ಎನ್‌ಸಿಇಆರ್‌ಟಿ ಹೊಸ ಪಠ್ಯ; ಬಿಜೆಪಿ ಇತಿಹಾಸವನ್ನು ತಿರುಚುತ್ತಿದೆ ಎಂದು ಆರೋಪಿಸಿದ ಸಂಸದ ಓವೈಸಿ | Asaduddin Owaisi

Asaduddin Owaisi: ಶಾಲಾ ಎನ್‌ಸಿಇಆರ್‌ಟಿ (National Council of Educational Research and Training) ಪಠ್ಯಪುಸ್ತಕಗಳಲ್ಲಿ ಕೆಲ ಆಯ್ದ ಬದಲಾವಣೆಗಳ ಮೂಲಕ  ಬಿಜೆಪಿ ಇತಿಹಾಸವನ್ನು ವ್ಯವಸ್ಥಿತವಾಗಿ ತಿರುಚಲಾಗುತ್ತಿದೆ ಎಂದು ಸಂಸದ ಅಸಾದುದ್ದೀನ್ ಓವೈಸಿ ಆರೋಪಿಸಿದ್ದಾರೆ.

ಇದನ್ನೂ ಓದಿ:ಜಮ್ಮು-ಕಾಶ್ಮೀರದಲ್ಲಿ ಕಿಶ್ತ್ವಾರ್ ಬಳಿಕ ಕಥುವಾದಲ್ಲಿ ಮೇಘಸ್ಪೋಟ; ನಾಲ್ವರು ಸಾವು | Cloudburst

ಶನಿವಾರ (ಆಗಸ್ಟ್​ 16) ಚರ್ಚಾ ಕಾರ್ಯಕ್ರಮದಲ್ಲಿ ಮಾತನಾಡಿದ್ದ ಓವೈಸಿ, ಶಾಲಾ ಪಠ್ಯಕ್ರಮದಿಂದ ಪ್ರಮುಖ ಐತಿಹಾಸಿಕ ಸಂಗತಿಗಳನ್ನು ಕೈಬಿಟ್ಟಿದ್ದನ್ನು ಪ್ರಶ್ನಿಸಿದರು. ಮುಸ್ಲಿಂ ಲೀಗ್‌ನ ಲಾಹೋರ್ ಅಧಿವೇಶನದಲ್ಲಿ ಪಾಕಿಸ್ತಾನ ನಿರ್ಣಯವನ್ನು ಮಂಡಿಸಿದ ಫಜ್ಲುಲ್ ಹಕ್ ಜೊತೆಗೆ ಬಂಗಾಳ ಸಚಿವ ಸಂಪುಟದಲ್ಲಿ ಮುಖರ್ಜಿ ಅವರು ಸಂಪುಟ ಸದಸ್ಯರಾಗಿದ್ದರು ಎಂದು ನೀವು ಏಕೆ ಕಲಿಸಬಾರದು? ಇದು ಇತಿಹಾಸ. ಅದನ್ನು ಏಕೆ ಮರೆಮಾಡಬೇಕು ಎಂದು ಪ್ರಶ್ನಿಸಿದ್ದಾರೆ.

ನಾಗರಿಕ ಅಸಹಕಾರ ಚಳುವಳಿ, ಭಾರತ ಬಿಟ್ಟು ತೊಲಗಿ ಚಳುವಳಿ ಮತ್ತು ವಸಾಹತು ವಿರೋಧಿ ಸತ್ಯಾಗ್ರಹ (ರೌಲಟ್ ಕಾಯ್ದೆಯ ವಿರುದ್ಧ 1919 ರಲ್ಲಿ ಮಹಾತ್ಮ ಗಾಂಧಿಯವರ ನೇತೃತ್ವದಲ್ಲಿ ನಡೆದ ರಾಷ್ಟ್ರವ್ಯಾಪಿ ಪ್ರತಿಭಟನೆಯಾದ ರೌಲಟ್ ಸತ್ಯಾಗ್ರಹವನ್ನು ಉಲ್ಲೇಖಿಸಬಹುದು) ನಂತಹ ಪ್ರಮುಖ ಸ್ವಾತಂತ್ರ್ಯ ಚಳುವಳಿಗಳಲ್ಲಿ ಆರ್‌ಎಸ್‌ಎಸ್‌ನ ಪಾಲ್ಗೊಳ್ಳುವಿಕೆಯನ್ನು ಶಾಲಾ ಪಠ್ಯಪುಸ್ತಕಗಳಿಂದ ಉದ್ದೇಶಪೂರ್ವಕವಾಗಿ ಹೊರಗಿಡಲಾಗಿದೆ ಎಂದು ಅವರು ಆರೋಪಿಸಿದರು.

ಇದನ್ನೂ ಓದಿ:65 ವರ್ಷದ ತಾಯಿಯ ಮೇಲೆ ಎರಡು ಬಾರಿ ಅ*ತ್ಯಾಚಾರ; ಪಾಪಿ ಪುತ್ರನ ಬಂಧನ| rape

ಸೈದ್ಧಾಂತಿಕ ಶೋಧಕಗಳಿಲ್ಲದೆ ಸತ್ಯವನ್ನು ಕಲಿಸಬೇಕು ಎಂದ ಓವೈಸಿ, ಬಿಜೆಪಿ ಆಯ್ದು ವಿಷಯಗಳನ್ನು ಕಲಿಸುವ ಮೂಲಕ, ಅವರ ಸೈದ್ಧಾಂತಿಕ ನಾಯಕರನ್ನು ನಿರ್ಮಲರಾಗಿ ಚಿತ್ರಿಸುತ್ತಿದ್ದಾರೆ ಎಂದರು. ತನ್ನ ಸಿದ್ಧಾಂತವನ್ನು ಉದಾತ್ತವೆಂದು ಪ್ರಸ್ತುತಪಡಿಸಲು ಪ್ರಯತ್ನಿಸುತ್ತಿರುವ ಬಿಜೆಪಿ, ಇತರರನ್ನು ಕೆಟ್ಟವರನ್ನಾಗಿ ಚಿತ್ರಿಸುತ್ತಿರುವುದು ಸರಿ ಅಲ್ಲ, ಇತಿಹಾಸವನ್ನು ಮರೆಮಾಡದೆ, ವಿದ್ಯಾರ್ಥಿಗಳಿಗೆ ಎಲ್ಲವನ್ನೂ ಕಲಿಸಿ ಎಂದರು.

ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಓವೈಸಿ, ಇತಿಹಾಸವನ್ನು ಬದಲಾಯಿಸುವುದು ಬಿಜೆಪಿಯವರ ಪ್ರಾಥಮಿಕ ಕಾರ್ಯಸೂಚಿಯಾಗಿದ್ದು, ಅವರು ಅಧಿಕಾರದಲ್ಲಿದ್ದಾಗಲೆಲ್ಲಾ ಇದನ್ನೇ ಮಾಡಿಕೊಂಡು ಬಂದಿದ್ದಾರೆ ಎಂದರು.(ಏಜೆನ್ಸೀಸ್)