ ಸೈನಿ ಅವರೊಂದಿಗೆ ಕೇಂದ್ರ ಸಚಿವ ಖಟ್ಟರ್ ಮತ್ತು ಹಲವಾರು ನಾಯಕರು ಕುಟುಂಬ ಸದಸ್ಯರನ್ನು ಭೇಟಿ ಮಾಡಿ ಸಾಂತ್ವಾನ ಹೇಳಿದರು. (ಏಜೆನ್ಸೀಸ್)
